السلام عليكم ورحمة الله وبركاته

حبيباتي بنات حواء

احب بالبدايه اشكركن على الجهود الجباره الي استفدة منها كثير

والله يعطيكن الف عافيه

السالفه ومافيها اختي جايه ان شاء الله من بريطانيا بعيد الاضحى (كل عام وانتم بخير قبل الزحمه )

ودي اسوي لها غزيمه بس محتار وش اسوي لها من اطباق وحركات ودندشه

فالله يعافيكن ولايردلكن طلب ودي تساعدوني

وشكرن ......... اموت انا على حرف نون النسوه
19-11-1429 هـ, 02:39 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تفضلي:
صور عزيمتي المتواضعه
هنا

عزيمتي بالصور
هنا

عزيمتي لخالاتي
هنا

عزيمتي الصغنطوطه للصديقات
هنا

ملف للمقبلات
هنا

ملف منوع لأطباق الأرز لعيونكم
هنا

ملف للحلويات الراقيه
هنا
19-11-1429 هـ, 04:02 صباحاً
 
الله يجيبها بالسلامه وتقر عيونكم في جيتها

شوفي عيوني دامها بتجي على عيد الضحية كل الي عليكم سوه بالبيت مثل محاشي تسوينها قبل بيومين لان يبيلها مجهود

وايضا ملفوف ورق عنب وملفوف كرنب ،وقبل العزيمه بيوم تسوين جميع اصناف الحلويات اسهل شي سوي لها حلى الطبقات

الي تتكون من طبقة بسكوت والطبقة الثانية كريم كراميل والطبقة الثالثة جلي احمر والطبقة الاخيرة الا وهيا الزينه تحطين

دريم ويب مع قشطة وتمسحينها فوق الجلي طبعا بعد مايجمد الجلي وياخذ راحته ومن ثم رشية بفستق مطحون مع حبات كرز

وتسوين تشيز كيك ولا تكثرين حلويات لان يمكن تزيد وحرام ينكتون وطبعا تكونين مجهزة لج عجينة فطاير من نفس اليوم

الي بتسوين فيه الحلويات بس تخمرينها وتدخلينها الثلاجه من بلليل ويجي اليوم الثاني تطلعينها من الثلاجة وتخلينها

تاخذ على حرارة المطبخ طبعا تكونين مجهزة الحشو سابقا عشان الشغل يكون سهل عليج ونجي الحين للاطباق الرئيسية

تسوين طبعا لحم بالفرن اسهل لج بس تحطين عليها بهارات والذي منه طبعا على ذوقج انتي ولمساتج انتي

وتدخلينها الفرن لمدة 3 ساعات بحرارة عاليه والنصف الساعه الاخيره تكشفين غطاء اللحم وتحمرين وجة اللحم

نجي للايدام اكيد بتسوين ايدام الخضار لان هذا الايدام المعتدات للعزايم طبعا اذا عندج كرش وقصبان حق الخروف سوية بمرقه

بروحة وقدمية لحالة جنب الايدام حق الخضار ونجي للرز نصيحة لا تحمسين بصل وخرابيط كل الي عليج حطي ماي طبعا

لكل كوب رز كوبين ماء وطبعا تحطين في الماء زيت زيتون او زيت ذرة معاه حبات هيل صحيحه واعواد الدارسين ولومي اسود

والملح طبعا وبس خليه يغلي عشان ياخذ نكهة المطيبات وتكونين ناقعه الرز ساعه ونص عشان اذا انطبخ تكون حباتها كبيره

وتكونين مجهزة ماي ورد وخيوط زفران منقوع لرش وجة الرز عند النضج والحين عليج تسوين الحشو من الصبح لان الحشو مايبيله شي الا بالاخير تاخذيم قفشتين رز وتحطينه على الحشو والحين سوي سلطة خضراء وسلطة الزبادي

وطبعا تكونين مجهزة من بدري الشاي والقهوه وحلا قهوه جيبيه من برى ويارب تكون عزيمه في قمة الروعه

وتكون عزيمه مشرفه اتمنى ما اكون قصرت عليج بافكاري
19-11-1429 هـ, 02:08 مساءً
 
ما شاء البنات ماقصروا

الله يوفق ان شاء الله
19-11-1429 هـ, 02:12 مساءً
 
بنت نوره والنعم * قلب اولادي

جزاكن الله الف خير وفقكن بالدنيا والاخره

صدق ماقصرتن جعله الله في موازين حسناتكن

ودي اذا مافيه كلافه حركه اسويه بالعزيمه تكون مفاجئه

لان راح تكون خالاتي موجودات مع بناتهن
20-11-1429 هـ, 12:13 مساءً
 


الساعة الآن 01:21 .