السلام عليكم ورحمه الله وبركاته
ان شاءالله ده حيكون ملف شيق ومفيد بقدر الامكان وبمدنا بالمعلومات المفيده اللى حنضعها وحنكتبها كلنا مع بعض ( وربنا ما يحرمنا من بعض ولا من لمتنا الحلوه اللى هى لمساندتنا لبعض لوجه الله تعالى )

اكيد فيه بينا عروسه جديدة ومحتاجه خبرتنا فى ادارة بيتها واكيد فيه بنات على وش جواز ومحتاجة محلات بأسعار مناسبه واكيد عيد الاضحى جاى وكل عام وانتم بخير ومحتاجين اماكن فيها منتجات شيك وبرضه بأسعار مناسبه واكيد عندنا اطفال حيدخولوا جضانة او مدرسه ممكن نساعد بعض بأسماء تكونوا جربتوها ومرتاحين فيها

يعنى نحاول نفيد بعض ونستفيد من يعض على قدر المتاح عندنا وربنا يجعل لكل بنت تساعد اختها لوجه الله تعالى فى ميزان حسناتها

اعتقد انه ممكن يكون اكتر للمصريين لكن مش شرط لان ممكن اخواتنا العربيات يستفيدوا علشان لما يحضروا لمصر يكون عندهم معلومات مسبقه ممكن تفيدهم
وايضا لو فيه اخت مصريه فى اى بلد تانى ممكن تسأل بنات هذا البلد عن اى شىء تريده وممكن يفيدوها

اتمنى ان الملف يحقق الفايدة للجميع ويوفى بالغرض

ملحوظة الملف ده جمااااعى بتاعنا كلنا

اشكركم





5.00

عدد التقييمات: 1
5
100%
4
3
2
1


فى محل الحلويات تيباروز اللى فى شارع النزهه عند دار الدفاع الجوى بيعملوا كل يوم الصبح فقط بوتى كرواسان وبوتى دانش وباتية طعمهم حلو جدا ومقاسهم حلو ممكن للفطار او للمدرسة او معاكى فى الشغل سعر الواحد 55 قرش
على فكرة لسؤالك يا نهى لو انتى عايزة تشتريه فى اى معاد غير الصبح ابقى كلميهم قبلها بيوم واحجزيه اضمنلك





طيب انا هبتدي بحاجة ممكن تكون قديمة بس مريحاني وعلشان مزعلش هايا
فراخ القدس لذيذة وبيجبوهالي لغاية البيت وسعرهم حلو وحاجاتهم حلوة
والسايت بتاعهم اهو


http://www.masralkods.com/Prices.asp

دون انا بجيب الفراخ البلدي بس مبجبش فراخ بيضا وبتكون صحيحة طبعا وحلوة اوي
كمان البانيه وفيه دبابس واوراك وصدور وشيش طاووق حلوين كمان
والبيض عندهم رخيص بس المشكلة ان البيض مفيهوش توصيل يعني لازم تعدي على المنفذ بتاعهم

الاسعار على السايت مش متحدثة انتي بتتصلي وبتسالي على اسعارهم بس هي حلوة
اللهم اهديلي زوجي واحفظلي ابنتي وابني ويسرلي حالي وارزقني بحلالك واغفر لي ولوالدي وبارك لي في ذريتي امين يا رب العالمين
بتطلبى امتى يا ميرو يومها الصبح ولا قبلها بيوم ؟؟؟؟ جربتى البط عندهم





كمان انا عندي سؤال لدينا من ساعة ما جبت ابني وانا مبعرفش اروح السوق

ومعرفش بقى الحاجات موسمها امتى علشان بتكون رخيصة فيه

فلما ببعت البواب يجيبلي خضار بجيب حاجات السلطة بس

فانا عايزة اعرف مواسم الخضار بيبقى رخيص امتى علشان اخزن في الفريزر
مثال:

البامية والبسلة والفاصوليا وكده
اللهم اهديلي زوجي واحفظلي ابنتي وابني ويسرلي حالي وارزقني بحلالك واغفر لي ولوالدي وبارك لي في ذريتي امين يا رب العالمين


الساعة الآن 09:34 .