ميرو

ممكن يا قمر تورينى صور لازايز الميه بتاعت تبر وير؟
لانى حاولت ادور على ازايز مايه في الكتالوج وملقتش
18-12-1429 هـ, 06:58 مساءً
 
اقتباس مشاركة  (don)
بمناسبة الكلام على مفارش السرير فيه اخت هنا فى المنتدى اسمها شهد الحياه فى قسم الكروشيه انا رحتلها المحل بتاعها فى مدينة نصر خلف النادى الاهلى عاملة حاجات جميله هى ومجموعه البنات اللى معاها وبتبيعهم انا عجبنى عندها مفارش سفرة ومفارش سرير كانت جميله بصراحه ومش غاليه وعلى فكرة هى انسانه جميلة وخدومة وبتعلم اى واحدة عايزة تتعلم بدون مقابل
ابله دون
ممكن تقليلي مكان المحل بتاعهم فين بالضبط؟
18-12-1429 هـ, 06:59 مساءً
 
اقتباس مشاركة  (don)
بصوا يا بنات انا حقولكم على معلومة رااااااااااائعه تخص اللى عندها اولاد فى الابتدائية وتالتة اعدادى والله حتدعولى عليها
بصوا
انا رحت امبارح شركة صيانه اللاب توب علشان اصلحه لانه لسه فى الضمان المهم لقيت على المكتب لاب توب جمييييييييييييييييييييييييل جدااااااااااااااااااا وهو ( بيبى لاب توب ) صغير قد علبة الكلينكس ومحطوط فى غطاء جلد ازرق شيك المهم سألت المهندس عليه

طلع اية بقى

اقولكم

وزارة التربية والتعليم قررت انها تعمم التدريس فى المدارس عن طريق الشرح بالبيبى لاب توب وحتبتدى بالشهادات العامة ثم باقى جميع المراحل

فالشركة اللى كنت فيها هى اللى معاها توكيل البيبى لاب توب وكانوا بينزلوا عليهم الدروس للبدء فى بيعهم وانا شفت درس علوم بالعربى وحساب بالعربى ودرس ساينس وماس
بصراجه فى منهى الجمال والروعه لانه بيشرح الدرس قدامك وبالالوان وبالصور المتحركة
وكمان بالصوت
لكن طبعا اللى انا مش فهماه هل الوزارة حتجبر اولياء الامور بشرائة اجبارى لكل الطلبة ؟؟؟؟؟؟؟؟؟؟؟ مش فاهمة والله
المهم اللى عندها استعداد لشراؤة واولادها فى الصفوف اللى قلتها لو جدعه فعلا تشتريه من دلوقتى من قبل ما ينفذوا القرار وتزاكر هيا منه لاولادها قبل الامتحانات ودة حيساعدك جدا جدا فى الشرح
يعنى انا لو مكانكم كنت حعمل كدة
المهم انى برضه مقدرش انساااااااكم وصورتلكم البيبى لاب توب وهو على فكرة مسميينه سكول school
وعلى فكرة الجهاز بيدخل على النت عادى كأنه لاب عادى جدا

ملحوظة

الصور تبان كبيرة علشان انا مقربه منه لكن هو صغير جدا









على فكرة سألتلكم على سعره وان كان فيه تقسيط
سعره كاش 1700ج
نظام التقسيط ممكن تدفعى 200ج مقدم و 150 ج كل شهر لمدة 12 شهر
او
تدفعى 700 ج مقدم و100 ج كل شهر لمدة 12 شهر

اللهم بلغت للفايدة ولقرب الامتحانات اللهم فشهد


طبعا اكيد اولادنا حبايبنا اللى روحهم فى حاجة اسمها المزاكرة البيبى دة حيفتح نفسهم للمزاكرة علشان كدة حيزاكروا منه ساعه وباقى اليوم شات مع اصحابهم على النت

وبكرة تقولوا دينا قالت
[color="Red"][size="5"]جميل اوى الخبر ده يا دندون اخيرا مش مشكله نبداء بالبيبى الاول بس يا ترى امتى ها يطبقوا الموضوع ده ؟؟
18-12-1429 هـ, 11:22 مساءً
 
السلام عليكم

خبر لى السريع كده لمحبى المسك

عبد الصمد القرشي فرع سيتى ستارز عامل عرض على المسك تاخدى تولتين صغيرين وعلية واحدة هدية ومكن تختاريهم انواع مختلفة اصغر تولة ب 95 نية للعلم

ممكن تختارى مسك اسود او ابيض عادى للجسم او اى نوع تانى اللى تروح تشم مسك خشب الارز وتدعيلى ريحته مش ممكن حلووووووووة
19-12-1429 هـ, 08:05 صباحاً
 
دينا

حلوة فكرة اللاب توب اوى
19-12-1429 هـ, 08:08 صباحاً
 


الساعة الآن 12:03 .