اقتباس مشاركة  (miro)
تاني يا دندن شكلك مشفتهوش واعتقد هيفيد بنات كتير
بصى يا ميرو بالنسبة للخضار فيه دلوقتى الخضار جميل زى البسله والفاصوليا والسبانح واكرنب والقرنبيط والقلقاس وكلها خضروات حتستنى معانا فى الشتاء فيه ناس قرب ما بيبتدوا يختفوا بتبتدى تفرزنهم وعلشان كمان يكون سعرهم نزل شوية لكن انا بصراحه ممكن مندلوقتى ابتدى او بعد اسبوعين بالكتير لان الخضار وهو طالع دلوقتى بيكون احسن بكتييير يعنى بصى للبسله حتلاقيها مليانة بعد كدة بتفضى والسبانخ خضراء وجميله والفاصوليا خضراء وماسكة نفسها قبل ماتشيخ فاهمة يا ميرو ؟ يعنى ممكن تجيبى وتشيليه فى الفريزر ومتخديش منه وبعدين تشترى برضه احتياجاتك اليومية

اقتباس مشاركة  (عاشقة الأخلاص)

انا كنت عايزة أسأل عن مكن يتباع فية الخضار المغلف اللى هو بيكون طازة مش مجمد بس ياريت يكون فى مدينة نصر
بصى يا نهى كان فيه سوق كبير بيتحط يوم فى الاسبوع عند مدرسه سانت فاتيما من 6 ص الى 4 عصرا كان بيقعد فلاحين عندهم كل ما لا تتخيليه ابدا الحاجة كلها بجميع اصنافها طازة وفى اكياس نص كيلو حتى الكرنب كان مسلوق ومتقطع فى اطباق المهم كانوا للاسف بيقوموا بمشاجرات مع بعض مما اضطر الناس لتبليغ البوليس عليهم ومنعوهم من الجلوس مرة تانية لكن كان فيهم واحدة نظيفه وكويسة اسمها ام محمد معايا رقم تليفونها ممكن اديهولك وتقوليلها على طلباتك وتتفقوا على اى مكان انتى عيزاة وتقابلك وتديهولك

اقتباس مشاركة  (دموع التائبة)
ميرو ............ معلش حاجات التبر وير ديه بتتتباع فين ؟؟؟ و فى حدود كام
نفس السؤال يا ميرو
بنوتاتى بالمناسبة من المحلات اللى بتبيع أدوات منزلية حلوة مركاتو اللى فى العقاد مول بجد عنده حاجات حلوة و بلاستيكات و الذى منه
كنت جايبة من عنده صينية تارت اللى منقرشة من الجوانب اللى بتبقى زى التيفال الخفيف ب 6 جنية و الله حتى قبل ما اطلع من المحل كذا واحدة شافت الصينية فى العربية و قالتلى جايباها من انهى قسم و بكام ديه حلوة اوى
و كمان كنت جايبة صينية كب كيك 6 عيون حلوة بحوالى 9 جنية بس حلوين اوى
دة بقى التسليه بتاعتى يا منى بدخله وانسى نفسى فيه ولعلمك عندهم حاجات واختراعات للبيت متخطرش على بالك انها ممكن تكون موجودة وعلى فكلرة انا اشتريت منه استاند بسيط فيه 4 فتحات علشان تعلقى فيهم مثلا المقشة والممسحه والزعافه مثلا بدل ما بنحطهم وراء باب المطبخ ولاهنا او هنا جميلة جدا ححطلكم صورتها


اقتباس مشاركة  (miro)
بصي يا منمن ده مشكلته انه زي ايفون كده واوريفلام
يعني لازم تكوني تعرفي عضوة فيه او تعملي انتي عضوية
انا عضوة فيه

كمان بيكون في معارض النوادي والمدارس لمنتجات التبر وير

وبيكون ليه كتالوج سنوي وبروموشن كل شهر بتخفيضات على منتجات معينه
ده اللي انا بجيب منه ههههههه
خلاص يا ميرو عرفنا واتغظنا من الاخر كدة عايزين


اقتباس مشاركة  (أم ياسين)
ربنا يخليكى لينا يا دوندن و يبارك فى ولاد اختك و يجعلهم من الصالحين
أنا هجمع شوية حاجات و أكتبها بس اللى بيحضرنى دلوقتى مطعم جربته قريب و طلع بجد تحفه و أسعاره أرخصر بكتير مما كنت أتخيل المطعم إسمه "حضر موت " جربت من عنده الفراخ المندى الفرخه بالرز البسمتى بالسلطه سعرها 34 جنيه و طعمها روعه و ممكن لو عاوزة وجبه لفرد بتاخدى ربع فرخه بالرز و السلطه سعره 9 جنيه و كمان فيه ربع تيس مندى بالرز بالسلطات ب 110 طبعا ينفع فى العزومات و الزيارات اللى على غفله الهوت لاين بتاعه 19067
تصدقى بالله يا صفاء انى حجربه فى اقرب وقت بالرغم انى كنت متغاظة منه جدا من كتر الاعلانات اللى بيوزعها فى الشارع بطريقه مكثفه كل ما امشى فى اى حته او اروح مشوار ارجع تلاقى دواسه العربيه مليانة الورق بتاعهم من كتر ما تلاقى بتوع الاعلانات بيحدفوهم جوا العربيه يعنى بالزوق بالعافيه لالالالالالالازم يحدفهوملك
21-11-1429 هـ, 01:37 صباحاً
 
كل البنات نورتوا الملف
21-11-1429 هـ, 01:40 صباحاً
 
دوندون اولا انا مقدر على زعلك وانتى عارفة كدة كويس.. وزعلانة منى لية؟؟؟؟؟ والله يا دون لو كنت مقصرة دة غصب عنى..
ما انتى عارفة معاذ واللى بيعملو فية..
عموما ادى بووووووووووووووووسة كبيييييرة علشان اصالحك...

ازيك يا نورا وحشاااانى جدا جدا والله

وميرو كمان ولو انى اشك انها اسة فاكرانى..

ورانيا انا بشوفك كتير على الماشنجر وبكلمك بس انتى مش يتردى..

وازيكو كلكوووووووووووووووو
والله يا بنات وحشتونى جدااااااااااااااااااااا...
21-11-1429 هـ, 03:31 صباحاً
 
مبروك يا بنات الملف الجديد و دايما يارب متجمعين في الخير


وشكرا لك يا دون دايما افكارك جميله
21-11-1429 هـ, 05:47 صباحاً
 
اقتباس مشاركة  (koki_2010)
ماما زوزو انت منورة واللهى انا كان لى سؤال الطقم الملاية الكبير بياخد كام متر
انا جبت 3 متر ونصف عمل الملاية وكيس مخدة كبيرة وخدادية صغيرة
انا كنت عاوزة 2كيسو2خداديةوملاية مكفاش
القماش فعلا ارخص من الجاهز واحسن حاجة انك تعملية بنفسك
اهلا ياكوكى ياحبوبه

الملايه الكبيرة اربعة ونصف
وكمان يفض منها شرائح طوليه
لان الملايه القماش عرض 240
هتاخدى اتنين ونصف يبقى دى الملايه

كيس 85 سم بطول 160 سم
يعنى الكيسين 170 سم
والخداديات مقاس كيس واحد يعنى كمان
85سم والباقى شريحة طوليه
لما بيكون قماش كنار
بحاول الشريحة دى تكون من الكنار
اما تقسم شرائح علشان تبقه كورنيش للخداديات

او اعمل بها عمل فنى لانى بحب الاقطان

يااارب اكون افدتك
21-11-1429 هـ, 08:36 صباحاً
 


الساعة الآن 04:08 .