Analysis Services
صباح الخير ولو ان الواحد مغموم من اللى شافه امبارح واول امبارح
حد يعرف حاجة عن د. نرمين او معاه تليفونها يطمنا عليها؟؟؟؟؟
هيا ننشر الخير افكارك جميلة قوى بس للاسف مفيش ولا صورة باينة حاولى تنزليهم تانى
بمناسبة الافاده كمان يا ميرو انا اقولكو بنضف الكنكة والبراد وعيون البوتجاز ازاى يمكن هى فكرة قديمة بس ممكن فى بنات متكونش تعرفها
الكنكة او البراد بملاها مية لنصها وشويه اريال بتاع الغسيل واسيبها تغلى بتقعد تفور اوطى عليها وارجع اعلى تفور وهكذا 10 دقايق وبعدين ارمى المية واغسلها وهى سخنة بليفة عغادية ولا سلكة ولا غيرة بتطلع تبرق زى الجديدة بالزبط
وعيون البتجاز برضه نفس الكلام بجمعها فى حلة المونيوم واحطلها مية تغطيها وشويه اريال واسيبها تغلى وتفور وبعدين اغسلها وادعكها شويه بتبقى زى الفل
01-01-1430 هـ, 08:48 صباحاً
 
حاجه كمان لو عندك طاسة بتاعة التحمير وبقى حالتها حالة من كتر التحمير والزيت يعنى بقت سوده من بره وعليها طبقة مغطية لونها هاتى قماشة وصبى عليها شويه تنر واعدكيها هتلاقى الطبقة دى راحت ورلون الطاسة بان تانى ولما تخلصى ابقى اغسليها كويس بالمية والصابون كذا مرة
01-01-1430 هـ, 08:50 صباحاً
 
نورا ----- ما شاء الله أفكارك جميله و خصوصا لعيون البوتجاز و الصينية
أنا بعمل الكنكة و البراد زيي ما بتقولي
01-01-1430 هـ, 02:30 مساءً
 
نورا

نرمين كويسة طمنتنا عليها فى الملف التانى ربنا يحفظهم ويحرق اليهود قادر يا كريم


حلوة فكرة التونر هاجربها ان شاء الله



بالنسبة لعيون البوتجاز

انا بحطها فى طبق وعليهم مية سخنة وبيكربونات ووشوية مسحوق غسيل وخل هلتلاقية بيفور سيبيهم شوية وبعدين باغسلهم بليفة عادى الاقيهم بيلمعوا بس الخلطة دى بتاكل الدهون وتدوبها خالص
01-01-1430 هـ, 04:39 مساءً
 
السلام عليكم جميعا ازيكم كلكم وحشتونى بس اعمل اية اللى عايز يلعب واللي عايز ينزل حاجات وانا اتخانق علشان اقعد على الكمبيوتر 1/2 ساعة
روشانا ازى بنوتك واية اخبار الحضانة الجديدة .يا رب تكونوا مبسوطين .انا الحمد لله لقيت حضانة ظريفة فى شارع متفرع من حسنين هيكل.يا مسهل .
اية اخبار البرد معاكم .انا شغالة فطائر وبطاطا و بسبوسة (قولولى اعمل اية تانى).وبالنسبة للمعجنات فية حاجة طلعت ظريفة قوي هى اننا نحط صينية فيها مية على الرف الاسفل من الفرن ونحط الحاجة اللى هنخبزها فى الرف اللى فى الوسط .جربوها يا جماعة بتطلع الحاجة هشة وجميلة.
01-01-1430 هـ, 07:23 مساءً
 


الساعة الآن 06:13 .