Analysis Services
اقتباس مشاركة  (miro)
صباح الخير يا بنات
طبعا الواحد ملوش اي نفس يتكلم في اي حاجة من الاوضاع اللي حوالينا دي ربنا يفرجها على اخوانا في فلسطين يا رب

المهم عندي ليكو مشروب يجنن وفكرته جديدة شربته عند خالتي وعجبني اوي معرفش تعرفوة ولا لا

جابت سفن اب وعليه شوية شربات ورد


تحفة بجد وطعمه حلو اوي وشكله شيك وجديد

طلعت عيني عقبال ما قلتلي ايه ده اصلا انا كنت فاكراه حاجة جديدة زي فيمتو ولا حاجة كده
ازيكم يا بنات
عامليين ايه
واحشنى جدا والله

ميرو انا بعمل المشروب ده
بس بالكركديه مع السفن اب
وفعلا بيطلع جميل جدا
03-01-1430 هـ, 01:55 مساءً
 
اقتباس مشاركة  (lovely angel)
بنات
كنت عايزة اجيب تربيزة تليفزيون ومجزمة
انا عاجبانى الحاجات اللى كارفور ال mdf بس زوجى مش عاجباه عشان مش بتستحمل زى الخشب
حد يعرف مكان تون فيه الحاجات دى اسعارها معقولة وخشب مضمون

على فكرة مدرسة تاجان "مدرسة اولادى"فتحت باب التحويل والتقديم للاقارب والاصدقاء لو حد عايز يقدم او حتى يروح ياخد فكرة

ابعتيلى التليفون لو سمحتى ان شاء الله هاروح ابص عليها السبت

انا زهقت من منارة الايمان دى بصراحة لسة فى نص الكتاب مخلصهوش واكيد مش هايلحقوا يخلصوا فى الاسبوعين دول

كل اللى فالحين فيه عايزين فلوس عايزين فلوس

عايزين القسط التانى قبل الامتحانات عشان نستلم كتب الترم التانى


طب خلصوا الاول كتب الترم الاولانى


ده غير ان جاكت بنتى علية اسمها ب 180 اتسرق فى المدرسة وهما مصممين انه مااتسرقش بيقولولى طفل اخده غلط معاه البيت وبقاله شهر على كده وعليه العوض ومنه العوض


حاجة تقرف عقدونى فى المدارس كلها والله


ابعت اقولهم خلوا البنت تغسل ايدها قبل الاكل عشان بطنها بتوجعها يقولولى احنا فى مدرسة مش حضانة

البنت وقعت واتعورت فى دقنها ونزلت دم المدرسة قالتلها روحى اغسلى وشك وخلاص على كده مايكلفوش خاطرهم يودوها للعيادة اللى فى المدرسة وداخلة من ضمن المصاريف عشان يحطولها بلستر ولا يطهروها بقطنة حتى مكان الارض اللى وقعت عليها وماشى عليها جزم طول النهار

الاغانى فى حصة الميوزك العيال مش بتلحق تحفظ حاجة قولنالهم اكتبوا كل اسبوع الاغنية اللى بياخدوها وصوروها ووزعوها عليهم

قاموا عاملين ايه ؟؟؟
سجلوا كام اغنية عربى على انجليزى على سي دى وبيبيعوها ب 30 جنيه

لو اقعد احكيلكوا للصبح مش هاخلص

الناس اللى ولادها فى مدارس خاصة كله كده يا جماعة ولا فى مدارس بتعمل بحق الفلوس اللى بتاخدها
03-01-1430 هـ, 01:59 مساءً
 
lovely angel
عاجبك كده لازم تجيبي سيرة المدارس اديكى فتحتينى وقلبتى عليا المواجع

دا انا رايحلهم السبت وناويلهم على نيه بيضا ان شاء الله لما اشوف حكاية الكتب اللى ما اتخادش نصها دى


طيب ماوديتهومش ليه منارة الفاروق قريبة منك وبيشكروا فيها اوى واعتقد المصاريف مش فارقة عن بتاعتك يمكن ااقل شوية؟؟؟
03-01-1430 هـ, 02:01 مساءً
 
اقتباس مشاركة  (ROSHANA)
ابعتيلى التليفون لو سمحتى ان شاء الله هاروح ابص عليها السبت

انا زهقت من منارة الايمان دى بصراحة لسة فى نص الكتاب مخلصهوش واكيد مش هايلحقوا يخلصوا فى الاسبوعين دول

كل اللى فالحين فيه عايزين فلوس عايزين فلوس

عايزين القسط التانى قبل الامتحانات عشان نستلم كتب الترم التانى


طب خلصوا الاول كتب الترم الاولانى


ده غير ان جاكت بنتى علية اسمها ب 180 اتسرق فى المدرسة وهما مصممين انه مااتسرقش بيقولولى طفل اخده غلط معاه البيت وبقاله شهر على كده وعليه العوض ومنه العوض


حاجة تقرف عقدونى فى المدارس كلها والله


ابعت اقولهم خلوا البنت تغسل ايدها قبل الاكل عشان بطنها بتوجعها يقولولى احنا فى مدرسة مش حضانة

البنت وقعت واتعورت فى دقنها ونزلت دم المدرسة قالتلها روحى اغسلى وشك وخلاص على كده مايكلفوش خاطرهم يودوها للعيادة اللى فى المدرسة وداخلة من ضمن المصاريف عشان يحطولها بلستر ولا يطهروها بقطنة حتى مكان الارض اللى وقعت عليها وماشى عليها جزم طول النهار

الاغانى فى حصة الميوزك العيال مش بتلحق تحفظ حاجة قولنالهم اكتبوا كل اسبوع الاغنية اللى بياخدوها وصوروها ووزعوها عليهم

قاموا عاملين ايه ؟؟؟
سجلوا كام اغنية عربى على انجليزى على سي دى وبيبيعوها ب 30 جنيه

لو اقعد احكيلكوا للصبح مش هاخلص

الناس اللى ولادها فى مدارس خاصة كله كده يا جماعة ولا فى مدارس بتعمل بحق الفلوس اللى بتاخدها

ايه يا بنتى ده!!! كل ده والمدرسة جديدة ولسة بتعمل سمعه؟
لأ طبعآ مش كل المدارس كده

يعنى فى مدرسة البنات لما حد بيتخبط او بيتعور غير انهم بيودوها للعيادة بيبعتولى فى الديلى ان البنت اتخبطت عشان ك>ا ك>ا بالتفصيل

اما غسيل الايدين والنضافة فهما ممتازين دول هما اللى بيبعتولى ورق عن النضافة وسيل الايدين والاسنان لدرجةانهم خلو الولاد يغسلو كام حاجه فى المدرسة وينشروها "فى برى كى جى"

انا هابعتلك رقمها وصدقينى المدرسة بجد جميييلة

لاروزا
انا هحاول اقنعه بال ام دى اف بس هو شايف انها بتتقشر وده اللى حصل فى تربيزة الكمبيوتر
03-01-1430 هـ, 02:49 مساءً
 
اقتباس مشاركة  (amirasidky80)
انا بسمع فعلا علي المنظف دة انه كويس قوي...و انا نفسي فعلا اجيبة هو انا ممكن الآقيه فين؟؟؟و هو ثمنه كام ؟؟؟
و انا استخدم الجوانتي البلاستيك العادي بتاع التنظيف و لا يأثر علي ايدي برده؟؟
المنظف ده موجود في كل السوبرماركت الكبيرة
لكن أفضل سعر اشتريته بيه كان من سبينيز سيتي ستارز كان بحوالي 7 جنيه وبيبقى عليه عروض أحيانا
وهو فعلا جميل ويستخدم لكل حاجة
حتى نضفت بيه الحمام قبل كده وطلع بيلمع
لكن لازم يتشطف كويس جدا جدا وإلا يعمل رواسب
وبيتلبس معاه الجوانتي البلاستيك العادي
وهو فعلا تقليد جيف المستورد
لكن ده أعتقد انه صناعة مصرية
03-01-1430 هـ, 03:18 مساءً
 


الساعة الآن 09:18 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏