Analysis Services
السلام عليكم
حبيت انى اشارك معاكوا
بالنسبة للى سالت عن الكربوناتوا مش هيا بيكربونات الصوديوم طب ما نتى ممكن تشتريها و خامة ممتازه من شركة الجمهورية للادوية و الكيماويات فى وسط البلد فى شارع شريف قدام البنك الاهلى من الناحية التانية او شارع محمد بسيونى لو انتى جاية من ميدان عبد المنعم رياض هتكون تقريبا فى نص الشارع على ايديك اليمين
هما كمان عندهم حاجة تانية اسمها البوركس فيه ناس بتستخدمة فى الغسيل مع المسحوق بتضيف منه شوية صغيرة بينشط المسحوق اكتر
كمان علشان تشققات الجلد فى الشتاء خصوصا كعب الرجل عندهم تلقى جلسرين اصلى بالعبوة بتبقي تقريبا كيلو ممتاز
و كمان عندهم زيوت عطرية اصلية لانها للاستخدمات الطبية و انا بجيب من عندهم الجلسرين و الكربوناتوا و اضف الاتنين باى اعمل عجينة لينة طبعا ملعقة مع شوية جلسرين و احط 2 الى 3 نقطة زيت نعناع فلفى بردوا من عندهم و افرش اسنانى كل 3 ايام مرة تشيل الجير و تعمل زى اسكرب للاسنان مع ريحة جميلة من زيت النعناع او القرنفل
ارجوا ان اكون افدتكم بشىء
03-01-1430 هـ, 06:17 مساءً
 
اه نسيت اقول لاخت اللى بتحب الخل عندهم بردوا خل طبيعى ممتاز غير مخفف بتعملى بنسبة 1 مقدار خل الى 20 مقدار ميه
لو عاوزة تركيز عادى للاكل او ممكن تزودى التركيز لو هتستخدميه مثلا للغسالة الاتوماتيك
03-01-1430 هـ, 06:20 مساءً
 
اقتباس مشاركة  (ROSHANA)
"وزير التعليم: 50% من التقويم الشامل للتلاميذ مخصص للأنشطة
شدد الدكتور يسري الجمل، وزير التربية والتعليم، علي أهمية ممارسة الأنشطة داخل المدارس، بعد أن أصبح لها وزن نسبي يمثل ٥٠% من تقييم التلاميذ، ضمن برنامج التقويم الشامل المقرر تطبيقه هذا العام علي الصفين الخامس الابتدائي، والأول الإعدادي والعام المقبل علي الصفوف السادس الابتدائي والثاني والثالث الإعدادي."
ايوه يا روشانا ما ده اللى احنا بنصوت منه السنه دى وبنتى كمان فى سنه اولى اعدادى ما قوليكيش على المنهج عامل ازاى شوية معلومات كده محطوطه بدون اى ترابط او توضيح وتيجى عايزه توضحيها انتى بخبرتك تكتشفى ان الموضوع كبير على الطالب وتلاقى فى النهايه مش مطلوب ان الطالب يفهم لانه كده هايتعب( ياحرام ) اذا فهم وغير كده هو ناجح ناجح مفيش كلام والمدرس هو اللى فى الاخر هايشد فى شعره ده اذا فضل عنده شعر
اقتباس مشاركة  (ROSHANA)
ومامتى فى الوزارة بتقولى بتقولى المرحلة اللى بعد كده هايطبقة على ثانوية عامة

عشان محدش يزعل انه لو مذاكرش يسقط ويجيلة اكتئاب بعد الشر لأ كله هاينجح وبتفوق كمان

هيه عايزين حاجة اكتر من كده بقى
ولسه على بال ما يوصلو ولادكم مدارس يا ترى ها يحصل ايه ؟؟؟
اقتباس مشاركة  (ROSHANA)
لقيتها

هى دى يا مى ؟؟؟



دينا تعرفى بتتباع فين فى مدينة نصر؟؟؟
وانا كمان عايزه اعرف فين بتتباع يا روشانا وبكام ؟؟؟؟
03-01-1430 هـ, 10:28 مساءً
 
والله ما انتوا قايمين خليكوا قاعدين على ما انزلكم الصور عن اية ؟؟؟؟؟؟؟
طبعا على العلب البلاستيك الله يكرمها يارب ميرو ضربت البومبة وجريت فى الاول جت فيا انا وروشانا لكن دلوقتى الحمد لله بقينا منتدى بأكمله
ثوانى
04-01-1430 هـ, 02:14 صباحاً
 
اولا بالنسبة لمحسن الفيومى عامل تخفيضات كويسه دة بخلاف خصم 10 % ذيادة عند الدفع بس اللى انا صورته لكم تخفيض كيتشن ماشين الكينوود علشان تقريبا كانت واحدة بتسأل على السعر







04-01-1430 هـ, 03:56 صباحاً
 


الساعة الآن 07:21 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏