حلو الملف ده قوى بس للاسف مش هقدر اشارك فيه لانى مش فى مصر فمش هقدر انفعكو باى حاجه
هتابعكو فى صمت
21-11-1429 هـ, 11:09 صباحاً
 
فيه شركه لقيت البنات بيشكروا فى منتجاتها و عملت عضويه فيها و جبت منهم مجموعه عندهم لتطويل الشعر لأن كان عندى مشكله فى نمو شعرى وأستعملته يا بنات حوالى أسبوعين ومش بإنتظام و الله شعرى إتزبط و بدأ يطول و جربت زيت جوزهند سايل عندهم بيدى لمعه للشعر و طراوة غير عاديه و المنظفات بتاعتهم تحفه الشاورات تجنن و الكيكات و التوابل حلوة
و الأهم التوفير يا بتات و الأوفرات بصراحه الأسعار هايله بالنسبه للمحلات العضويه ب15 جنيه و الكتالوجات بتيجى لغاية البيت الشركه هى ماى واى و أحلى ما فيها إن منتجاتها مصريه 100% بجودة عاليه .
21-11-1429 هـ, 11:15 صباحاً
 
اقتباس مشاركة  (miro)
عندي فكرة صغنونة بس حلوة اوي
كان عندي لولي طبيعي عملت عقد لنفسي وفضل شوية
فكان عندي خيط دهبي من كل شئ لضمت اللولي فيه وفي النص حطيت دلاية دهب بتاعة بنتي وكملت العقد بقى جميل خالص عليها وعملتلها كمان غويشة لولي وطبعا اللولي سعره ارخص كتير من السلاسل الدهب
وبس
الطقم بقى تحفة وجديد وبناتي خالص
انا عملت زيك بالضبط يا ميرو بس حطيت بدل الدلاية الدهب نص جنية دهب وانا اللى بلبسه شيك جدا


اقتباس مشاركة  (la rosa)
حلو الملف ده قوى بس للاسف مش هقدر اشارك فيه لانى مش فى مصر فمش هقدر انفعكو باى حاجه
هتابعكو فى صمت
بالعكس يا لاروزتى انتى والبنات المغتربات ممكن تفيدوا بعض بالحاجات اللى عندكم حتى لو اتكلمتوا على حاجات تموينية او لو قلتى على حاجة عجبتنى ممكن اى حد مسافر اخليه يجبهالى
21-11-1429 هـ, 11:18 صباحاً
 
اقتباس مشاركة  (عاشقة الأخلاص)
ميرسى ليكى يا منى على توضيح الفر ق بين البيض الأبيض والأحمر

انا كنت عايزة أسأل عن مكن يتباع فية الخضار المغلف اللى هو بيكون طازة مش مجمد بس ياريت يكون فى مدينة نصر
بصى يا نهى انا بروح سوق التامن اللى ورا المنهل

ده ممتاز جدا وتلاقى الستات اللى بتبيع خضار هناك بينضوا اى خضار عايزاة وهاتلاقى منهم حاطين فى اكياس قدامهم توم مقشر ملوخية مقرطفة محشى بانواعة متقور بسلة وجزر

بس انا بقى بفضل انى انقى حاجتى بنفسي واوزن واحاسب وبعدين اديهم لنفس الست او واحدة تانية تنضفهم وتجهزهم

انا جربتهم فى التقوير وقرطفة الملوخية وتقميع البامية بياخدوا على الكيلو جنية تقريبا بس البامين كانت جنية ونص افتكر

المهم هاقولك الخطة اللى بمشى عليها احيانا كتير وبتبقى موفرة للوقت والجهد

اول ما اوصل السوق اروح لبتاع السمك انقى السمك واقولى اشويهولى

وبعدين اروح انقى خضار الاسبوع الاول اللى عايز تنضيف واديه للست تنضفهولى

وبعدين الف براحتى بقى اجيب طماطم خيار بصل الحاجات اللى مش عايزاها تتنضف وفاكهة ورز وبقوليات

وبعدين تنى راجعة اجيب الخضار المتنضف والسمك المشوى وتاكسى على البيت يا دوب احط الرز على النار وابتدى اشيل الخضار كل حاجة فى مكانها


ولو بعيد عليكى شوفى اى حد بيبع خضار جنبك اسألية على تنضيف وتجهيز الخضار الموضوع ده انتشر اوى والبياعات بيسترزقوا منه وهما قاعدين فاضين وبقى ليه تسعيرة كمان مرة بفاصل مع واحدة قالتلى لأ لفى السوف واسألى تنضيف البامية بكام
21-11-1429 هـ, 11:21 صباحاً
 
اقتباس مشاركة  (أم ياسين)
للشعر و طراوة غير عاديه .
بمناسبة طراوة الشعر يا صفصف حد يا بنات يعرف حاجة كويسه بتطرى الشعر ؟؟؟ اهو ممكن انتى يا لاروز او رانيا او مدام شيرين مثلا يكون عندكم بره حاجة كويسة تقلولنا عليها واحنا نشتريها من هنا
21-11-1429 هـ, 11:21 صباحاً
 


الساعة الآن 08:15 .