اقتباس مشاركة  (hasby_raby_77)
ربنا يكرمك يا ابله دون
ياريت تقوليلنا فين محسن الفيومى ده
بعد اذنك يا دينا هارد على ماتيجى توضحى الوصفة اكتر

محسن الفيومى فى صلاح سالم قدام دار الاسلحه والذخيره قبل مشيخة الازهر وقبل مسجد الشرطة اللى بيعملوا فية كتب الكتاب وكمان قريب من مصنع كيماويات كده بالطوب الاحمر مش فاكرة اسمة مروان يمكن

وقبلية معرض بتاع اطقم معلالق وصوانى انا اشتريت منه فى جهازى بس برضه الاسم مش فى دماغى دلوقتى سطل بعيد عنك هافتكر الاسماء وارجع اعدل المشاركة


ولية دخلة من احمد سعيد لو تعرفى الشارع ده حاطط يافطة توضح الاتجاة


بس اسالى كويس وانتى رايحة من صلاح سالم عشان فية كوبرى احنا طلعناه غلط مرة اتارية كوبرى 6 اكتوبر وقعدنا بدون مبالغة ساعة ونص على مالقينا مخرج من الكوبرى ولفينا رجعنا صلاح سال متانى

كان يوم ومعايا البنات والعصر الجو كان حر فى الصيف كنا رايحين كتب كتاب
مع don دايما احلى
صباح الفل يا بنات اخباركم ايه دينا انا عمى الصغير بيشتغل فى بنك عودة مدير الفرع الرئيسى باين ولا حاجة كدة لو عايزة حاجة قوليلى

بصوا يا بنات معلش انا مختفية مشغولة فى قصة غزة دى الحمد لله بس ربنا كرمنا النهاردة و عملنا حاجة لطيفة و مهمة جداً يا ريت تقدوا تعملوها.....بناتى و شوية عيال معاها فى المدرسة فهمناهم اللى بيحصل فى غزة على اد سنهم و خليناهم يطلعوا فلوسهم اللى فى الحصالة و خدتهم النهاردة النقابة اتبرعوا بالفلوس و خدوا وصل باسمهم كل واحد على اد الفلوس اللى دفعها....الولاد كانوا فرحانين بنفسهم جداً و هما واقفين قدام الكبار راس ب راس بيدفعوا فلوسهم و كمان وجودهم عمل حو لطيف جدااااً فى النقابة و الناس كانت فرحانة بيهم اوووووووى و ده حسسهم انهم بجد عملوا حاجة حتى بنتى اللى عندها 3 سنين و نص كان معاها فلوس و دفعتها و خدت وصل صحيح هيا مش فاهمة اى حاجة بس وقفت زيهم فى الطابور و قالت لعمو اسمها و خدت وصل و بوستين

دى اكتر حاجة يمكن رفعت معنوياتى شوية و حسستنى ان ان شاء الرحمن لسه فى امل دعواتكم يا بنات لأهلنا فى غزة و سامحونى لو اختفيت شوية و ادعولنا ان عملنا يكون خااااالص لوجه الله

للتبرع لأهلنا فى غزة

إتحاد الأطباء العرب
لجنة الإغاثة والطوارئ

القاهرة:42 ش القصر العينى -دار الحكمة ت/27961792
مدينة نصر : 7 ش على أمين-تقاطع ش الطيران بجوار المخبز الآلى ت/24019369
الأسكندرية: 22 شارع بورسعيد - الشاطبى
ت/ 035907590
موبيل/0103226244


للتبرع عن طريق التحويلات البنكية:
رقم الحساب : 0/1/21090 بنك قناة السويس-الدقى

أو CIB البنك التجارى الدولى
10/90002914


ليصلك المندوب فى حالات المبالغ الكبيرة نسبيا :
موبيل/0104002121

يا تلاميذ غزة
علمونا
بعض ما عندكم
فنحن نسينا

علمونا
بأن نكون رجالا
فلدينا الرجال
صاروا عجينا

علمونا
كيف الحجارة تغدو
بين أيدي الأطفال
ماسا ثميناً
بالنسبة لمحسن الفيومى
بصى يا ست الكل لو انتى جاية من مصر الجديدة او مدينة نصر على طريق صلاح سالم لحد ما تلاقى كوبرى امامك وعلى ايدك الشمال حتلاقى مستشفى الامراض العقلية بتاعه العباسية
تطلعى على الكوبرى وتنزلى وتمشى يادوب شوية لحد ماتلمحى مبنى مبنى بالطوب الاحمر هو مصنع تقريبا وحتلاقى الفيومى لازق فيه على طول هو محل كبير جدا وحتعرفيه من زحمة العربيات اللى واقفه قدامه وعلى فكرة هو اجازة يوم الجمعه وبيفتح باقى الايام من الساعه 10 ونص بالظبط وعلى فكرة هو موسمى يعنى من دلوقتى حتلاقيه كل يوم بيحط بضاعه جديدة بتخفيضات لحد 21 مارس يوم الام وومن نص يناير حيبتدى يحط شموع وقلوب وبالونات ومجات وكوبايات واطباق كلها تخص يوم الحب وهكذا قبل كل موسم وكل مناسبة بشهرين يحط البضاعه بتاعتها وعلى فكرة قبل المدارس بيحط الكشاكيل والنوت والاقلام بجميع اشكالها وارخص من الفجالة وعلى فكرة لما تروحولوا ادخلوا القسم الصغير اللى على ايدك اليمين اللى فيه الملفات والدوسيهات حتلاقى عنده الاظرف البلاستيك الملونة جميلة جدا ممكن لو انتى شيلة وصولات صغيرة او فلوس او ورقه مهمة صغيرة تحتفظى بيها فبه علشان ميتبلش او يقع عليه اى سوائل يعنى هاتى 5 او 6 وشيليهم لوقت العوزة تقريبا الواحد ب 50 قرش او حاجة

حاجة كمان جميلة جدا عنده حاجة مبطنة زى الكيس الصغير ب 3 مقاسات الصغيرة علشان لو مثلا حتشيلى كاسيت او موبايل او شاحن المهم انها حاجة بتتكسر او لو مسافرة او لو على البحر او تحطى فيها المصحف الالكترونى دى جميلة جدا للحفظ وباين ب 3 جنية بس فايدتها اكبر من تمنها بكتير
عموما انا اشتريتهم وحصورهملك بكرة علشان تبقى عارفه شكله وانتى بتسأليه لان دلوقتى الساعه 5 صباحا والاولاد نايمين مش حعرف ادخل اجيبهم واصورهم

فيه عيب واحد بس فى محلات الفيومى لأ عيبين
اول عيب انه بينزل حاجات جديدة تقريبا كل يوم يعنى عايزك تروحيله دايما

تانى عيب انه لما بيجيب حاجة مابيكررهاش تانى خاااالص يعنى لو لقيتى حاجة حلوة وجديدة اشتريها لانك على ماتروحى وتفكرى وترجعى تجبيها مش حتلاقيها تانى يعنى مثلا كانت عنده فوطة المانى ب 8 جنيه جميله لتنشيف الارض انا اترددت ولما شكروا فيها ملقتهاش واحلى كوب بيعمل الكابتشينو كان عنده ب 6 ج اشتريته وملقتش زيه فى السوق كله علشان كنت عايزة تانى لانه فعلا ممتاز لحد النهاردة كل ما اروحله افضل اسئله عليه ِِ





اقتباس مشاركة  (zayyoda)
االي طلبوا الريجيم
انا هنا اهه و اسفه ع التاخير و الله غصب عني
http://forum.hawaaworld.com/showthre...2#post26049352
اسفه بعد اية يا ايمان ؟؟؟؟؟ دة احنا من يوم ماقلتلنا زيدنا 10 ك حلى حس اننا حنبتدى بكرة

اقتباس مشاركة  (lovely angel)
تسلم ايدك يا دون شوقتينى اروح محسن الفيومى ده
بس سؤال غريب شوية ....هو فين المحل ده ؟هو تخصص ادوات منزلية
هو فعلا جميل وخصوصا قبل السنة الجديدة وقبل الدراسة وكمان حاجات المصايف بتبقى حلوة بس هو تخصص كل حاجة ادوات منزلية ومكتبية وساعات ودلوقتى عمل دور علوى فيه مشايات وعربيات بيبى واباجورات وترابيزات كمبيوتر وغيره

اقتباس مشاركة  (miro)
واتحدى بمنتجات التبر وير اي منتجات اخرى حتى لة لوك لوك بتاعتكم دي
تحيز لحماتي حبيبتشي بقى ههههههههههههههه
بقى دلوقتى بقت جماتى حبيبتى طيب خليكى شاهدة يا روشانا
وان كنتى بتغظينا بالتبر وير خلالالالاص ولا يهمك يا روشانا استنى لما اغيظها انا كمان بالتبر وير


ادى علبه الجبنة


ودى العلبة المتعددة الادوار


ودى علبه حفظ الكيك
اصبرى يا روشانا ماهى اللى ابتديت وغاظتنا


ودى علبه التورتة
طب خلاص كفاية عليها كدة المرة دى علشان خاطرك بس





بصى دة لتلميع النحاس يا نورا من

بس انا مجربتوش بصراحه




واللى كانت بتسأل على الجزامة انا من رأيى ان احسن جزامة جربتها من عند التوحيد والنور منها لونين ومنها حجمين كبير وصغير انا اللى عندى دى الخحم الصغير هى 3 ادوار ومن فوق فيه درج لوضع الشرابات وعلى ما اتزكر كانت ب 125 ج










الساعة الآن 03:29 .