اقتباس مشاركة  (ROSHANA)
ميرو

حلوة الفكرة دى بس جبتى الخيط الدهبى ده منين من الصاغة؟؟؟
من محل كل شئ يا روشا اسمه خيط سيرما انا جبت الدهبي والفضي ساعات بطرز بيهم بيبقوا شيك اوي طبعا ده كان زمان مرة كان جوزي جايب مفرش من الهند وطرزته بالخيط الدهبي والخرز دهبي فكان متقن ومبنش اني انا اللي مزوده الشغل

كمان الخيط قوي يعني مش بيتقطع بسهولة بس لما تبتدي فيه انا بحطه في مانيكير شفاف وابتدي الضم فيه اللولي
اللهم اهديلي زوجي واحفظلي ابنتي وابني ويسرلي حالي وارزقني بحلالك واغفر لي ولوالدي وبارك لي في ذريتي امين يا رب العالمين
اذيكم يا بنات
انا عضوه جديده بحبكم اوى اوى فى الله
انا ان شاء الله هتجوز قريب وباجهز ممكن تقولو لى خبراتكم فى التجهيز يعنى ايه المهم ايه المش مهم واعداد الحاجات انا يعتبر بافنش جهازى بس ل ما اقول خلصت الاقى حاجات ناقصه زهقت اوى انتو كنتو كده زيى؟؟؟؟؟؟؟؟؟؟؟؟
مثلا
بالنسبه للعجان الكينوود انا دايخه على الايطالى منه 400 وات او 800حتى مش بينزل مش عاوزه اجيب الصينى ومش لاقيه الايطالى خالص وبعت اجيبه من السعوديه لقيته غالى اوى اوى ب 1700 ريال الايطالى ال 400 وات يعنى 2500 جنيه كتير اوى انتو جبتوا ايه وايه عيوب الصينى الصينى ده رخيص لقيته فى محسن الفيومى ال 800 وات ب1100 وما رضيتش اجيبه
محدش يعرف الايطالى الاقيه فين ؟؟؟؟؟؟
اقتباس مشاركة  (ROSHANA)
صباح النور

اه انا كتبت بنقى سورى مش قصدى انقى بالمعنى المفهوم هو الراجل هو اللى بينقيلى بس انا بختار الحجم الصغير

انا مش بعرف انقى السمك بصراحة ولا جوزى مع انه بورسعيدى

بس هو الراجل ده حاجته ما شاء الله فريش وعليه دايما زحمة وجربته كذا مرة كويس و ماجربتش غيره بصراحة

بالمناسبة بقى اللى جربته من السوق ده وماعجبنيش الفراخ

كانت استغفر الله العظيم زفرة اوى عقدتنى

واستريحت مع القدس برضه بس ساعات ماما بتجيبلى من سوق الحدايق من واحد عارفاه عنده مزرعة

بتبقى زى بتاعة القدس وارخص
ميرسي يا روشانا

بجد الملف ده مفيد جدا انا كنت عايزة اجرب الراجل بتاع الفراخ اللي في السوق ده بس كده خلاص






بالنسبة للولي بيتجاب من الصاغة او من بره من الخليج وكده بس اسعارة دلوقتي مش عارفة
اللهم اهديلي زوجي واحفظلي ابنتي وابني ويسرلي حالي وارزقني بحلالك واغفر لي ولوالدي وبارك لي في ذريتي امين يا رب العالمين
اقتباس مشاركة  (don)
اهيه يا منى







احسن ما كل شوية حد من الولاد يركن المقشه جنب الحيطة وتروح واقعه وتلاقى كل شوية حد عمال يتكعبل فيها
حلوة فعلا يا ابله دينا إن شاء الله هابقى اشوفها عنده

اقتباس مشاركة  (أم ياسين)
فيه شركه لقيت البنات بيشكروا فى منتجاتها و عملت عضويه فيها و جبت منهم مجموعه عندهم لتطويل الشعر لأن كان عندى مشكله فى نمو شعرى وأستعملته يا بنات حوالى أسبوعين ومش بإنتظام و الله شعرى إتزبط و بدأ يطول و جربت زيت جوزهند سايل عندهم بيدى لمعه للشعر و طراوة غير عاديه و المنظفات بتاعتهم تحفه الشاورات تجنن و الكيكات و التوابل حلوة
و الأهم التوفير يا بتات و الأوفرات بصراحه الأسعار هايله بالنسبه للمحلات العضويه ب15 جنيه و الكتالوجات بتيجى لغاية البيت الشركه هى ماى واى و أحلى ما فيها إن منتجاتها مصريه 100% بجودة عاليه .
ايوه سبحان الله ماى واى ديه حاجات تحفة جدا
بس معلش يا صفصف الزيت اللى بيطول الشعر ده اسمه ايه ؟؟ عشان انا كمان عندى مشكلة فى نمو الشعر بيوصل لحد معين و بعدها مش بيطول اصلا

رشا ..............انا كمان بشترى من سوق المنهل كتير و خضار و كل حاجة بس بصراحة بدى الخضار لمرات البواب و هي تنضفة

و اكتر حاجة كويسة عندهم السمك مثلا الفيلية البلطى بشترية بحوالى 20 او 22 جنية بس بفاصل مع الراجل
الجمبرى الحجم الكويس لا كبير جامبو و لا صغير بس يميل انه بكون كبير بجيب الكيلو بقشرة بحوالى 40 او 45 جنية

و الفراخ ساعات بشترى من السوق ده بس بتبقى ارخص من بره بحوالى 1 جنية او جنية و نص

بالنسبة للساحيق الأوتوماتك ............... كنت على طول بجيب برسيل بس اخر مرة جبتة كان سىء للغاية فققرت اغيره جبت أوكسى OXI و طلع بجد حلو جدا ممتاز و سعره رخيص بحوالى 35 جنية (4 كيلو ) بيدى نتيجة حلوة زى برسيل او انضف شوية كمان

بالنسبة للبقالة و الجبن و الزيتون و الحاجات ديه ................ بجد بعد تمحيص و تدقيق و بحوث كل الناس اجمعات ان احسن واحد فى مدينة نصر هو سوبر ماركت الراية اللى فى ش ذاكر حسين على اليمين و انتو جايين من عباس العقاد و على نفس ناحية الشبراوى

و رقم 2 فى البقالة هو كابرى اللى فى عباس العقاد .

البنات اللى عنها بيبهات و بتجيب مناديل معطرة فيه هاجى اسمها easy care على ما اعتقد بتبقى حلوة و نضيفة و مش بتنشف بسرعى و نوع تانى اسمه hebi care مش حلو بينشف بسرعة مش كويس

بالنسبة لكريمات التسلخ بتاع الأطفال اسمه SANOSAN المانى علبته ابيض فى لبنى ممتاز جدا للبيبهات بحوالى 25 جنية عند الصيدلية و بحوالى 21.75 جنية عند السوبر ماركت الجملة


و برده هاقول على الحاجات اللى مش حلوة عشان مش تجيبوها ...............مثلا المحمل اللى فى السراج مول فعلا من اسوء السوبر ماركت اللى ممكن تروحيلة مش منظم خالص و مش نضيف و حاجاتة مخزنة لفترات طويلة


و ان افتكرت حاجة تانية هابقى اقولها بامر الرحمن
موقع قرءان رائع ادخلى من هنا
http://www.tvquran.com



اقتباس مشاركة  (don)

بصى يا نهى كان فيه سوق كبير بيتحط يوم فى الاسبوع عند مدرسه سانت فاتيما من 6 ص الى 4 عصرا كان بيقعد فلاحين عندهم كل ما لا تتخيليه ابدا الحاجة كلها بجميع اصنافها طازة وفى اكياس نص كيلو حتى الكرنب كان مسلوق ومتقطع فى اطباق المهم كانوا للاسف بيقوموا بمشاجرات مع بعض مما اضطر الناس لتبليغ البوليس عليهم ومنعوهم من الجلوس مرة تانية لكن كان فيهم واحدة نظيفه وكويسة اسمها ام محمد معايا رقم تليفونها ممكن اديهولك وتقوليلها على طلباتك وتتفقوا على اى مكان انتى عيزاة وتقابلك وتديهولك
ميرسى اوى يا ابلة دون ربنا ما يحرمنى منك انا هتصل بحضرتك واخد رقمها عجبتنى الشماعة بتاعة المئشة دى ان شاء الله اعدى عليهم اجيبها


الساعة الآن 09:32 .