Analysis Services
يا جماعة في موضوع عايزة استشارتكم فيه....هو اني مبعرفش احوش خالص...انا و زوجي متشاركين في مصروف البيت و بتحصل في الأخر من مرتبي الشهري علي مبلغ يادوب بيمشيني الشهر و باقي المرتب في مساعدة زوجي من اقساط و التزامات...
لكن و لله الحمد بيجيلي كل سنة كده مبلغ يعني مش بطال..و كل مرة اخده اضيعه في حاجات تافهة و مبعرفش احوش
لو حطيتة في بنك الاقي نفسي بسحب بالكريدت كل شوية لحد ....هووووووووووب ما الاقيهم مفييييييش و لو قلت احطهم تحت البلاطة ..ههههههههههههه..في الدولاب مثلا و او احوشهم في البيت الاقي نفسي بصرف بعبط
فكرت اشتري دهب..بس انا من الستات الي فقرية ..و مبحبش البس دهب ..يعني مثلا الشبكة بتاعتي تسمع حسكم في الولاب بتاعي
و فين و فين لما بلبس حاجة
قووووووووووووولولي اعمل ايه في ايدي المخرومة
و ازاي اتعلم اني احافظ علي فلوسي..عشان الاقيهم وقت عوزة
و لو هجيب دهب اجيب ايه عشان ميخسرش كتييير في البيع لو حبيت ابيع مثلا
09-02-1430 هـ, 02:51 مساءً
 
اولا هاتى دهب عربى عيار 21 حلو اوى ودايما فى العالى

هاتى غوايش يكون مافيهاش الماظ ولا دهب ابيض وهاتيهم كمان موديلات عادية ومافيهاش شغل ليه بقى ؟؟ لان الشغل الكتير بياخدوا عليه مصنعية عاليه وبالتالى لما تبعيه حتخسرى مصنعية جامدة لكن لو اشتريتى جرامات دهب والمصنعية مثلا 4 او 5 جنيه يبقى حلو اوى لان فيع غوايش بتقف المصنعية فى الجرام ب 12 جنيه وانتى طالعة ... وطبعا برده اللى فيه الماظ ولولى برده بينزلوا منه كتير


تانى حاجة بقى ودى اهم حاجة ادخلى على الرابط ده حتلاقينى هناك والله استفدت منه كتير والله بس بشرط تقرى كل الصفحات متفوتيش ولا صفحة عشان والله والله كل صفحة فيه معلومة ونصيحة مهمة وده الرابط بتاع الموضوع

http://forum.hawaaworld.com/showthread.php?t=1568841

09-02-1430 هـ, 03:00 مساءً
 
متشكرة قوي علي ردك الجميل..انا هقرأ الرابط و هقولك علي الأخبار
بس انا عندي 28 سنة هي الغوايش بتبقي شيك برده و لو عيار 18 هخسر في الغوايش قوي؟؟؟
09-02-1430 هـ, 03:03 مساءً
 
اقتباس مشاركة  (amirasidky80)
يا جماعة في موضوع عايزة استشارتكم فيه....هو اني مبعرفش احوش خالص...انا و زوجي متشاركين في مصروف البيت و بتحصل في الأخر من مرتبي الشهري علي مبلغ يادوب بيمشيني الشهر و باقي المرتب في مساعدة زوجي من اقساط و التزامات...
لكن و لله الحمد بيجيلي كل سنة كده مبلغ يعني مش بطال..و كل مرة اخده اضيعه في حاجات تافهة و مبعرفش احوش
لو حطيتة في بنك الاقي نفسي بسحب بالكريدت كل شوية لحد ....هووووووووووب ما الاقيهم مفييييييش و لو قلت احطهم تحت البلاطة ..ههههههههههههه..في الدولاب مثلا و او احوشهم في البيت الاقي نفسي بصرف بعبط
فكرت اشتري دهب..بس انا من الستات الي فقرية ..و مبحبش البس دهب ..يعني مثلا الشبكة بتاعتي تسمع حسكم في الولاب بتاعي
و فين و فين لما بلبس حاجة
قووووووووووووولولي اعمل ايه في ايدي المخرومة
و ازاي اتعلم اني احافظ علي فلوسي..عشان الاقيهم وقت عوزة
و لو هجيب دهب اجيب ايه عشان ميخسرش كتييير في البيع لو حبيت ابيع مثلا
اول حاجة تحددى مبلغ معين مهما كان بسيط تطلعية من مرتبك كل شهر عشان ربنا يبارك فيه ان شاء الله
والمبلغ الى بيجيلك كل سنة برضه تطلعى منه شيئ لوجه الله
والباقى بقى ممكن
اشترى سبيكة او اكتر دهب بيبقى فى منها اشكال مرسوم عليها وردة او لفظ الجلالة
ودى بتحتفظ بقيمتها وقت ما تحبى تبيعيها لان سعرها بيبقى معروف فى السوق والوزن مفيشاش لعب وينزل من تمنها والحركات دى وفى نفس الوقت ممكن تلبسيها فى مناسبة او كده

وعلى فكرة الذهب لو عدى علية سنة مش بتلبسية يبقى المفروض تطلعى علية زكاة
09-02-1430 هـ, 03:28 مساءً
 
او جنيهات دهب برضة بتحتفظ قيمتها وبتزيد مع الوقت ما شاء الله واضمن من البنوك وحرمانيتها

بس اتأكدى انه مختوم لما تشترية لان اللى مش مختوم بينزلزا فيه شوية وقت البيع مش فرق كبير بس انتى اولى

ولا قدر الله لما تحتاجى فلوس ممكن تبيعى جنية او اكتر

المهم انك حولتى الفوس لحاجة قيمتها بتزيد وفى نفس الوقت مش هتعرفى تصرفيها
09-02-1430 هـ, 03:29 مساءً
 


الساعة الآن 11:55 .