Analysis Services
صباح الفل يا بنات وحشتونى جداااً مقصرة بس معلش بجد مطحونة زينة عندها بطولة كمان 10 ايام و بطولة تانية فى نص مارس فبنتمرن زى المجانين
اقتباس مشاركة  (ROSHANA)
يا بنات جد يعرف دكتور عظام (ظهر على الخصوص ) كويس ضرورى لو سمحتم

كان حد قال م كذا ملف فات على دكتور عظام لو حد فاكرة يقولى
روشا بصى فى واحد هايل اسمه ياسر المليجى عيادته فى شارع التحرير فى الدقى ممكن تجيبوا نمرته من الدليل هو من احسن الناس اللى بتشتغل عمود فقرى فى مصر
14-02-1430 هـ, 09:05 صباحاً
 
اقتباس مشاركة  (ROSHANA)
او جنيهات دهب برضة بتحتفظ قيمتها وبتزيد مع الوقت ما شاء الله واضمن من البنوك وحرمانيتها

بس اتأكدى انه مختوم لما تشترية لان اللى مش مختوم بينزلزا فيه شوية وقت البيع مش فرق كبير بس انتى اولى

ولا قدر الله لما تحتاجى فلوس ممكن تبيعى جنية او اكتر

المهم انك حولتى الفوس لحاجة قيمتها بتزيد وفى نفس الوقت مش هتعرفى تصرفيها
انا سمعت كلامك و نفذت فكرة الجنيه الدهب..بس انا لما شفت سعر الجنيه في الجرنال لقيتة 10140 و انا اشتريته بالدمغة ب10170 هو الفرق مش كبير و انا حبيت اسال هل الزيادة دي طبيعي و الجنيه الدهب بيكون ليه مصنعية؟؟؟؟
و بعدين محل الدهب مدنيش فاتورة ليه...اصلة معرفة و ماما و انا بنتعامل معاه من زمااااااان
فهل عند بيعه لازم يكون في فاتورة..و لا هو بيتباع بقيمته في وقتها و بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟
14-02-1430 هـ, 10:19 صباحاً
 
يا بنات فى جمعية رساله بدأنا مشروع للصدقه الجاريه
اللى عنده حد متوفى و يحب يعمل له صدقة جاريه أو حتى كل واحده تعمل لنفسها صدقه جاريه يمتد أجرها و حسناتها حتى بعد وفاتها الصدقه بتبتدى من 10 جنيه فى الشهر و هيجى مندوب من رساله يحصلها شهريا أو سنويا حسب الاتفاق و دا رقمهم لو حد عاوز يستفسر عن حاجه 19450
و يا ريت تنشروها عشان تاخدوا الأجر.
14-02-1430 هـ, 12:37 مساءً
 
اقتباس مشاركة  (لوزة_لوزة)
بصي يا عسل في جزار في مدينة نصر فين بقي

ممكن تروحيله من طريقين

او طريق شارع خضر التوني اللي فيه المترو اللي يربط ما بين شارع يوسف عباس و شارع الطيران


هنقول انتي جاية من يوسف عباس و هتدخلي الشارع ده اللي هو خضر التوني هتمشي فيه هتلاقي جنبك علي اليمن عمارت التوفيق

امشي لحد ما تلاقي كشك علي ناصيتة شارع جانبي ادخلي فيه يمين و امش علي طول هيكون في وشك نادي النصر

مش هنوصل ل نادي النصر خالص

تقريبا في نصف الشارع ده هتلاقي جزار اسمه اولاد الشروقاوي تقريبا علي شمالك

انا اعرف اسماء اصحاب المحل مش مركز اوي في اسم المحل

اسماء اصحاب المحل شريف و دياب الاثنين اخوات

شريف احسن شوي في التعامل من دياب


احنا بتعامل معاه بقلنا سنين و حتي لما بنذبح في العيد بنشري من عنده و بنذبح عنده

اللحمة ارخص شوي عنده بس وصيه ان يديكي لحم كويسة انتي عارفة بقي الجزارين

ممكن يلبسك في لحمة كبيرة شوي و مش هوصيكي لو عمل كده

انا بهرج طبعا بس ساعات للامانة بتحصل انه يديني لحمة كبيرة كنت بهدده اني ارجعها

لكني خالتي ناصحة اي حاجة مش بتعجبها بترجعها له


قوليله انا جيالك و ناس بتشكر فيك جدا جدا حركات كده و عرفيه انك عرفاه


و الطريق الثاني اللي تروحي منه

هو من يوسف عباس و انتي جاية من الميدان اللي موازي لرابعة ( من عند الكرة الارضية )

امش شوي و اول يمن يقابلك بعد الشرطة العسكرية ادخلي فيه اكنك رايحة نادي النصر

الاول هتقبلي المبني الجديد بتاع القوات المسلحة اللي علي الشمال ادخلي شمال في الفتحه اللي بعد المبني ده مفيش علي العموم غيره

و هو هو نفس الشارع و يكون في اخره شارع خضر التوني اللي فيه المترو

هيكون محل الجزار علي يمينك اعتقد مفيش غيره جزار في الشارع ده

الشارع ده يا سيتي بعد الجزار فيه عيادة القوات المسلحة و في فتحه كده بعد العيادة علي يمينك لو دخلتي فيه بسيط كده هتلاقي عمارة علي شمالك فيها محل اسمه الجيزيري

ده بيبع كل حاجة سايبه ارز و مكرونة و الحاجات دي

و جنبه واحد بيصلح الشنطة و الاحذية

يعني قلت اقولك بالمرة
تسلمى يا قمره ربنا يبارك فيكى و فى عمرك
فعلا جزاكى الله خيرا تعبتى نفسك و كتبتى ده كله

عموما بامر الرحمن هاروحله و اجرب و ان شاء الله يطلع كويس

اقتباس مشاركة  (شهيدة...79)
منى
ازيك يا قمر؟ وازى روان؟
بصي انا سمعت عنها بس في ناس جابتها وشكت فيها بتقلك مجهوله المصدر وانا بصراحه اخاف اجرب في ابنى
في ناس حوالينا مبتلعبش برضو هيا مش عقدة المؤامرة بس فعلا حاجه تخلى الواحد يشك

عامة لو جبتيها ابقى قولي الاخبار
بصى يا جميل تصحيحا للمعلومة بقى

انا جبتة امبارح و طلع مقلب بمعنى الكلمة
بجد وحششششششششششششششششششش الى ابعد الحدود
بيسرب و بتفتفت كده و بيعمل بواقى على جلد الطفل توبة يا بنتى

يا بنات محدش يشترى كوتشى ده ابداااااااااااااااااااااااااااااااااا نصيحة لوجه الله هترموا فلوسكم على الأرض زى ما ان اعملت
14-02-1430 هـ, 01:02 مساءً
 
صباحكم فل وقشطة


عايزة استشيركم في حاجة كدا ويارب تفيدوني


انا عندي شقة في مصر طبعا والحمد لله هيا ملك وانا عايشة انا وجوزي في السعودية

لما سالت على العفش الفترة دي في مصر بيقولوا سعره نازل بس مقارنة بهنا هو مولع نار

فكان جوزي بيقول ننزل العفش من هنا انتوا رايكم ايه انا خايفة من شركات الشحن تبهدل الحاجة ؟؟

وفي نفس الوقت فيها ميزة اني انا حختار بنفسي .. لكن لو اشتريت من مصر يمكن اخلي حماتي تشتريلي ..

وانا عايزة اختار حاجتي بنفسي بس خايفة من حكاية النقل دي وبعدين هل ممكن آخد غرفة نوم من السعودية وما يعرفوش يركبوها هناك


تخيلوا المصيبة بقى لو ما تركبتش !!!!!!!!!!!!!!1 ايه حآخد حد يركبهالي من هنا

قوليلي ايه رايكم احوش وخلاص حماتي تشتريلي من هناك اضمن ولا اشحن من هنا
14-02-1430 هـ, 05:41 مساءً
 


الساعة الآن 06:44 .