اقتباس مشاركة  (don)
اهلا بيكى ياعطر الشموع انا كمان جديدة زيك ومنتظرة حد يسلم عليا ويرحب بيا ويفتحلى الباب ويقولى اتفضلى( لحد كدة انا فهمت واهلا بيكى ونورتى الملف ) وياسلام لو واحدة كوكا مشبرة ( لكن دى مفهمتهاش ابدا دة حتى ولا عرفت اقراها .... يلا عروستى) ههههههههههههههههههه
دون ياقمر ... بجد بحبك فى الله من زمان اوى من 3 سنين تقريبا ههههههههههه من ايام ملفات الطبخ ومن كل بلد اكلة والحاجات دى .... ربنا يديكى الصحة والعافية ويخليلك ولادك ويجعل كل شئ استفدنا بيه منك فى ميزان حسناتك ان شاء الله ...... اما الكوكا المشبرة دى فامعناها ياستى انك تجيبى علبة كانز كوكاكولا وتحطيها فى التلاجة لغاية ماتسقع اوى اوى وبعدين تطلعيها برة التلاجة شوية حتلاقيها عرقت وبقى فى على العلبة من برة نقط ماية ... وبس واما كلمة مشبرة فا هى مشتقة من الشابورة اللى بتبقى فى الجو الصبح ... يارب تكونى فهمتى لحسن انا غبية شوية ومش بعرف افهم حد مع انى مدرسة بس لسة تحت التمرين هههههههههههههههه باب النجار مخلع
اخصائية تخاطب و توحد
Speech pathologist and autism
اقتباس مشاركة  (don)
مش معنى انك من اسكندرية انك متقوليش معلومات !!!!!!! احنا قلنا اى حد فى اى حته ممكن يقول ومليون الميه حتنفع اى حد فى اى وقت حيحتفظ بالملف

اقتباس مشاركة  (عطر الشموع)
ماشي يا عم مش للاسف عموما بجد سعيده اني بلاقي حد من اسكندريه احسن بحس اني في الدنيا لواحدي

على فكره انا عارفه حضانه الفيوتشر لان عم جوزي ساكن فوقهم بس بيقولولي انهم بيسمعوا المدرسات بيزعقوا للاطفال كتير عشان كدا خفت منهم

وديت ابني حضانه اسمها رويال نيرسري في لوران و الى الان كويسين لانه لسه مراحش كتييير

قوليلي بقى قدمتي لولادك في انهي مدرسه؟؟

انا قدمت له في هاوس اوف انجليش و الرياده و لسه مردوش عليا

مقلتيش ساكنه فين ؟؟؟
انا ساكنه في لوران و لسه هحكيلكم موجز لحياتي و مشترواتي

بصى يا قمر مبدئيا انا ساكنة جمب مدرسة الزهراء اللى فى جناكليس عشان كدة حدخله ان شاء الله فيها بس هما قارفنى لغاية دلوقتى بيقولوا باب التقديم مافتحش ... وماقدرش ادخله اى مدرسة تانية فيها باص عشان باباه رافض لان حصلت ميت مصيبة لاولاد اصحابه بسبب الباص فا عشان كدة عايز يدخله اى مدرسة قريبة ...

والله الفيوتشر حلوة اوى والادارة بتاعتهم جميلة بس ابنى بقاله كام يوم بيستخبى تحت السفرة والكراسى وبيفضل يسوط ويعيط لما النانى بتيجى توديه الحضانة .. حاولت افهم ايه الوضع قالى ان ميس عبير بتاكلنى الساندويتش فى بقى كتير وانا ببقى عايز ارجع ... وطبعا كان بياكل اكله كله مشاء الله وكان تخن وبقى جميل ... رحت قلتله بليز اديله الساندويتش فى ايده وهو ياكل لوحده هو كبير عنده 3 سنين و3 شهور هو يعتمد على نفسة طبعا بقى ياكل حتة صغيرة ويستهبل ومايرضاش يكمل الباقى ويرجع حتى بالكيس بتاع السناك بتاعه ولا يشرب العصير ولا الكيك ولا الفاكهة ... ومع ذلك قلت مش مهم المهم انه يحب الحضانة تانى زى زمان ... تانى ويوم فضل برده يعيط نفس الوضع .. مالك ياعمر .. النانى بتجرى فى الشارع وتشدنى وانا رجلى بتوجعنى وبطنى بتوجعنى ... طبعا زعقتلها بقيت مره تشيله ومرة تمشى بالراحة .... تالت يوم كان اسوأ فيه ايه ؟؟ هنا سامح ويوسف بيضربونى وبيحطوا الشنطة على راسى وعينى ... رحت لاقيت هنا دى بيبى قده فى السن بس قصيرة وضعيفة زيه ؟ بجد مش عارفة اعمل ايه ؟ قلبى بيتقطع عليه وهو نازل يصوت ويصرخ وانا مش سائلة فيه ؟ كمان مش عاؤفة لما يروح الحضانة الرسمى بتاعت المدرسة اللى فيها ولاد كبار لغاية الثانوى ومافيهاش دلع حيعمل ايه ؟؟ قلبى واجعنى عليه اوى

ياريت لو عندك حل يا انجى تقوليلى اعمل ايه ؟
اخصائية تخاطب و توحد
Speech pathologist and autism
roshy
ضايقتيني جدااااا والله عشان ابنك و المشكله انهم مش بيرضوا يحكوا لنا
انا عندي يوسف كدا مش بيحكيلي خالص و مره جه من الحضانه التيشيرت عليها دم ووشه متعور
طبعا جالي انهيار و فضلت افتش في الاندروير اصلي بترعب من البلاوي اللي بسمعها
و عملت له قرد لحد ما قاللي يويو وقع اتخبط في الترابيزه و الميس كانت بره و انا اعيط و هي جت تجري
طبعا تاني يوم اتصلت بيها و انكرت تماما
فللاسف مفيش امامنا حلول يا اما نخليهم في البيت يا اما نوافق بس ندعي ربنا يسترها مع ولادنا
بس في المدارس الاساسيه بتبقى الرقابه اقوى لان اي مشكله الاهل بيكبروا المواضيع و ممكن الوزاره تبهدلهم
بس انا رايي متسيبيش ابنك يروح مع الداده لاني بخاف اوي من الدادات دول
و عموما ربنا الحامي

المهم مقلتيش بقى بتجيبي حاجتك منين و بتخرجي فين يعني قصه حياتك كلها
انجى ردى على كل رد انا كتبته عشان محتاجة الرد ضرورى

كمان ارقام تليفونات بتاع الفراخ وبتاع اللحمة وبتاع السمك ......... ممكن يروحوا جناكليس ولا ايه ؟ ياترى الاسعار ايه ؟ يعنى كيلو اللحمة بكام والفراخ .. متوسط سعر السمك ايه البلطى مثلا والبورى ... انا كمان بعمل زيك كله بالتليفون او بالديكتافون والبواب يجيبلى حتى الدوا بجيبه دليفرى وجوزى بيقولى فضلك شوية وتبقى معوقة ههههههههههههههه ...

اخر سؤال معلش وده اهم سؤال عايزة واحدة تكون ممتازة فى التنظيف تيجى تنضفلى ... لانى جبت واحدة من الفلاحين تشتغل عندى وتبات كانت عيلة بتاع 15 سنة وللأسف كنت انا اللى بخدمها ومشتها وجبت واحدة تنضفلى مرة فى الاسبوع كانت مريبة وبتفتح شنطتى وكل شوية تمسك الموبايلات اللى فى البيت ... فاقلقت ومشيتها ... عايزة حد بسرعة لو تعرفى لحسن مزنوقة اوى .. ومش مهم الفلوس بس المهم تكون شاطرة ونضيفة

بصى ياقمر ... انا بقالى 3 سنين بروح لدكاترة اطفال لغاية ماخلصت دكاترة اسكندرية كلهم تقريبا هههههههههه .. ماخليتش الالمانى وابراهيم عبيد والسلامة واستاذ دكتور فى الشاطبى فى عيادات خاصة وفى مصطفى كامل ................... الخ

فين وفين ارتحت عن دكتور هايل والله جدا .. بيديكى حلول طبيعية او ادوية حسب الحالة وفيتاكينز وبيتابع الحالة فى الوزن والشهية والفيتامينز بصراحة حلو اوى ... اسمه مجدى مصطفى زكى فى كليوباترا ..

دكتور الاسنان اللى بروحله من وانا عندى 10 سنين وهو يعتبر دكتور العيلة يعنى جدودى كانوا بيرحوله بس هو مش كبير اوى هههههههههههه لا تحسبوه هربان من المتحف ولا حاجة هههههههههههههه .. هو عندك يا انجى فى لوران فى شارع شعراوى فى الشارع اللى قبل محل سيلكت بتاع الموبايلات وانتى جاية من الترام يبقى على ايدك اليمين .. الدكتور اسمه مصطفى تمراز .. هو فوق الممتاز وملتزم ومتدين بس هو مسافر حاليا السعودية ... والبديل بتاعه دكتور ياسر البوهى فى الغرفة التجارية تانى شارع اللى بعد صيدلية خليل وانتى جاية من محطة الرمل وموقف المكيف ... برده ممتاز وبيستخدم تقنيات حلوة اوى فى الحشو والتركيب

ايه تانى ايه تانى ؟؟؟؟؟؟؟؟؟؟؟
مش مرتاحة فى ولا هايبر .. فتح الله جناكليس جبت من عنده كذا حاجة قبل كدة بايظة ومترو وزهران مولعين نار .. وكارفور ببقى تايهة عنده وبرده غالى مش عارفة اعمل ايه ؟ ....... بيقولوا فيه سوبر ماركت حلو اوى ورا النادى بتاع القوات المسلحة اللى فى ثروت يعتبر فى وش القدس بتاع الفراخ .. حجربه واقولك وكمان فى جيم هناك لسة جديد حلو اوى برده سمعت عنه بس لسة حجربه


ياريت ارقام التليفونات اللى طلبتها منك الله يخليكى وماتنسيش تقوليلى على الشغالة وعلى مدارس الولاد
اخصائية تخاطب و توحد
Speech pathologist and autism
بصي يا ستي

طبعا كلهم ممكن يروحوا جناكليس لان لوران من جناكليس مش مشوار

بصييا ستي سعر الفراخ حاليا 29 بس بيزيد حسب السوق يعني مثلا في رمضان كان 36 و دلوقتي نزل كتير 5820191-5857807

اللحوم المفروم 50 و السجق المخصوص 51 اما القطع بصراحه مش عارفه عشان انا مش بجيبها لان جوزي مش بيحب اللحمه 3588849-3588829

و السمك البوري يتراوح بين 22 و 25 برضه حسب الجو و بجيب كمان من عنده فيليه مشوي بين 30 ل 40 حسب نوع السمك و البلطي 12 و بيعمل طواجن سبيط و سمك صينيه و طبعا كابوريا و جمبري بس برضه الاسعار متغيره بس حاجته تحفه 5506668

و الشغاله عندي واحده كويسه بس برنسيسه شويه يعني انا لازم انظف باليل كل حاجه و هي تيجي تعمل على نظافه لانها على حد قولها ملهاش في البهدله و يا كدا يا بلاها شغل فانت قوليلي لو البيت عندك بتسيبيه للشغاله كله يبقى دي هتيجي مره و تخلع اصلها عملت كدا مع ناس كتير اعرفهم
اما انا فجبانه تلاقيني بخلص 50 % من الشل عشان متسيبنيش و تمشي

بصي بالنسبه للمدارس انا كنت مقدمه في هاوس اوف انجليش و الرياده بس الهاوس اوف انجليش رفضوا ابني عشان لازم واسطه و انا حاليا بعمل اتصالات و كدا و لسه مش عارفه
و الرياده هي الخيار التاني امامي
و لسه بسال كل الناس عن مدارس تانيه اقدم فيها تكون كويسه و مضمونه
بصي سمعت ان سيدي جابر للغات هايله بس متشددين شويه في مواضيع الواجبات و المذاكره

ايه تاني عايزه تساليني عليه يا قمر ؟؟

قوليلي تعرفي مثلا خياط كويس؟؟
بصي ماما جربت السوبرماركت اللي ورا القدس و بتشكر فيه و في اسعاره


الساعة الآن 10:44 .