بس تعليق
عالم سمسم دى انا سمعت ناس اشتكوا منها فى الفترة الاخيرة بيجيبوا ناس اى كلام
مع don دايما احلى
اقتباس مشاركة  (ROSHANA)
الحضانة الدولية
ورا اولاد رجب كويسة جدا ومنظمة وانجليش ونضيفة بس غالية كانت لحد 3 ونص وكمان بياخدوا على كل ساعة تأخير 50 جنية فى الشهر
وبالرغم انى كنت بدفع التاخير الشهرى كانوا يوميا يغلسوا عليا فى 5 دقايق او 10 دقايق تأخير زيادة عن الوقت وكل يوم يقولولى عايزين 10 جنية واغلس طبعا ومدفعش يجوا اول الشهر اللى بعدة يقولولى عليكى 100 جنية تأخير الشهر اللى فات!!!! افتر كل شهر كان بخناقة
ماديييييييييييين بشكل بشع ومش ذوق تماما يحسسوكى انك بتشحتى منهم مش بتدفع قد كده كل شهر
بصراحة قرفت من معاملتهم لكن الحق يتقال هما كانوا منظمين ونضيفة جدا بس تغور من وش اصحابها وقبل ماسيبها كانوا طالبين من كل طفل شهريا بكرتين مناديل ورق عشان زيادة الاعباء على الحضانة المناديل الورق يعنى بتكلفهم اوى !!!!!!!!!!!!!
وكل ده وكنت مستحملة عشان خاطر البنات واخدين على اصحابهم هناك ومبسوطين لكن اخر مدرسة جت لبنتى الصغيرة مرة شدت فى الكلام معايا بمنتهى قلة الزوق وقالتى على شنطة بنتى دى تروحى تجيبى بيها خضار مش تحطى فيها لبس بيبي !!!!!!!!!!!! بسسسسسسسسسسس كانت هيا دى اخرتهم معايا بالرغم من ان صاحبة الحضانة بعد كده كلمتنى واعتذرتلى وان المدرسة دى اكسبشن مش مقياس والحقيقة فعلا انا كانت مشكلتى مع الكبار لكن مدرسات بناتى كانوا عسل وبحبهم جدا الا الاخيرة دى مع العلم ان الهانم اللى مش عاجبها شنطة بنتى مرة دخلت وكانت مش واخدة بالها لقيتها بتهزر مع زميلتها وتقول يا لهوى وكلام من هذا القبيل قدام الاطفال حسبي الله ونعم الوكيل فيها


حضانة stars
المنطقة التاسعة جنب منارة الايمان لو تعرفيها عند مركز كبار الممولين
كويسة ونضيفة برضه و مصاريفها ااقل من الدولية وصاحبتها لسة واخدها بقالها سنة او سنتين تقريبا وعايزة تعمل ليها مستوى وبتبذل مجهود الحقيقة وعندها افكار حلوة ودايما تبعت استطلاع راى تشوف افكار البارنت فى التطوير ايه وفيها انشطة واكبر من الحضانة الدولية بس الصراحة بحس التنظيم ااقل شوية من الدولية كمان كلاس ااقل من 3 سنين عربى الكبار بياخدوا انجليش وكان عندها كلاس فرنش مدخلة فيه بنتها لانها عايزة تدخلها مدارس فرنش

دول اللى جربتهم الحقيقة

فى حضانة تانية لولو كانت مودية فيها بنتها وبتشكر فيها جدا هادورك على اسمها
بس انا فاكرة هيا قالت ورا ماكدونالد عباس العقاد






شكرا جدا على ردك وتعبك بس كان عندى سؤال انا ابنى عندة سنتين وناوية انى اودية الحضانة على اول السنة الدراسية الجديدة هيكون سنتين و8 شهور كدة السن كويس ولا صغير

وياريت تقولولى هو سن الطفل فى kg1 المفروض يكون كام
وجزاكم الله خير
يارب احفظلى اولادى عبد الله وملك من كل شر
(لا اله الا انت سبحانك انى كنت من الظالمين)
اقتباس مشاركة  (saramshmsh)
شكرا جدا على ردك وتعبك بس كان عندى سؤال انا ابنى عندة سنتين وناوية انى اودية الحضانة على اول السنة الدراسية الجديدة هيكون سنتين و8 شهور كدة السن كويس ولا صغير

وياريت تقولولى هو سن الطفل فى kg1 المفروض يكون كام
وجزاكم الله خير
انا شايفة ان سنة مناسب جدا للحضانة

بالنسبة للكى جى بيختلف

لو تجريبى مميز مش ااقل من 5 سنين ونص
لو لغات فى مدارس بتقبل من اول 3 سنين ونص

بس انا شايفة ان 4 سنين ونص يبقى مناسب لدخول كى جى مش ااقل من كده اعرف ناس كده مش بحسهم بيستوعبوا كويس المناهج التقيلة بتاعة اللغات
مع don دايما احلى
up

يارب لك الحمد كما تحب وترضى

اللهم احفظ لي أبي وأمي واخوتي وزوجي وأولادي وبارك لي فيهم
اقتباس مشاركة  (saramshmsh)
شكرا جدا على ردك وتعبك بس كان عندى سؤال انا ابنى عندة سنتين وناوية انى اودية الحضانة على اول السنة الدراسية الجديدة هيكون سنتين و8 شهور كدة السن كويس ولا صغير

وياريت تقولولى هو سن الطفل فى kg1 المفروض يكون كام
وجزاكم الله خير
علي فكرة انا برده سكنة في م.نصر ..في زهراء مدينة نصر المرحلة الاولي و ابني عنده سنتين و 3 شهور هو مواليد شهر 11 ..و كل الأسئلة الي بتسألي عليها دي انا بفكر فيها علي طوول و الحقيقة كل الأخوات الي ردوا عليكي افادوني برده بردهم و لهم جزيل الشكر و انا عايزة برده اودي ابني الحضانة بس مش عارفة اوديه حضانة جنب شغلي و لا جنب بيتي؟؟؟و بعدين انا هستني كده علي الصيف و ابتدي اوديه لما الجو يتحسن شوية يعني في بداية الصيف
و بعدين انا عايزة اعرف برده خبرتك في الموضوع ده يعني تفتكري السن ده مناسب فعلا و لا احنا مستعجلين؟؟ و بعدين ده انا مرعوبة من ارتباط عبد الرحمن بيا و خايفة قوي مت نتعاملاته مع غيري و هل هيلاقي الحنان والرعاية زي البيت كده ولا لأ؟؟
نفس الأسئلة دي اكيد بتدور في بالك


الساعة الآن 12:34 .