انا كنت فاكرة اني مش هاعرف افيد و لا استفيد بس الحامل بتاع ادوات النظافة ده حلو قوي محدش يعرف اسمه بالانجليزي ايه
في حمام كريم حلو قوي اسمه كارتيه لون العلبة برتقالي و الله احسن من انواع كتيرة جربتها هنا هو فرنساوي و موجود في صيدليات كتيرة
الف الف مبروووووووووووووووووووووووووك الملف يا دنودون


اقتباس مشاركة  (ROSHANA)
اول ما اوصل السوق اروح لبتاع السمك انقى السمك واقولى اشويهولى

فيه اتنين بتوع سمك جنب بعض اللى بجيب منه يا روشانا اللى هو اسمه تقريبا حاجة الرحمن دة احسن من التانى فيه هناك هيثم واخوه محمد بس هيثم بيجبلك السمك احسن من اخوه

اقتباس مشاركة  (hayosha)
حدث ولا حرج اختكم بتعمل كل حاجة
فين الست دلوقتى يا هيوشا اللى مبتعملش كل حاجة ؟؟؟؟ اوعى تفتكرى ان انتى بس اللى بتعملى ... وهو بقى فيه راجل دلوقتى بيقعد فى بيته يعملك حاجة ولا يقضيلك طلب ولا يزاكر لولاده ؟؟؟؟ بصى يا هيوشا من الاخر متتعبيش نفسك وتقعدى تشتكى لان محدش حيعملك حاجة وفى الاخر انتى برضه اللى حتعملى فعلشان كدة اعملى واحتسبى الاجر وامرك لله اهو فى الاول والاخر صبرى نفسك وقولى اهو انا بعمل لولادى مش لحد غريب
اقتباس مشاركة  (ROSHANA)
ولا جوزى مع انه بورسعيدى
بمناسبة ان جوزك بورسعيدى وطبعا واكيد البورسعديه اللى الوحاد اللى بيحبوا وبيعرفوا يكلوا الشبار الصغير وصعب تلاقيه كتير فى مصر وخصوصا الجوابى الصغير فعلشان كدة حقولك ان احنا بنجيبه من عند بتاع السمك نفسه بس فى آوانه فقط علشان يكون مبطرخ وبيكون الكيلو ب 10 ج ويصل ل 13 ج ادي لهيثم بقشيش وهو حيطلعلك منه كل الشبار المبطرخ واشويه عنده ودى اكلتنا المفضله من عنده ( الشبار الصغير دة مزاج ) مرة واحدة واقفه بتقوله بكام السمك دة ؟؟ قلها بعشرة جنية الست استغربت قوى وبتقوله على اية ؟؟ دة حتى صغير وميتاكلش


اقتباس مشاركة  (la rosa)
ايوة لقيت حاجه اعرف ارد عليها يا دينا
منحرمش منك يا لاروزتى وشفتى بقى مشاركتك طلعت مفيدة جدا لينا ازاى ؟؟؟؟ حجربها على طول ان شاءالله


اقتباس مشاركة  (أم ياسين)
يا بنات اللى جنبه منافذ البيع بتاعة كوكى إسمها كوكى شوب .
طيب لما تكلميهم تطلبى منهم حاجة يا صفاء اسألى عن مكان فروعه فى مدينة نصر او مصر الجديدة لانى مبشوفش غير منافذ القدس بس


اقتباس مشاركة  (عاشقة الأخلاص)

انا بئ اللى عايزة اسم دكتور او دكتورة امراض نساء يكون كويسين وياريت فى مدينة نصر


غالى والطلب رخيص .... يااااااااا م ي ر و

اقتباس مشاركة  (لوزة_لوزة)

و اشتريت من مركاتو برضو الصنية دي



مش فاكرة صناعه ايه بس دي كانت بحوالي 130 جنيه وفي منها اشكال مختلفة
ازيك يا لوزة على فكرة مركاتو كان منزلها فى تخفيضات رمضان ب 99 ج وناس كتير اشتريتها
اقتباس مشاركة  (لوزة_لوزة)
انا عايزة حد يساعدني
عايزة اشتري الكاستر شوجر
مش عارفة اشريه من فين ؟
و بعدين كل اروح درب البرابرة نفسي بتتسد من اللي موجودين في المحل
المعاملة بتاعتهم مش حلوة
حتي مش بحب اسال ايه المنتجات اللي بيبعوها
و طلب مرة من صاحب المحل انهم يعملو مطبوعات فيها المنتجات بتاعتهم
هيكون اسهل كتير
لاني و انا هنا لقيت واحدة بتسال علي اللبن البودره اللي بالكيلو
و لقيه واحدة بتشتري عين جمل مقشر كان شكله تحفه
فكان نفسي اعرف ايه باقي منتجاتهم
حتلاقيه عندهم وفى مترو وعلى فكرة هو كان حاطط لوحه كبيرة فى المحل فيها كل الاصناف اللى بيبعها بالاسعار مخدتيش بالك ولا يكون شالها ؟؟ عموما جربى طيب الفرعين التانيين اللى عند النادى الاهلى واللى فى ميدان الجامع

اقتباس مشاركة  (bentalarab)
انا كنت فاكرة اني مش هاعرف افيد و لا استفيد بس الحامل بتاع ادوات النظافة ده حلو قوي محدش يعرف اسمه بالانجليزي ايه
بصى يا بنت العرب هو اللى مكتوب على العلبة new multi _ purpose holder والباقى كله مكتوب بالصينى فحزرى فزرى انتى بقى





اقتباس مشاركة  (مدام وائل)
الف الف مبروووووووووووووووووووووووووك الملف يا دنودون


اهلالالالالالالالالالالالالالا مدام وائل يلا شمرى بقى وخشى معانا يا ايمان





يابنات فين كهرمانه؟ مش بتدخل بقالها فتره ربنا يطمنا عليها


الساعة الآن 05:30 .