صباح الفل بصوا فى السريع يا بنات
وبرضه لسه حرد على بعض اسئلتكم بس دول اللى اتكعبلت فيهم دلوقتى




اقتباس مشاركة  (كنزي1)
روشانا

انا كنت شفتة ماركه بلاك اند ديكر بس مش عارفة بكام ان شاء الله لما انزل اشوفلك الاسعار
محسن الفيومى عنده كل حاجات بلاك اند ديكر ودلوقتى عامل تخفيضات

اقتباس مشاركة  (saramshmsh)
عندى سؤال اية احلى حاجة جبتوها من ميت ماركت لان انا ساكنة فى الشارع اللى جنبة وعمرى ما جربتة وهل فية توصيل للبيت ولا لأ وياريت لو فية تقولولى الرقم
تقريبا معظم حاجاته حلوة ونظيفه الاسكالوب والكوردون بلو وكفتة الشوى والشيش وصدور الفراخ المتبله

اقتباس مشاركة  (اميرةعربية)
انا جربت الكبيبة الميني من اوليو هايلة بس باقي المنتجات مش اد كدة
لأ التشيز برجر بتاعته حلوة وكفتة البطاطس حلوة والعرايس حلوة وبألف هنا وشفا

اقتباس مشاركة  (سلمى الاموره)
الف وايه رايكم فى براون عملى والا ايه
طبعا والله البراون حلو جدا وعايش عندى بقاله 15 سنة اهو ومكحش والله ولا اعترض

اقتباس مشاركة  (memsi)
يا بنات
شفتوا جهاز تيفال الجديد اكتي فراى

اللى هو مقلاية كهرباء
شفتها منورة فى الفاترينة بتاعه زهران فى العقاد وناس كتير كانوا بيتفرجوا عليها بس كل الناس استغلت تمنها بصراحه ...كل ده علشان الزيت اقل ؟؟؟؟؟ ليه ؟؟؟ ماله الزيت ؟؟؟ ده حتى الزيت ارخص منها ومضر بالصحة وهى مضرة للجيب


اقتباس مشاركة  (أم ياسين)
يا بنات دوندن الحمد لله بقت أحسن و إن شاء الله هتدخل تطمنكم عليها بنفسها ومتنسوهاش من صالح دعائكم .
سيبك انتى بس من دندون وتعالى قوليلنا ايه الحلو من منجات ماى واى اللى كنت نقصاها هى كمان
اللى جربته منها حلو كيكة الشيكولاتة والكريم كراميل وعجينة الفطاير وبقسماط التحمير الحار والبارد وبتاع تلميع تابلوة العربية وشاور مش عارف اية بتاع الربيع دة لكن مولتون كيك وتنضيف المفروشات مش حلوين





صباح الخير يا احلى دينا فىالدنيا وحمدالله عالسلامه
ومعلومة اتكعبلت فيها بالنسبة لحلة زهران الجديدة
ناس كتيرة بتقولك وحشه لانها مش بتحمر التحمير اللى احنا عارفينه لا بيبقى تحمير خفيف اقرب الى المسلوق شويه
الراجل قالى زى التحمير الانجليزى فبتبقى الحاجة نص سوا
بصوا دى بعض الحاجات العادية بتاعتنا بس مركاتو منزلها بصورة اشيك ينفعوا اعتقد العرايس اللى بتجهز ( انا مثلا وميرو ) وممكن لهدايا يوم الام
وممكن هدايا للمدرسات











وانا بكرر تانى انا اكتر من اربع مرااااااااااات بيحاسبونى غلط خلوا بالكم عند الدفع بيضربوا بكود غلط يا اما حقولك تعملى اية ؟؟؟
حطى فى العربيه الحاجات العادية على جنب والحاجات اللى بالتخفيض على جنب لوحده ولما ييجى يبتدى فيهم خلى معاكى مجلة الاسعار وكل ما يضرب حاجة بصى فى المجلة اتضربت صح ولا لأ اصل بصراحه لأمتى احنا حنفضل نطضرب على قفانا وهما عمالين يكسبوا ؟؟؟؟؟





اقتباس مشاركة  (semsem2005)
صباح الخير يا احلى دينا فىالدنيا وحمدالله عالسلامه
ومعلومة اتكعبلت فيها بالنسبة لحلة زهران الجديدة
ناس كتيرة بتقولك وحشه لانها مش بتحمر التحمير اللى احنا عارفينه لا بيبقى تحمير خفيف اقرب الى المسلوق شويه
الراجل قالى زى التحمير الانجليزى فبتبقى الحاجة نص سوا
صباح الفل يا سمسمتى لحقتينى على اخلر لحظة كنت لسه بطلع الفلوس اهو وحشترى تلاته فعلا غالية يا سمسمتى وكمان طلعت وحشه ؟؟؟ على فكرة بقى فيه فى السوق قلايز ظغننه ومحندقه ب 150ج او ب 120 والله مش فاكرة تعمل شوية بطاطس على قد العيال وخلاص








والله وانا ماشية لقيت المنظر الغريب ده قلت اصورهلكم العربيه مليانه عيش بلدى من الداخل على اخرها وحاطط الباقى فى شنطة العربيه وعليها من بره وطبعا ماشى على اقل من مهله هو بس عايز كان يبقى معاكة جبنة بيضاء حادقة او فول وتمدى ايدك تاخدى رغيف




مين اللى كانت كتبت على محل قشطة بتاع الكشرى ؟؟؟؟؟؟؟ اللى فى ميدان الحجاز ؟؟؟؟ هو مابين ميدان الحجاز وسانت فاتيما بس هو اقرب لسانت فاتيما عن الحجاز وفعلا الكشرى بتاعه حلو بس الارز باللبن بتاع سونستا وبتاع المالكى احلى منه جربيهم الاول وحيعجبوكى وعلى فكرة الارز باللبن بتاعه اللى فى الفرن طلع محروق من تحت خلى بالك (صدفه )








الساعة الآن 12:44 .