طيب حبيبه ابراهيم معلش عندي سؤال ليكي انا كنت قاعده في جده واتنقلت للرياض وكنت بشتري من محلات جده بتاعت ال10 ريال حاجات كويسه بس في الرياض مش عارفه طبعا اي حاجه فلو في محلات في الرياض خاصه بالادوات المنزليه يا ريت تفيديني وتكون معلش قريبه من شارع الخزان انا رحت مركز دبي حلو بس انا عاوزه مركز متخصص للادوات المنزليه
ممكن سؤال حد يعرف أسعار العضوية في النادي الاهلي مدينة نصر ونادي الزهور وهل حد مشترك في الزهور؟؟؟؟


اقتباس مشاركة  (don)
على فكرة فيه محل اسمه ميت ماركت meat market
حلو جدا ونضيف بيبيح لحمة وفراخ ومنتجات جاهزة على التسوية فقط بالكيلو انا عجبنى من عنده شرايح دجاج متبله وجاهزة على الشوى وجربت الكوردون بلو حلو برضه وكفته الفراخ وكفتة البطاطس وعنده شيش متبل وجاهز فى العصيان الخشب وطبعا انتى ممكن تشترى نص كيلو او ربع كيلو او حتى بالواحدة تجربى اللى انتى عيزاة وحاجته طازة يوم بيوم احسن من المجمدات اللى فى التلاجات وده بينفع جدا فى الطوارىء وعنده شاورما دجاج ولحم على التسوية بس مجربتهاش
هو فى ميدان تريومف فى مصر الجديدة
وعند النادى الاهلى فى مدينة نصر امام مدرسة مبارك
وفى الشروق

اقتباس مشاركة  (ام كريم ولجين)
السلام عليكم ورحمه الله وبركاته

الملف اكثر من رائع يا ابله دينا وربنا يجزيكي خير علي المجهود وباقي بنات الملف طبعا معلش انا كان عندي بس استفسار عن المحل اللي حضرتك كتبتي ونزلتي صور عنه في اول الموضوع بتاع الاكلات الجاهزه
هو اسمه ميت ماركت ولا ميتلاند ومكانه فين بالظبط لاني رحت عند مدرسه مبارك ومعرفتش اوصله او لو ليه رقم تليفون

كده يا دينا مردتيش عليا دا انا حتي اول مره ابعتلك وكنت لسه تقل في الاسئله
دة اللى كنت كتباه عليه يا ام كريم وبالنسبة للفرع اللى عند مدرسة مبارك حتلاقيه على الصف التانى اللى قدام المدرسة يعنى المدرسه على ايدك الشمال انت امشى على الصف اليمين اللى فيه مترو وابو زكرى حتلاقيه على طول واى سؤال انا تحت امرك





اقتباس مشاركة  (ROSHANA)
السلاب فى كل الماركات
محجوب امام التوحيد والنور
البطل موسى الاسود مصطفى النحاس (اسعارة ااقل سنة من التانيين وعنده فرز تانى)

بالنسبة للماركات الافضل كليوباترا فى الارضية انا سمعت لسة ماجربتش


فى رويال ازواقها شيك واسعارها ااقل من كليوباترا وخاصة عند السلاب لانها بتاعتة

الجوهرة غالية اوى وفى راى مش حلوة او انا مش فاهمة السرياليزم بتاعهم


كليوباترا الكل بيشكر فيها وفى متانتها بس اكتشفنا فيها عيب خطير معرفش بقى هما دايما كده ولا على حظنا

المهم كنا شاريين ارضية الرسيبشن كليوباترا فرز اول وبعد ما اتركبت اكتشفنا ان فية بلاطات كتير لونها مختلف درجة عن الباقى وكانت مشكلة طبعا واشتكينا



فى اماكن تانية يقال ان الاسعار فيها ااقل عن المعارض
الفجالة
سوق المهاجرين فى عين شمس
بس والله اعلم بيقال ان ممكن يكون فيه غش ويدوكوا فرز تانى بسعر فرز اول فلازم يبقى حد فاهم


شكرا ياروشانا جزاكى الله خيراا انا برده سمعت عن الفجاله وبرده مش مضمونه


يا من أسمه دواء و ذكره شفاء و طاعته غنى أرحم من رأس ماله

الرجاء و سلاحه البكاء يامن يشفي من كل كرب عظيم أشفى ابى وامى يا رب العالمين
اقتباس مشاركة  (حبيبة ابراهيم)
للبنات اللي في الرياض

في عروض حلوة في هيبر بنده على التونة والقشطة الخمسة بــ 10 ريال

وفي عروض على الجبنة المصرية كانت 14 ريال الكيلو عليها عرض ب 7 ريال

وحجات حلوة كتير
وبعدين بقى يا حبيبة ابراهيم ؟؟؟؟؟؟ انتى كل شوية حتغظينى كدة ؟؟؟؟؟؟

اقتباس مشاركة  (ام كريم ولجين)
طيب حبيبه ابراهيم معلش عندي سؤال ليكي انا كنت قاعده في جده واتنقلت للرياض وكنت بشتري من محلات جده بتاعت ال10 ريال حاجات كويسه بس في الرياض مش عارفه طبعا اي حاجه فلو في محلات في الرياض خاصه بالادوات المنزليه يا ريت تفيديني وتكون معلش قريبه من شارع الخزان انا رحت مركز دبي حلو بس انا عاوزه مركز متخصص للادوات المنزليه
انا انا انا اقولك انا كنت ساكنة فى شارع الخزان دة حبيبى والله قبل عمارة الباخرة بكام عمارة ( اوعى تقولى هدوها يا حبيبة ابراهيم ) كنت بجيب الادوات المنزلية من عند جنينة الفوطة الصف التانى اللى قدام ابن الامير وكان فيه حاجات حلوة برضه فى عمارة الملكة وعلى الناصية اللى هو تقاطع شارع الوزير مع شارع الخزان المحل اللى جنب قزاز عنده حاجات جميلة وكان فية محل كبير على ما اتزكر اسمه باخشوين جنب المخبز الحديث كان عنده اطقم اركوبال حلوة جدا


دلوقتى حبيبة ابراهيم تيجى وتقولك المحلات دى كانت من زمان وهدوها بس حتى لو كانوا هدوها روحيها برضه







الساعة الآن 05:46 .