اقتباس مشاركة  (don)
لا والله ؟؟؟؟؟ شوفى البراءة !!!!!بقى اوعى تقولى انها فى المعادى الجديدة ؟؟؟؟ دى لو قالتلك حتى دى فى المعادى اللى لسة متبنتش حتوديه برضه
واد يا معاااااذ متخفش انا حقول لبابا وانقذك ى
لا والله يا دوندونتى كلة والله علشان معاذ بس فعلا شكلى كدة مش ها اودية ها استنى كمان كام شهر كدة حلو ولا اية ؟؟؟؟؟

وعلشان موضوع العدوى دة كماااااااااااااااااااااان لاحسن دة بيتلكك

وبعدين تعالى هنا بدل ما انتى رايحة جاية كدة على تبروير
تعالى المشوار اللى هنا احسن قبل ما يقفلوا .............

************MoOnty**********
اقتباس مشاركة  (ام كريم ولجين)
والله انت عسل يا دينا انت ورشا والله الواحد لما بيدخل الملف ده بحس ان الدنيا لسه بخير وفي ناس طيبه طيب معلش انا عندي مشكله يمكن الاقي حلها عند حد فيكو انا ابني عمره 5 سنوات وعنده مش عارفه اسميه ايه بالظبط المهم عشان مطولش عليكو هو عنده فرط حركه وتشتيت انتباه ما يسمي ADHD
المهم هو طبيعي جدا بس مشكلته الكلام وطبعا مش عاوزه اقلكو لفيت علي دكاتره مصر كلهم المهم ربنا هداني لدكتوره منال عمر اللي بتيجي علي الفضائيه المصريه يوم الاحد هي استاذه في طب الاطفال النفسي وقالتلي انه لازم يحتك باطفال عادين وهنا تبدا المشكله لان طبعا ولله الحمد الاطفال مبريضوش يلعبو معاه واطفال الزمن ده ماشاء الله لسنهم هايل في الاخر لازم اروح البيت معيطه طبعا اللي يقول عليه اهبل واللي يقول عليه اخرس وهلم جر المهم عشان موجعش دماغكو هي طلبت انه يروح حضانه ويكون معاه ما يسمس شادو تيتشر عشان توجهه وتاخد بالها منه خاصه وان انا لي تجارب لطيفه مع الحضاناتالمهم نفسي الاقي حضانه تاخده وتعامله علي انه مش متخلف لانه والله العظيم سليم 100 ب 100 كل مافي الموضوع ان جهاز النطق عنده تقيل جدا فياريت تفيدوني واذا مقدرتوش ادعوله وادعولي ربنا يكرمني فيه.
ومعلش وجعت دماغكو

ان شاء الله زى الفل مفيش حاجة مع الوقت الاطفال بتتظبط ما دام بيفهم اللى بيتقال يبقى خلاص وكل الاطفال رغايين وممليين

بص فى الحضانة الدولية كنت مودية فيها بناتى هما مادييين شوية هاتلاقينى حاكية عليهم فى اول الملف

بس للامانة هما نظام وامان ونضافة مفيش بعد كده


عنده اطفال حالات خاصة بدرحات مختلفة واللى عندهم متلازمة داون وليهم مدرسة مخصوص معاها شهادة متخصصة فى كده
ومش معنى كده انهم عازلنهم لوحدهم لا خالص كل مجموعة حسب سنهم مع الاطفال العاديين بس الفرق ان معاهم مدرسة مخصوصة ليهم توجههم وتاخد بالها منهم وانا كنت شايفاهم ما شاء الله بيتعاملوا مع الاطفال عادى جدا

بس اعتقد بتبقى اغلى من العادى عشان المدرسة المتخصصة

هى الحضانة فى ضهر اولاد رجب اللى فى مصطفى النحاس
نمرتها

2874205

انتى تروحى تقابلى المديرة ميس هالة او الدكتورة مامتها دى صاحبة الحضانة وبنتها
هاتقعد معاكى الاول وبعدين تقعدى مع المدرسة تقوليلها انتى عايزة اية بالظبط وتنسقوا بينكم وبين بعض
مع don دايما احلى
روشانا شكلككدة استاذة دايسة فى الحضانات بس ما قولتيلناش اية سر ال لوك اند لوك؟؟؟؟؟؟؟؟؟؟؟؟

************MoOnty**********
يوووووووووووووووووووه ده انا نسيت خالص الحكاية دى معلش الاسبوعين اللى فاتوا حصل كام حاجة كده وختمها الموبيل نسانى خالص

ااقولكوا يا ستى

اخر مرة كنت فى سوق التامن لما كتبتلكوا التقرير

فى واحد بتاع بلاستيكات هناك كل مرة اعدى اخر مرة وانا معدية لمحت علب لوك اند لوك !!!!!!!!!!!! قولت اية ده مش معقول لوك اند لوك مستواه يوصل لسوق التامن على فرشة

قومت وقفت ومنزلة اللى فى ايدى اليمين واللى فى ايدى الشمال ومسكت مجموعة هما مجموعات 3 3
وقعدت اقلب فية يمين وشمال هو الشكل متغير شوية عن اللى عندى بس هو المهم قعدت ادقق اوى فى اللى مكتوب وبعد شوية كده اكتشفت انه تقليد لوك اند لوك بس تقليد متقن جدا انا اخدت وقت على ما استوعبت من التيكت كمان لكن لو العلبة من غير تيكت كنت هافتكرها لوك اند لوك

المهم بسأل الرجل بكام المجموعة قالى ب 20!!!!! طبعا ده من بقة اكيد فى فصال ده واحد قاعد فى السوق

فاانا قلت اللى عندهم لوك اند لوك عايزين يخلصوا اللى عندهم قبل المنتج الجديد ده ما ينتشر فى السوق وهايكتسح لانى شايفاه تقليد بالظبط وبسعر ااقل

اية رايكم فى المفتش كورومبووووووووووو
مع don دايما احلى
اقتباس مشاركة  (ام كريم ولجين)
ولله الحمد الاطفال مبريضوش يلعبو معاه واطفال الزمن ده ماشاء الله لسنهم هايل في الاخر لازم اروح البيت معيطه طبعا اللي يقول عليه اهبل واللي يقول عليه اخرس وهلم جر
الجملتين دول استفزونى اوى الاطفال اللى زى دول او الحضانة اللى سمحت لهم يقولوا كلام زى ده ما تستاهلش ان ناس محترمة يودوا فيها اولادهم دى قلة تربية

انا الحضانات الحمد لله اللى عدت عليا مش ممكن يسمحوا لطفل يقول كلام من ده والا يبقى عقاب شديد ويجيبوا ولى الامر يشتكوله ابنه

ودى من اهم الحاجات برضه اللى الواحد يدور عليها فى مكان يسيب فى اولادة
مع don دايما احلى


الساعة الآن 10:55 .