Analysis Services
المشاركة دى مخصوص لعيون نورا وكل اللى فى الامارات




يا نورا عندك فى عجمان الصناعية انا كان نفسي اعيش عمرى كله هناك


واكتر محل مفتقداه محل فاين فاير امانة عليكى تسلميلى عليه كتييييييييييييييير اسعار مش ممكن تحفة وخامة وجودة
كبار وصغار انا جبت حاجات لسلمى وانا نازلة من هناك ما شاء الله لسه بتلبس فيهم لحد دلوقتى وغسيل فى الغسالة وتحفة ما شاء الله وجبت لجوزى حاجت من هناك كمان

وانا كنت بجيب ليا من محلات هناك بس مش فاكرة الاسماء بس هو شارع على الصفين امشى اتفرجى على المحلات
ممكن تلاقى بواقى محلات ماركة وعلى راسهم bhs

وعندك دايسو ده كمان فى اول الصناعية قبل فاين فير افكار يابانية عبقرية وحاجات للبيت والمطبخ واكسسورات ومكياج وتجميل وحركات شياكة وجمال واسعار رخيصة جدا

وموجود كمان فى كارفور الشارقة اللى فى شارع الوحدة الرئيسى

كنت شوفت عنده مرة بس للاسف ماجبتوش حاجة زى استيكر شفاف جدا مرسوم علية رسومات ملون عشان تحطى منكير سادة وتلزقى عليه الرسومات دى ولا يبان وكانك رسمة على ضوافرك كان حلو اوى بس ما جبتوش ابقى هاتيلى واحد وانتى نازلة المرة الجاية بقى
24-11-1429 هـ, 01:40 مساءً
 
كان فيه بنت امورة بتسأل على حد بيفصل
انا كمان يا بنات عايزة حد يكون ثقة وايدة نضيفة وبيزبط عايزة افصل حاجات كتير

محتاجة لبس ونزلت مرة لقيت الحاجات غالية والازواق والخامات مش قد كده
24-11-1429 هـ, 01:42 مساءً
 
اقتباس مشاركة  (ROSHANA)
كان فيه بنت امورة بتسأل على حد بيفصل
انا كمان يا بنات عايزة حد يكون ثقة وايدة نضيفة وبيزبط عايزة افصل حاجات كتير

محتاجة لبس ونزلت مرة لقيت الحاجات غالية والازواق والخامات مش قد كده
بصى فى محل فى اخر عباس العقاد عند أبو الجوخ بتاع العجل اسمه اتيلية السعادة صاحب المحل راجل ملتزم اسمه الحاج محمد و فيه مراته هى اللى بتاخد المقاسات عشان هو مش بيقيس للستات

انا فصلت عنده بنطلون و تونك و جيب بس كويس و شغله نضيف زى ما كنت عايزة بنسبة مثلا 90 % جربى كده تفصلى عنده حاجة واحدة خفيفة و لو عجبتك ابقى فصلى اكتر و على فكرة هو اسعارة رخيصة جدا

التونك 40 جنية - جيب او بنطلون 30 جنية - تونك طويل لغاية الرجلين 50 جنية - عباية تبدء من 60 جنية
ابقى عدى عليه هو بيفتح طول ايام الأسبوع من 11 صباحا حتى 11 مساءا ما عدا الجمعة


لولو ................معلش مش فهمت الوصفة اوى يعنى انا ادخل مكرم عبيد لحد الشارع بتاع الأسواق الحرة و بعدين ادخل من عنده يمين على طول و هلاقى المحل فى الأخر على الشمال و لا ايه ؟؟
24-11-1429 هـ, 01:55 مساءً
 
السلام عليكم و رحمة الله و بركاته

الملف رائع يا دون ربنا يبارك فيكي و يخليكي

كل البنات فعلا منورين و عرفتوني على حاجات كتيرة ما كنتش عارفاها, شكرااااااااا

ليا بقى سؤال لو سمحتوا, ان شاء الرحمن هانقل من شقتي لشقة جديدة, و عايزة أشتري مطبخ, يكون حلو و مش غالي

انا شفت مطابخ ألوميتال الواحد ب 700 جنيه, 140 سم, و مش عارفة هل فعلا كويسين و الا لا؟

زوجي عنيييييييد جدا و ما بيفهمش في المطابخ, بس رافض المطبخ ده و مش عاجبه

المهم لو سمحتوا تدلوني على محلات أو ورش أو مصانع ممكن أشتري منها مطبخ حلو و بسعر كويس عشان أنا ماعرفش حاجة

في القاهرة

شكرااااااااااااااااااا يا بنات
24-11-1429 هـ, 01:56 مساءً
 
اقتباس مشاركة  (لوزة_لوزة)
يعني هو في الشارع اللي علي نصيته الاسواق الحرة و هانيمكس؟؟؟
ايواااااااااااا

اقتباس مشاركة  (دموع التائبة)
لولو ................معلش مش فهمت الوصفة اوى يعنى انا ادخل مكرم عبيد لحد الشارع بتاع الأسواق الحرة و بعدين ادخل من عنده يمين على طول و هلاقى المحل فى الأخر على الشمال و لا ايه ؟؟
انا توقعت برضه انك هتفصلي مني
بصي هو زي ماقلتي تمام تدخلي من ناصية الأسواق الحرة وتكملي على طول حبة حلوين هتلاقيه على الشمال
24-11-1429 هـ, 02:12 مساءً
 


الساعة الآن 05:18 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏