الطبق التاني سوسيس تشكن روول
عبارة عن صدور دجاج مع سوسيس
مفروم وموزريلا نتبل الصدور ثم
الحشوة السابقة ثم دقيق ولبن
وبيض وبقسماط ثم تدخل التلاجه
ثم تقلي وبالهنا والعافية لكم.
19-04-1430 هـ, 02:54 صباحاً
 
الشيف يسري قدم الاطباق
مع كول سلو وصوص الترتار
وهو بعد تحمريهم في الزيت
دخلهم الفرن شوية وعمل
منهم سندوتشات وزينها
بالخس والطماطم وبطاطس
محمرة شكلهم تحفه .
19-04-1430 هـ, 02:54 صباحاً
 
الطبق الاخير كان برجر دجاج
عبارة عن 1/2كيلو دجاج مفروم
و2بصلة متشوحين في زبدة اوزيت
وبيضة وملح وفلفل وبهارات وتشكل
برجر بعد مايرتاح شوية وحط زبدة وزيت
في طاسة وحطه فيها وتقلب علي
الوجهين وتدخل الفرن تكمل سواها
وحمص عيش البرجر وحط البرجر
فيها وعلي الوش بصل مشوي
وخس وطماطم وممكن جبنه
شرايح علي الوش اوبيضه مقلية
اتمني للجميع كل الراحه والسعادة.
19-04-1430 هـ, 02:55 صباحاً
 
اقتباس مشاركة  (semsem2005)
دينا حبيبتى انهى ملف موجودة فيه فتة الشاورما


فتة الشاورما (دون)
خبز شامى - شاورما دجاج او لحمة ( موجودة فى الفهرس بالصور)
زبادى - طحينة - ارز مستوى مصرى او بسمتى (طويل الحبة )
الطريقة
نعمل الطحينة سلطة عادية ونضع عليها كوب الزبادى ونخلطهم كويس . نضع مسحة زيت فى مقلاية ونحمص فيها الخبز الشامى او نحمصه فى الفرن. نضع الخبز فى الصينية او الطبق ونضع علية معلقتين من خليط الطحينة بالزبادى ثم نضع طبقة من الارز ثم ثم طبقة من الشاورما ثم طبقة من الزبادى على كل وش الطبق او فى النصف فقط حسب الرغبة وبالهنا والشفا

==========================
don
فتة شاورما بالفراخ



½ كيلو فراخ فيلية – 100 ج ارز – 100 ج طماطم معصجة – رغيف خبز شامى (لبناتى)
بصل – خل – ليمون – ملح وفلفل وبهارات
الطريقة
نقطع الخبز مكعبات ونحمره فى الزيت وبعدين نصفيه من الزيت
نقطع الدجاج شرايح رفيعه قوى ونتبلها بالملح والفلفل والبهارات والخل ونتركها ساعه على الاقل
نشوح الدجاج فى الزيت المتبقى من تشويح الخبز حوالى 10 دقائق
ثم نضع عليها شوية خل ونقلب ثوانى ثم نضع الطماطم (2 معلقة) ونقلبهم ثم نضع
الارز وشوية خبز ونقلب نقلب ثم نغرفها فى طبق ونضع على الوش شوية خبز والصلصة

الصلصة
طماطم معصورة – شوية خل – زيت – ثوم – ملح وفلفل – كمون – بهارات
نشوح الثوم فى الزيت ونضع الخل يغلى ثم نضع الطماطم وكل التوابل
ونتركها لحد ماتتسبك

19-04-1430 هـ, 10:12 صباحاً
 
حلو المحل ده يا دينا

يا ريت كنت فاضية النهاردة كنت روحت دوقت وقومت بالواجب
انا احب ادوق اوى

ماعندوش حوادق عشان الواحد نفسة ماتموعش من الحلو ؟؟؟

ويا ترى الساقع على مين ؟؟
19-04-1430 هـ, 10:40 صباحاً
 


الساعة الآن 07:47 .