اقتباس مشاركة  (semsem2005)
كل ده بتطلعى صينية البيتزا ولا بتاكلى صينية البيتزا
وفى الاخر تقول لفت على كل دكاترة الريجيم ومفيش نتيجة
وكمان معلمة الدكتور بمحل حلويات يعنى اكيد بتطلعى من الدكتور على المحل
فى اية يا سمسمة ؟؟؟؟لا البيتزا مظلومة دة انا صورت الماكينة بس الصور هى اللى مش عايزة تنزل كل شوية اجرب بس معرفش معصلجة لية
ان طلع هو دة الدكتور بتاع لوزة فهو تحته محل ماديرا تبقى قاعده مستنية دورك والريحه طالعه اقعد اخمن انا بقى
21-04-1430 هـ, 12:32 صباحاً
 
السلام عليكم معلش انا دخله علي السريع اشكرك يا رشا واقولك يار ب ربنا يجزيكي خير انا كلمت الحضانه الدوليه واتفقت معاهم وبعد الاجازات اللي جايه هروح اشوف الحضانه ولو كويسه باذن الله ادخله واسعارها كويسه والحمد لله .

اما عن اللينك فشكرا انا فتحته ومتقلقيش انا مببطلش دورات عن الاطفال ومشاكلهم النفسيه وبقي عندي معلومات لا باس بها.

دينا تسلم ايديكي علي كل حاجه بتعمليها وبجد انت عسل والله انت وموتي ورشا لما بتهرجو مع بعض .

وعلي فكره انا اشتريت النهارده من المصريه القدس فراخ فرع الرحاب وطلعت حلوه الواحده 1300 جرام ب 23 جنيه وفعلا مغلفه وزي الفل.
وبالنسبه لموضوع الرجيم استنوا شم النسيم يعدي وهقلكو علي كام حاجه نكون اكلنا رنجه وخلصنا املاح
21-04-1430 هـ, 12:49 صباحاً
 
اقتباس مشاركة  (memsi)
[size=5]باباه مش راضي يوديه بيقول لسة صغير

ونعم الرجالة

والقطعة بتاع المنطقة الحساسة حلوة برده وارحم من السوييييييييييت


ازاى يعنى ارحم من الصويييييييييت

اقتباس مشاركة  (mooty)
يا سلم عليكى اية الجمال دة ربنا يخليكى يا رب
بس انتى ابنك عندة كام سنة ؟؟؟
وبعدين لو اقنعتى جوزك على انة الافضل للولد ممكن يوافق وعلى فكرة االحضانات دلوقتى بتعمل نظام استضافة باليوم ممكن تودية يوم وتجربى...
مش استضافه بس دى بتعمل كمان يوم سلف ممكن تودية وتسلفيه لحد
اقتباس مشاركة  (semsem2005)
يا صباح الورد
دينا وروشانا متشكرة قوى على ردكوا عليا
موتى اسمعى الكلام ويالا ودى معاذ الحضانة
صدقينى هيبقى احسنله بكتير
واحسنلك فى الصيف عشان الشتا بيبقى كل العيال عندهم برد وهو لازم يتعدى
وكمان نزوله فى الصيف الجو مش برد وتخافى ياخد لطشة برد الصبح وهكذا
ياااااااااااااااا بنتى ياااااااااااااااااااحبيبتى الموضوع اكتر من موضوع شتا وصيف الموضوع ان سبحان الله كل حاجة وليها وقتها ( دة بيستحسن طبعا ) الطفل لحد سن المدرسة بياخد اساس التربية منك انتى من البيت بتحطى فيه الاساس لكن لما بيروح الحضانه بيتعامل مع اطفال وبيكتسب منهم تربيتهم وبتتحفر جواه من غير ماتحسى حتلاقى نفسك بتبتدى تقولى مثلا هو بيغضب بسرعه لية ؟؟ هو بيحط ايده فى بقه لية ؟؟؟هو بيزعق لية يعنى حاجات من هذا القبيل وانتى تفتكريها حاجات طبيعيه ظهرت عنده ....لكن لو مثلا ودتيه الحضانه قبل المدرسة يعنى عند 4 سنين بيكون تشبع اكتر وقت منك ومن اسرته وبيكون اتعلم يوافق او يرفض اللى بيتعرض عليه

اقتباس مشاركة  (memsi)
ابنى سنتين ونص

وكمان عشان يتظبط مواعيد نومه وصحيانه وكدة
اقتباس مشاركة  (memsi)

حتظبطى معاد نومه وصحيانه قبل المدرسة ب 3 سنين ؟؟؟؟

شفتى بقى مزايا الحضانة كتير ازاى
ونعم المزايا والله
اقتباس مشاركة  (لوزة_لوزة)

و شعرت بزغزغة و محستش بالم

فكرة جهنمية من لوزة اللى البيبى بتاعها بيدخل ويخرج مبوز هاتيله ماكنة فورااااااااااااا
اقتباس مشاركة  (mooty)
على فكر ابنك كدة سنو كويس جدا للحضانة وحرام عليكوا تحبسوة فى البيت على الاقل بيعرف يتكلم واكيد بطل البامبرز انتى ممكن تستنى 6 شهور وتدخلى نيرسيرى فى المدرسة اللى ها تقدميلة فيها..
ونعم النصاااااايح يا ام معاذ

اقتباس مشاركة  (Amml N)
لوزه يا ريت اسم الدكتور وتليفونه واسعاره وربنا معاك في الريجيم
دة لو كان هو فهو بياخد كشف 100 ج و20 ج كل اسبوع
21-04-1430 هـ, 01:12 صباحاً
 
اقتباس مشاركة  (ام كريم ولجين)
انا كلمت الحضانه الدوليه واتفقت معاهم وبعد الاجازات اللي جايه هروح اشوف الحضانه ولو كويسه باذن الله ادخله واسعارها كويسه والحمد لله .
اما عن اللينك فشكرا انا فتحته ومتقلقيش انا مببطلش دورات عن الاطفال ومشاكلهم النفسيه وبقي عندي معلومات لا باس بها.
ربنا يخليهولك وتفرحى بيه يارب وهو فى اعلى المراكز اللى بتتمنيهاله يارب

استنوا شم النسيم يعدي وهقلكو علي كام حاجه نكون اكلنا رنجه وخلصنا املاح
لية ؟؟؟؟؟؟؟؟؟؟؟؟؟لية ؟؟؟؟؟؟؟؟؟؟؟ اية علاقه شم النسيم بالريجيم ؟؟؟؟ ماهى الرنجة والفسيخ تبع الريجيم .... مش هما اسماك برضه
21-04-1430 هـ, 01:21 صباحاً
 
اقتباس مشاركة  (don)
فى اية يا سمسمة ؟؟؟؟لا البيتزا مظلومة دة انا صورت الماكينة بس الصور هى اللى مش عايزة تنزل كل شوية اجرب بس معرفش معصلجة لية
ان طلع هو دة الدكتور بتاع لوزة فهو تحته محل ماديرا تبقى قاعده مستنية دورك والريحه طالعه اقعد اخمن انا بقى

فعلا الدكتور تحت ماديرا

مشكلة و الله


انا اروح للدكتور ادخل اشتري جاتوه و اخليه في المحل اقوله انا طالعة للدكتور لما انزل هخذ الحاجة


خخخخخ

لئيمة برضو
21-04-1430 هـ, 12:45 مساءً
 


الساعة الآن 04:36 .