فيه محل اطفال برضه اسمة بيكادى حاجتة جميلة واسعارة حلوة

فين عارفين انبى امشوا لاخر الشارع اللى على نصيتة انبى
هاتلاقوا فى وشكوا عمارات الفتح جنب بعض وتحتها محلات وسوبر ماركتي امشوا يمين (انا بوصف وانا ماشية لان يمين دى عكسي عربيات)

هاتلاقوا ابراج الشرطة (فاكراها يا دينا )
تحت اول او تانى برج المحل تحتة اسمه بيكادى لملابس التصدير

يا رب اكون بعرف اوصف

جبت منه لبنت اختى سالوبيت قطيفة تحفة وشيك اوى ب 29 جنيه
24-11-1429 هـ, 03:06 مساءً
 
اقتباس مشاركة  (ROSHANA)
بعد اذنك يا لولو هاوصف وصفة تانية يمكن توضح

شوفى يا منى انتى قولتى قبل كدة انك عارفة الابيارى اللى مكرم عبيد امام حديقة الطفل

كويس


امشى بعدة على الرصيف شوية كمان هاتلاقى شارع على يمينك فيى سوق ومكتوب يافطة اسواق زهران

هاتخشى الشارع اللى جنب الابيارى يمين فى اول شمال يقابلك هو رابع عمارة على الشمال

وعشان ماتهوهيش اول ما تخشى الشارع يمين بعد الابيارى اسالى اى بوابة او اى محل هايشاورلك علية مش بيعد خالص

انا لسة واحدة قايلالى علية من يومين ورحت الابيارى يوم الجمعة وعديت عليه بس لقيته قافل
تسلميلى يا رشا كده وصفة اوضح بالنسبة ليا فعلا و ممكن اعرف اروح بسهولة
من عند الأبيارى يمين فى أول شمال جزاكى الله خيرا

اقتباس مشاركة  (لوزة_لوزة)
بصي في كوافير في السراج مول بتاع نورا حلو اوي كنت بعمل شعري يه قبل الحجاب في الدور الاخير

و في كوافير مش فاكره اسمه بس هو كان شريك نورا في المحل بتاع السراج فتح جنب جاد الي في عباس العقاد

يعني و انتي في عباس العقاد ادخلي الشارع اللي علي نصيته جاد و امشي علي طول هتلاقي الكوافير علي الشمال تنزليله بسلالم بس طبعا فيه رجاله

و مش عارفة اسعار الهاي ليت كام لاني عمري ما فكرت اعمله

و في محل كوافير في ستي ستار صحبتي علي طول بتعمل شعرها هنالك

افتكر انه في الدور اللي تحت كنوز ( كنوز ده كافيه في الدور بتاع خان الخليلي )

و في المحل ده واحد لبناني صحبتي عملت هاي ليت عنده بس اكيد غالي طبعا
الكوافير اسمه أسامة
على فكرة نورماندى فعلا تحفة انا رحتة و نا عروسة كانوا هايلين و الهايلايت حلو عنهم بس غالى يعنى بنت خالت ماما شعرها وسط و مش تقيل بياخدوا منها حوالى 300 جنية بس بصارحة تحفة زى بتاع رانيا فريد شوقى
و اهم حاجة ان مش فيه آى رجالة خالص
حتى و انا عروسة لما جه جوزى عشان نخرج من الكوافير انا اللى طلعت بره هما مش رضيوا يدخلوه

اقتباس مشاركة  (ROSHANA)
هاجرب الراجل ده يا منى فى جيبة
ماشى يا قمر احسن حاجة عشان تى لو مش عجبك تبقى حاجة بتتلبس من تحت مش هتبان و يفضل يوكن لونها غامق

الأخت ام خديجة ...............المطابخ الألمونيوم طبعا تحفة بس الغالية مش الرخيصة بتبقى عملية و نظيفة و بتعيش بس شوفى حد شاطر يفصلك واحد
24-11-1429 هـ, 03:06 مساءً
 
ااااذيكم يا بنات وحشتونى
البنوته ايلى عاوزه تعمل مطبخ الوميتال خلى بالك لازم القطاع بتاعه بيكون عريض مش خفيف عشان لو خفيف اما تحطى الشكر والزيت والرز والحاجات التقيلة مش هيستحمل وهيتعوج من الرفوف فاهه قصدى والالوميتال عشان محدش يضحك عليكى الالوان المتر فيه اكتر حاجه ب800 والخشمونيوم بالف بس لازم واحد مضمون يعملوا ليكى وما انصحكيش بجهاز الخدمات بتاع الجيش خااااااااااااااااااالص
انا فى رايى لو عاوزه مطبخ يعيش العمر معاكى روحى مطابخ ايلى فى غمره محلات كتر جمب بعض كتير اوى بيعملوا المتر ب700 وفاصلى معاهم صحبتى عملته ب650 بس عشان مطبخها كبير وهو بيعمله بالرخام والمقابض وكل حاجه ومش هيبقى مكلف خالص عليكى ومتين ومضمون وبيطلع مهندس معاكى يرفع المقاسات وبعد 22 يوم بالضبط تستلمية خليكى فى الاضمن احسن

بالنسبة للعجان كينوود انا اتصلت فعلا بالتوكيل وقالى ان الايطالى صعب تلاقيه فى مصر خلاص مش بقه بيتصنع الا فى الصين وكله صينى ولو فى ايطالى هيبقى من زمان وما اتباعش فى المحلات الكبيرة يا بنات بليز ايلى عنده الايطالى يقولى جابه منين وبكام

دندون انتى عندك عجان ايه نوعه ومنين وبكام

محل نيويورك كويس بس بقيت باقرف منه ريحة الهدوم وحشه لو هتشتروا لازم تغسلوها كويس قبل اللبس وكمان تدققوا فيها جامد اوى عشان بيكون فيها ديفوهات وهو فعلا رخيص وكويس بالنسبة لهدوما لبيت القطن

فى محل لانجيرى بقه رخيص جدا جدا وخامته حلوه اوى هو مصنع وبيعمل حاجات حلوه يبيعها فى المحل هو فى ميدان الاسماعيلية اسمه نيو فورم اى لانجيرى قصير ب20 واى لانجيرى طويل ب25 انا جربته حلو اوى خامته زى جويا والله واحسن ولاسو

ايه تانى لو افتكرت حاجه هاقولكم
24-11-1429 هـ, 03:52 مساءً
 
ايلى بيلبس باديهات كارينا وفيجا وروتانا وسيلفى او شرابات فوال حريمى او شرابات رجالى او ملابس داخلية رجالى او حريمى قطونيل او فيجا يروحوا الموسكى شارع بورسعيد انتو اوصلوا بس شار ع بورسعيد عند كوبرى المشاه لو هتركبوا مواصلات اسالوا السواق عن كوبرى المشاه وانزلوا وهناك هتلاقوا شارع الوسكى فى حاجه اسمها الموسكى الاول والموسكى التانى وهما شارعين يفصلهم كوبرى بس اسعارهم رخيصه اوى وبيبيعوا المنتجات الاصلية جمله كلها هتلاقوا بقه محل اسمه الداعور اسالوا عنه وكله هيدلكم عليه فيه باديهات جمله اصليه كارينا وفيجا وهدوم داخليه وكل الماركات هناك جمله ومحل اسمه ابو الرجال بردو
هتلاقوا برده محلات جمله تبيع كريمات وشامبوهات بالهبل جمله ومكباج بس انا بخاف اشترى مكياج ده من الشارع وشامبوهات لتكون مغشوشة بس بجيب الحاجات ايلى بجيبها من الصيدلية زى زيت جونسون يبىوالويز وبامبرز والحاجات دى جمله
24-11-1429 هـ, 03:59 مساءً
 
نسيت اقولكم فى محلات هناك بتبيع كمان جبن ولانشون وبسطرمه وزتون ومواد غذائية جمله ورخيصه اوى اعتقد حاجات فرز تانى بس زحمه اوى المحلات دى انتو ممكن تجربوها انا اما اتجوز ان شاء الله هابقى اجيب منهم اجربهم

فى منطقه هناك بردوا اسمها بين الصورين اسألوا عليها فيها عطارين بيبيعوا شوال مثلا مكرونه 5 كيلو جمله ورز وعدسوكده جيرانى بيجيبوا من هناك ارخص كتير لو روحتوا اكتبوا لنا تقرير عنهم هههه
24-11-1429 هـ, 04:07 مساءً
 


الساعة الآن 08:05 .