وعلي فكره معاه اطقم للسوفليه في 6 قطع ب 40 جنيه وكنت هناك يوم الاربعاء
24-05-1430 هـ, 07:46 مساءً
 
اميره بصي عن خبره اصبري علي ابنك شويه وجمدي قلبك بصي انا عندي كريم خمس سنين مبعدش عني لحظه وقررت اجمد قلبي واوديه الحضانه اللي روشانا ربنا يجزيها الف خير يا رب قلتلي عليها واول يومين اقسم بالله لو راحه امتحان الثانويه العامه كان هيبقي اهون وعملت زيك وبقيت ماشيه في الشارع هعيط رغم انه مبيعيطش وطبعا وديته اول 3 ايام وسبته وبعد كده اشتركت في الباص ولو احلفلك ابني مبيتكلمش نطق بعلو صوته تعالي تعالي لما الباص اخده ومش ومش هقولك نفسيتي كانت عامله ازاي بس مسكت نفسي لمصلحته انا بشوف قد ابنك بقاله 3 اسابيع داخل مع كريم ولسه بيعيط لحد النهارده انت حاوليمعاه وبكره هو اللي مش هيبقي عاوز يروح اصبري وقولي استودعتك عند الله الذي لاتضيع معه ودائعه لا في الارض ولا قي السماء وباذن الله هتعدي الايام بدل ما يعملك كده في المدرسه اهو في الحضانه هيصبروا عليه
24-05-1430 هـ, 07:53 مساءً
 
انا متشكرة قوي يا ام كريم و لجين انت فعلا بتقولي الأحساس الي حسيت بيه بس انتي عارفة انا حاسة انه بيحب الحضانة و بيسألة بقولة الحضانة حلوة بيقولي ايوة حلوة...لكن المشكلة كلها في عياطة و كل ما يفتكرني يعيط كتيييير قوي...و ده الي بيخليه مش مندمج مع اصحابة في الحضانة ..و شوية يسكت و شوية يقلب الدنيا و يعيط قوي...و قلقني قوي انه حكاية انه مش مندمج مع اصحابة و ساعات بيشوفهم بيلعبو و ياخد جنب..و يعيط و يقووول ماما ماما
انا هسمع كلامك و اصبر كده و اشوف ايه الي يحصل...مع اني خايفة ان الموضوع ده يأثر علي نفسيته
و الله انا محتارة جدا
25-05-1430 هـ, 02:06 مساءً
 
لا ان شاء الله هيبقي زي الفل بصي يا اميره انت ابنك اللي بيعمله الطبيعي الطفل صعب ينفصل عن امه وبالذات السنين الاولي فمعلش والله بكره ياخد عليهم ويبقي زي الفل وهتلاقي ليه اصحاب بصي انا اخت جوزي عندها ابنها والله قرد ومتكلم جدا وطفل من الاطفال الحبوبين بقاله سنه اهو في المدرسه مبهدلها عياط وبتقولي الترم الاول مكنش ليه اصحاب خالص والترم التاني صاحب الاطفال والمدرسات بيحبوه ومكنش حد مصدق انه هيبقي منطوي انت لما يرجع شبعيه حنان وقوليلي انت بتروح الحضانه عشان تلعب وعشان تتعلم وانا مبسوطه بيك خليه يحس انه بيعمل حاجه كويسه وهو مع الوقت هيبقي زي الفل والله مهما كان مش هيجي زي كريممممممممممممم ابني وتعالي شوفيه دلوقتي بيصحي يلبس لوحده والنهارده بيقل مشرفه الباص باي.
ومع ذلك انا برده قلقانه هي الام كده وربنا معاكي ومعايا ومع كل الامهات .
25-05-1430 هـ, 04:42 مساءً
 
اميرة

كنتى بتسألى على لنش بوكس

اولاد رجب قسم البلاستيك عنده تشكيلة كبيرة جدا واسعارها معقولة بس صينى كلها لو عايزة حاجة بلاستيك نضيف يبيقى توبر وير اللنش بوكس بتاعهم تحفة جدا وبلاستيك مضمون صحيا ولونج ليف
25-05-1430 هـ, 10:51 مساءً
 


الساعة الآن 01:44 .