اما عن سوق التامن ومن اخر اخباره فكنت هناك اول امبارح وجبت علب بلاستك ظريفه تقليدالتوبر وير ب20 جنيه التلات علب وفي منهم للمكرونه وجبت ايس كريم بودره ب 20 جنيه الكيلو مانجا وفراوله وفانليا وشيكولاته والراجل ده عنده حليب بودره ب 20 جنيه الكيلو كريم شا نتيه عنده تانج سوري والله شكله حلو ومش عليه الوان صناعيه زي اللي شفته في الازهر كان عليه لون فظيع وشيكولاته خام وجبت ديتول ب 4 جنيه الكيلو وده للمسح والحمامات حلو والله ومزيل للدهون ايضا ب 4 جنيه الكيلو بصراحه هو في شويه حاجات حلوه وبتاع الصيني كان واقف يا روشا بس طبعا مسكت نفسي عشان كنت فرتكت القرشينات وقولت ماما هتخنقني فاروح احسن ولنا زياره اخري وهقلكو عملت ايه
07-06-1430 هـ, 04:39 مساءً
 
ام كريم

100 100 شوبينج على مية بيضا
بس على فكرة الايس كريم البودر ب 16 جايباه من العتبة بس اكيد فرق المكان
على فكرة كمان من تجاربى فيه الافضل تجيبى سادة فانيليا وانتى تضيفيلة مانجا او فراولة او كاكاو طبيعى
مضمون


وشوفت الرجل بتاع الصينى عنده حاجات ظريفة بس صوانى الفرن اللى عنده بيضاوى وصغيرة
07-06-1430 هـ, 06:16 مساءً
 
ماهو البركه فيكي وزعت الواد علي الحضانه وشغاله برم.

لا والله كان عنده الكبيره ب 40 جنيه بس يمكن خلصت دا الناس كانت عليه المره اللي فاتت كانه بيبيع ببلاش.

والايس كريم هدب مشوار لحد العتبه مش كفايه عليا معهد التخسيس اللي في القصر العيني اخس عليكي كده هخس وبعدين ولا ايس كريم ولا غيره بكره النكد بكره بكره الرجيم خلاصصصصصصصصصصصصصصصصصصصص
07-06-1430 هـ, 07:31 مساءً
 
من فضلكم ياجماعة الى تعرف دكتور اسنان كويس فى مدينة نصر او مصر الجديدة ترد على ضرورى لنى امبارح رحت عند واحد فعباس العقاد ولاقيتة بيزرع السنان ابتداء من اربع الالاف جنية طبعا جالى احباط وروحت متضايق انا عندى مشاكل فى اسنانى كبيرة جزاكم الله بالجنة وحرم ايدكم من النار من ترد على الي اريدة اليوم ضرورى
08-06-1430 هـ, 11:58 صباحاً
 
اقتباس مشاركة  (hayosha)
من فضلكم ياجماعة الى تعرف دكتور اسنان كويس فى مدينة نصر او مصر الجديدة ترد على ضرورى لنى امبارح رحت عند واحد فعباس العقاد ولاقيتة بيزرع السنان ابتداء من اربع الالاف جنية طبعا جالى احباط وروحت متضايق انا عندى مشاكل فى اسنانى كبيرة جزاكم الله بالجنة وحرم ايدكم من النار من ترد على الي اريدة اليوم ضرورى
بصى فى دكتور كويس فى العمارة الى جنب جاد اللى فى عباس العقاد بالضبط لما تدخلى الشارع هتلاقى جاد على الشمال و العمارة اللى بعده على طول و امام حلوانى خضر اسمه " المركز الأمريكى لطب الأسنان " و الدكتور اسمه د/ عبد الرحمن سنه صغير بس شاطر و عملى جدا
و الف سلامة عليكى يا جميل
08-06-1430 هـ, 12:40 مساءً
 


الساعة الآن 08:40 .