Analysis Services
اختى فى الله اشكرك على الرد امبارح رحت عند دكتور فى عباس ورجعت كلى احباط لانى عايزة اخلع وبعدين اعمل تركيبة ودى عايزة متخصص وهما قاعدين يعملو الموضوع كبي ولازم تحليلات ولازم رجعت اخر زهق على فكرة لوتحبى تعرفى جيم او نادى صحى كان لى تجربة حلوة الشهر الى فات نادى صحى جميل انا رحت ثلاث اشهر وخسيت وجسمى كان حلو لوعايزة ابعت ليكى العنوان على الخاص
08-06-1430 هـ, 01:23 مساءً
 
حبيبه ابراهيم شكرا لك على اهتمامك بالرد و ترحيبك بيا ويارب نرجع نشوف دندون على خير
hayosha الف سلامه على سنانك على فكره انا سمعت انك ممكن تروحى القصر العينى - طب الاسنان وتسالى على الزراعه بس مش عارفه اذا كان لازم تكونى عارفه حد هناك ولا لأ (واسطه يعنى علشان يهتموا بيكى ) لأن انا كمان عندى مشكله وعايزه ازرع وناس قالولى الكلام ده بس انا لسه مروحتش بس اكيد حاروح قريب ان شاء الله لانى محتاجه ضرورى ولو وصلت لحاجه حاقولك ويا ريت لو عرفتى مكان كويس تقوليلى
09-06-1430 هـ, 02:19 صباحاً
 
مستشفي الساحل اختي بتروح هناك بيعمللولها باسعار خرافه وفي منتهي النضافه بكره الصبح اجبلك التفاصيل منها
09-06-1430 هـ, 02:27 صباحاً
 
ازيك يا ميرا معلش يا بنتي نسيناكي في وسط الزحمه والشوبنج النهارده كنت عند شعبان وجبت للولو حاجات حلوه عاوزه اجيب بيجامات تكون شيك لكوكو ممكن حد يقولي فين في مدينه نصر غير شعبان عشان مش بلاقي مقاسه .

وبالنسبه للاسنان والله الواحد مش عارف يعالج ايه ولا ايه لسه النهارده جيبه مضاد اسمه كالندام للاسنان ضرسي قايم وعامل عمايله وهو ممتاز كان الدكتور كاتبه لاختي
09-06-1430 هـ, 02:30 صباحاً
 
ازيك يا ام كريم ربنا يقويكى على الشوبنج والله الواحد مش عارف حيشترى ايه ولا ايه داء بأه حنعمل ايه !!
والف سلامه على ضرسك بس نصيحه منى عن تجربه لو حاجه فى سنانك وجعاكى اوعى تهمليها وتسكينيها بالأدويه الأحسن انك تروحى للدكتور وتلحقيها يعنى لو محتاجه تتحشى خفيف احسن ما تحتاج حشو جذور ولو محتاجه حشو جذور يبقى احسن من الخلع صدقينى والله عن تجربه
09-06-1430 هـ, 02:43 صباحاً
 


الساعة الآن 02:48 .