اقتباس مشاركة  (زوجة مصرية)
معلش ليا بس عندكم طلب من واحدة مش قاهرية الاصل واهل مدينة نصر بالذات طمعانة يفيدونى
عايزة اسماء محلات فيها احذية رياضية سينييهات بس سعرها معقول وكمان لبس كاجوال اولاد وبنات وكمان مكان فيه سويتشرتات حريمى وشيميزات جينز مثلا ...هو مش ليا لكن شاركونى الثواب بس من فضلكم اسماء محددة يعنى مكان جربتوه فعلا
08-07-1430 هـ, 12:56 صباحاً
 
ربنا يعزك يا روشانا...لسه باعمل كوبى من الملف هناك وقلت هاحطه هنا..لقيتك قمتى بالواجب..روحى يا شيخة ربنا يوقف لك دايما اولاد الحلال فى كل امورك زى ما بتعملى معانا كلنا..دعوة من القرن اللى فات !!!


طيب مشاركة على ادى كده عارفين كشرى العبيط؟ اسمه كده وله فرع ورا النادى الاهلى
فتح فرع عند سوق الثامن كده فى ميدان التبة
المهم جربت من عنده الكشرى والكاستر وما شاء الله حاجته حلوة وتنفع فى وقت زنقة واسعاره معقولة جدا
ايه تانى
......
فيه
محل دهب اسمه مجوهرات زايد
فى آخر عباس العقاد على الرصيف التانى اللى قدام فرع مصر والسودان...يا رب يكون الوصف كده سهل..اشترينا منه شبكة لواحدة قريبتنا عقبال كل ولادنا وبناتنا يا رب
المحل ده ما شاء الله على الاذواق اللى فيه وكمان المعاملة...والاهم انه مش نصاب ، اللى قالنا عليه حد عنده محلات دهب برضه بس من محافظة تانية..ومن غير ما نقوله احنا جايين من عند مين ادانا مصنعية احسن كمان من اللى اتقال لنا..هو مش اعلان بس لانى نادرا لما باسمع عن حد بتاع دهب كويس هنا فى القاهرة
وربنا يبارك لكم جميعا على مشاركاتكم
08-07-1430 هـ, 09:57 صباحاً
 
زوجة مصرية

ربنا يكرمك على الدعوة ويتقبل منك ولك المثل ان شاء الله
انا معملتش حاجة
واسفة ان وقتى ضيق اليومين دول ومش لاحقة اشارك ولا ارد عليكوا

بصى هو انا ماليش فى السينيه الحقيقة انا بتاعة التقليد والمضروب سعرة معقول ومازعلش عليه لو جراله حاجة خاصة فى الاطفال
فهرد عليكى على قدى

بالنسبة للبس الاطفال الكاجوال انا بجيب من محلات الاستوكات ارخص من محلات الاطفال الكبيرة زى مازر كير كده

المحلات اللى بحبها شعبان فاتح فى شارع متفرع من مصطفى النحاس حسنين هيكل على ناصيتة ماكدونالدز قصاد فرن بانينو
ومحل اسمه زهرة لبواقى التصدير على مترو مصطفى النحاس نفسة قبل اولاد رجب

فى عباس العقاد بعد اسواق الشريف بمحل او 2 فى محل بواقى تصدير للكبار والصغار حلو جدا اسمة نيشتى

وفى محل اسمة فابولس مش استوك فى عباس العقاد قصاد العطارة الهندية
ده حاجتة حلوة برضه للكبار والاطفال كله كاجوال

وفى فى عباس العقاد محل جنب موبينيل مش متذكرة اسمة هو اصلا بتاع سواريهات وافراح لكن عندة لبس كاجوال و قمصان جينز وقطن حريمى ظريفة واسعارة كويسة جيني لاروش


و كل دول ممكن تلاقى فيه قمصان جينز وسويت شيرت حريمى
لكن اعتقد السويت شيرك الحريمى بيتواجد اكتر فى المحلات على الشتا مش فى الصيف
08-07-1430 هـ, 12:10 مساءً
 
شكرا على معلومة محل الدهب انا بنتى حلقها وقع وعايزة اجبلها واحد صغير على قدها عشان ودنها ماتتسدش وكنت مستنية انزل يوم الصاغة بس صعب فأنتى وفرتى عليا ابص عليه ان شاء الله ده قريب منى
08-07-1430 هـ, 12:11 مساءً
 
اقتباس مشاركة  (la rosa)
ياريت صورة الشواية وماركتها يا mira2
وكمان اميره عربيه


باعتذر انى اتاخرت عليكم فى الرد بس بقالى فتره مداخلتش
انا مش باعرف انزل الصور وان شاء الله حابقى احاول بس هيا مستطيله و سميكه ولونها اسود وليها يد وماركتها اسمها بريستيج وكنت شايفاها فى هايبر ب140 جم بس جبتها من كارفور ب123جم وكان عليها كمان مغرفه هديه
يا رب اكون افادتكم واى استفسار انا جاهزه
09-07-1430 هـ, 04:31 صباحاً
 


الساعة الآن 09:36 .