اقتباس مشاركة  (زوجة مصرية)
ما شاء الله لا قوة إلا بالله..ايه الملف التحفة ده...رائع بجد ...فى ميزان حسنات كل اللى يشارك ان شاء الله

طيب هأحاول اقول اللى أعرفه
المدونة دى ده مليااااااااااانة كارتونات مدبلجة مصرى كل اللى تتخيلوه من أفلام قديمة وجديدة وتحميل مباشر بروابط صغيرة

http://l2ol2oh.blogspot.com/2008/08/blog-post_3963.html
قصة لعبة وشريك وعروسة البحر وأنستازيا والمرعبين وكل الحاجات اللى ولادنا واحنا بنحبها وكمان توم وجيرى ودونالد

سؤالى بقى لو سمحتم
مين تعرف حد بيعمل أكل فى البيت كمشروع يعنى بس ف مدينة نصر؟
وسؤال كمان
دكتورة أسنان و دكتورة نسا فى مدينة نصر
وسؤال تالت
ملابس داخلية لبنوتة 2.5-3 سنين ممكن تكون فين؟ نوع جميل وسعره معقول؟
أكيد أكيد راجعة تانى ان شاء الله
في دكتورة نسا شاطرة قوي في العمارات اللي قدام دار الدفاع انا مش فاكرة أسم العمارات اية دلوقتي اللي هيا فيها كافيهات من تحت و محلات موبليا حديثة و الشارع دا اللي فية نادي البنك الاهلي المهم الدكتورة اسمها ناهد صالح و لو عايزة الرقم ابعتحولك علي الخاص عشا ن لازم تحجزي الاول
26-11-1429 هـ, 10:59 صباحاً
 
اقتباس مشاركة  (miro)
صباح الخير يا بنات

مسجد يوسف الصحابي اللي في ميدان الحجاز بيعملوا سوق فيه يوم السبت لبيع الاكل الجاهز واسعاره حلوة اوي
انا جبت كيلو محشي ورق عنب ب16 جنيه ومحشي الكرنب ب13 وكل حاجة بقى موجودة
دى معلومة ممتاااااااازة

شكرا يا ميرو هاروح السبت الجاى ان شاء الله فاتحين من الساعة كام لكام تعرفى؟؟؟

واخبار المحشى ايه عملتية ولا لسه

عايزاكى يا ميرو تكتشيفلنا حد بيعمل المحشى جاهز كده على التسوية فى مدينة نصر

انا بجيبه مستوى ب 30 فرق النص تقريبا
26-11-1429 هـ, 11:16 صباحاً
 
اقتباس مشاركة  (زوجة مصرية)
سؤالى بقى لو سمحتم
مين تعرف حد بيعمل أكل فى البيت كمشروع يعنى بس ف مدينة نصر؟
وسؤال كمان
دكتورة أسنان و دكتورة نسا فى مدينة نصر
وسؤال تالت
ملابس داخلية لبنوتة 2.5-3 سنين ممكن تكون فين؟ نوع جميل وسعره معقول؟
أكيد أكيد راجعة تانى ان شاء الله
انا اتعاملت مع واحدة فى عمارات رابعة طريق النصر بس الاصناف محدودة محاشي صنية بطاطس بالفراخ فى الفرن
هى اصلا تخصص بسكوت وبتيفور وقراقيش سادة وبعجوة حاجة العيد يعنى

وانا اصلا مابجبش من عندها الا المحشي عشان ماعنديش وقت اعملة ولا بحب صراحة


الاسعار اللى اعرفها

كيلو محشى كرنب ب 30(جربتة ممتاز)
كيلو قراقيش بالعجوة 22(جربتة ممتاز)
صنية بطاطس بالفراخ فى الفرن ب 40 (ماجربتهاش )


بالنسبة لدكاترة الاسنان جوزى جرب كذا حد قريب فى مدينة نصر ومصر الجديدة وكانوا مش كويسين وحشو العصب وقع بعد 3 شهور

فى واحد مجرباه وممتاز والعيلة كلها بتتعامل معاه بس عيبة انه بعيد فى باب اللوق عند الجامعة الامريكية بس هو ده اللى اثق فيه وعايزة اروحلة والله بس مش لاقيه وقت


دكتورة نسا بتاعتى اللى ولدتنى فى ميدان الجامع شارع اسوان استاذه فى عين شمس

بس للحق انا مجربتهاش فى متاعب صحية يا دوب متابعة حمل وولادة

بس بنت خالتى كان عندها مشكلة وراحت لدكتورة شاطرة جدا وولدتها بعد كده بس قيصرى وكانت فى المهندسين شارع سوريا

لو عايزة نمرة حد فيهم قوليلى ابعتهالك
26-11-1429 هـ, 11:27 صباحاً
 
اقتباس مشاركة  (أم فرح و خديجة)
ازيك يا دندونة
انا يا حبيبتي الي سألت على المطابخ, و طلعانة عيني في اللف و الأسئلة و المقاسات
مستنياكي يا قمر بالصور الجمييييييلة
معلش اتاخرت عليكى لان النت امبارح كان بطىءءءءءء جدا عندى
المهم انا عملت المطبخ كله فوق وتحت رخام يعنى الراحل بيجى يرفعلك المقاسات على اساس انك حتعملى هيكل المطبخ بس بدون ضرف ولا ادراج ولا اى حاجة كل اللى حيعمله انه حيعمل الواح بالرخام اللى هى اجناب الدواليب والادراج وبعدين ييجى بتاع الالوميتال يقفلك هو الدواليب بالتصميم اللى انتى عيزاه وكذلك وحدة الادراج انا كنت مختارة تصميم من بتوع قبنورى طبعا مش حقول هاااااايل فى تنظيفه يعنى يادوي سفنجة بماء وسائل ويبقى زى الفل حتلاقى بتوع الرخام اللى قرب غمره اسمه ميدان الجيش على ما اتزكر وبيكون الرحام مش زى بتاع الرسبشن مثلا بيكون اقل جودة حاجة بسيطة او فيه شروخ وهما بيعالجوة بس مبيبنش لما يتعمل فى المطبخ

مثلا دة دولاب علوى



حدى بالك كويس من الصورة دة نفس الدولاب العلوى بس دة من تحت يعنى الجزء الرخام يارب تكونى فهمانى






دى تقفيله تحت الحوض




دى وحدة الادراج ولو تاخدى بالك الرخام مش باين اللى باين بس الوش الالوميتال







بصى الصورة دى اوضح صورة باين ان الاجناب رخام والدورف الوميتال



يارب اكون قدرت افيدك وبرضه للبنات اللى بيجهزوا ممكن تستعينوا بالتصميم والفكرة
26-11-1429 هـ, 11:48 صباحاً
 
بالنسبة لدكتور الاسنان فيه دكتور بنتعامل معاه كلنا هاااااايل ماشاءالله عليه اسمه دكتور محمود عيداروس فى ميدان الاسماعيلية وانتى رايحه علة ميدان الجامع فى سنتر روما
26-11-1429 هـ, 11:53 صباحاً
 


الساعة الآن 03:10 .