اقتباس مشاركة  (don)


فى محل الحلويات تيباروز اللى فى شارع النزهه عند دار الدفاع الجوى بيعملوا كل يوم الصبح فقط بوتى كرواسان وبوتى دانش وباتية طعمهم حلو جدا ومقاسهم حلو ممكن للفطار او للمدرسة او معاكى فى الشغل سعر الواحد 55 قرش
على فكرة لسؤالك يا نهى لو انتى عايزة تشتريه فى اى معاد غير الصبح ابقى كلميهم قبلها بيوم واحجزيه اضمنلك

فعلا تيباروز معجناتهم لزيزة جدا وعندهم العيش الفلاحى الكبير بس تطلبيه قبل بيوم والتورتة للمناسبات حلوة بس اطلبيها قبل بيوم
اقتباس مشاركة  (miro)
طيب انا هبتدي بحاجة ممكن تكون قديمة بس مريحاني وعلشان مزعلش هايا
فراخ القدس لذيذة وبيجبوهالي لغاية البيت وسعرهم حلو وحاجاتهم حلوة
والسايت بتاعهم اهو


http://www.masralkods.com/Prices.asp
يسلم ايدك لان بتاع الفراخ بيجننى لما يبعتلى حاجة

اقتباس مشاركة  (miro)
في كمان محل بواقي تصدير تحفة للكبار والصغار في شارع محمد توفيق دياب من مكرم عبيد الشارع اللي قبل العطارة الهندية وموازي ليها طبعا

بجد المحل تحفة اسمه GEGO
على اليمين بعد الكنيسه بشوية صغيرين هههههه
لو توصفى المحل بالتفصيل لانىاعرف العطارة الهندية فى عباس العقاد قصاد الفتحة تاعت جنينة جنب كافيه قرطاج

اقتباس مشاركة  (عاشقة الأخلاص)
ميرسى ليكى يا منى على توضيح الفر ق بين البيض الأبيض والأحمر

انا كنت عايزة أسأل عن مكن يتباع فية الخضار المغلف اللى هو بيكون طازة مش مجمد بس ياريت يكون فى مدينة نصر


الملف حلو جدا جدا الله يعطيكم العافية ويجزاكم الخير


فى محل حلو لبواقى التصدير وانتى فى مكرم عبيد بتلفى من اخر سور حديقة الطفل وتضلى ماشية لاخر السور وعند البنك على ايدك اليمين تلفى يمين فى اول شمال حتلاقى على ايدك الشمال محل ليمون حلو جدا
اللهم صل على محمد
اقتباس مشاركة  (زوجة مصرية)
كل اللى ردوا ف موضوع دكاترة الأسنان ربنا يكرمكم يا رب بس أنا عايزة دكتورة وف مدينة نصر عشان تبقى قريبة
لازم دكتورة ما ينفعش دكتور؟؟

انا بتعامل مع دكتور عيادته جنب سيتي ستارز

عمارات الامداد والتموين رقم 10 من ناحية الانتركونتيننتال جنب سوق العصر للكمبيوتر

شاطر وشغله نظيييف ومجرباه انا والعيلة تقويم وحشو وزراعة وتبييض وكله



وفى كمان دكتور فى عيادات حفصة عارفة نبيل الوقاد من بعد بون ابيتي ادخلى يمين حتلاقى ايسكريم المدينة المنورة على شمالك ولو مشيتي على طول حتلاقى جامع حفصة وجنبه عيادات
انا ما جربتش الدكتور ده لكن دكتور المخ والاعصاب الل بتعامل معاه قالى انه كويس قوي
اللهم صل على محمد
اقتباس مشاركة  (memsi)
عندى سؤال بقى

بتجيبوا رز بسمتى حلو منين يعني عطار ولا سوبر ماركت ونوعه ايه او اسمه؟

وكمان محل طرح حجاب حلو ؟؟ فين؟؟ انا عارفة انهم كتير بس لما بدخل بلاقي ازواق مش اوى
الرز البسمتى انا جربت انواع كتيير اللى من العطار السايب مش حلواوى تقدرى تعتبريه درجة تالتة

دريا حلو الى بالياسمين - اخر حاجة انا جبتها اسمه اضياف انتاج باكستانى من مركاتو والعلبة كرتون بنى فى زيتي مكتوب عليه ارز بسمتى فاخر ابيض طويل الحبة

جبته 2كيلو ومعاهم كيلو زيادة ب 32جنيه وهو فعلا احلى نوع رز جربته فى مصر



الطرح : فى محل جنب البيت بس مش عارفة اسم الشارع ركزى معايا شوية

عارفة اسماء فهمى اللى عند الرقابة الادارية امشي فيها شوية حتلاقى بتاع خضار على اليمين اسمه شوقى
ادخلى من عنده وامشي على طول اول يمين فى شمال حتلاقى المكان هااادى جدا ومفيش صريخ ابن يومين وفى حديقة صغيرة على ايدك الشمال حتلاقى محل الطرح وبابه خشب

واسم المنطقة المتعارف عليها بين الشباب البرازيل محل زوقه حلو جدا والطرح ب 35 اغلبها وحلوين
حتى ترتيب المحل غير المحلات التانية

لو معرفتيش الوصف ممكن انزل واخدلك اسم الشارع بالتفصيل
اللهم صل على محمد
البنات اختفوا ولا ايه ؟
اللهم صل على محمد
اقتباس مشاركة  (ROSHANA)
ام يمنى

كنت وديت بنتى فترة فى حضانة بيبي لاند فى شارع خلف الحرية مول كانت كويسة جدا كانت ب 500 من 3 سنين اكيد غليت

دى بس اللى اتعاملت معاها فى مصر الجديدة

دلوقتى خبرتى كلها داخل مدينة نصر اى خدمة

شكرا يا روشا بس دي كدة غالية أوي


طيب ما قولتوليش مانا ده فين ؟؟؟


الساعة الآن 04:09 .