فيه يا بنات محل ادوات ولعب اطفال فى شارع النزهه اسمه بوم برروم عنده حاجة مميزة تنفع الكل مش الاطفال بس فى الدور الارضى عند مدخل المحل حاطط كتالوج فيه صور ديكور وتزيين بالبالونات الهليوم باشكال جميله جدا تنفع لاى مناسبة عندك ولادة خطوبة فرح حفله نجاح طبعا انتم مش حتتخيلوها الا لما تشفوها
20-11-1429 هـ, 09:58 صباحاً
 
اقتباس مشاركة  (أم أبيها74)
بيبيع ماركات بس صناعة مصرية أو صينية أو تايلاندية
فيح كمان محل بس نسائى نفس النظام كدة فى حريه مول فى الدور الارضى اول ماتدخلى على طول على ايدك اليمين عنده لبس حريمى باديهات وخلافه من بنكوك والصين باينين جدا انهم مستوردين واسعارهم رخيصه يعنى انا اشتريت باديهات حلوة قوى لسلمى من واحدة عامله اوبن داى لقيتهم هما هما وفى المحل وارخص
20-11-1429 هـ, 10:02 صباحاً
 
طيب حد يجبر بخاطري و يكتب أي محل ناحية الجيزة
هروح فين أنا مدينة نصر و لا الزمالك و جوزي مستحيل يروح يجيب حاجة من حته بعيده

أبله دينا ------------- في سؤال مش عارفه هو ليه علاقه بالملف ده و لا لأ

هو أيه الفرق بين البيض الأحمر و الأبيض و أنهي فيهم أحسن ؟؟ ( أنا كاتبه بالبنفسجي و الأحمر علشان خاطرك يا فطومة )
20-11-1429 هـ, 10:55 صباحاً
 
مبروك علي الملف الجديد


انا عايزة منكم خدمة

عايزة اشتري مكنسة

مش عارفة اني نوع احسن

المشكلة في المكانس انها كلها دوقتي

الشكل ده


المشكلة انها الخرطوم بتعها دايما بيتقطع

و بتبقي مشكلة


و زمان كان عندنا مكنسة هوفر و كانت تحفة



مش عارفة ممكن الاقي المكنسة الهوفر فين ؟؟؟

احنا عندنا دلوقتي صناعة روسي جدو الله يرحمه اشترها من زمان

شبه دي كده




مشكلها ان الذراع كل ما اطوله ينزل و بضطر اكنس بيها و انا موطيه

و لا اكنها مقشة


عندكو اي اقتراحات

لان ان شاء الله هشتري المكنسة يوم الجمعة اللي جاية
20-11-1429 هـ, 11:20 صباحاً
 
ابله دينا تسلمى ...........على فكرة الأبيارى ده حبيبى ايام الجهاز كنت هارية نفسى علية بس بجد تحفةةةةةةةةةة

شيمو ...................الفرق بين البيض الأبيض و الأحمر ان الأبيض بتاع الفراخ البيضا و الأحمر بتاع الفراخ الحمرا دم بالنسبة للشكل

اما المضمون البيض الأحمر أحسن لعدة اسباب :
الحجم اكبر - القشرة اجمد مش بيتفتح فى السلق - الطعم حلو مش ظفر زى الأبيض - ساعات بيبقى فيها صفارين

لوزة............. بصراحة مش عندى فكرة عن المكانس الكهرباشية بس اللى اعرفة ان ناشيوناال اليابانى أحسن حاجة
20-11-1429 هـ, 11:46 صباحاً
 


الساعة الآن 07:06 .