بنانيتى عندهم حفلة حج يوم الخميس ان شاء الله,,دورت على عبايات وطرح ليهم مش لاقيه خالص
حد يعرف بيتباعو فين
03-12-1429 هـ, 09:07 مساءً
 
اقتباس مشاركة  (lovely angel)
بنانيتى عندهم حفلة حج يوم الخميس ان شاء الله,,دورت على عبايات وطرح ليهم مش لاقيه خالص
حد يعرف بيتباعو فين
شوفى التوحيد والنور او المحل اللى قصاد المنهل مش فاكرة اسمه
كنت سالت فيه السنة اللى فاتت وقالى ناس كتير جت سألت غعليها هانعملهالكم السنة الجاية

انا لفيت السنة اللى فاتت ومالقيتش وفى الاخر جبت من خان الخليلى بلوزة قطن طويلة مقاس سمول الحاجات القطن اللى بيبعوها للسياح هناك دى
وقيفتها انا وماما وبقت جلبات على قدها وطرحة تل بيضا كانت عندى

وشوفت افكار البنات كانوا عاملينها ظريفة فيه كانوا لابسين اسدال اطفال ابيض بتاع الصلاه

وفيه كان جايبين طرحة بيضا طويلة وتانينها بالنص وفتحوا دايرة مكان الراس تدخل ومخيطينها من الجانبين
متخيلاها ؟؟؟ زى العباية الفراشة اللى كانت طالعة موضه من فترة دى

اهى دى سهلة وممكن تنفذيها محتاجة طرحة كبيرة بيضا بس ودى تلاقيها فى اى محل طرح او حتى تشتريها قماش

هادور على صورة شبة الفكرة دى لو لقيتها ابعتهالك
03-12-1429 هـ, 09:16 مساءً
 
العباية الفراشة
زى كده



طبعا بتاعة الاطفال على اصغر بكتير


وتحتها بنطلون جينز وبودى ابيض

هيى كل فكرتها مستطيل متخيط من الجنبين وتسيبي حتة فوق مش متخيطة يدخل منها الايدين
ومن فوق فتحة تدخل الراس

يا رب تكونى فهمتى قصدى


ولو مالكيش فى قصة الخياطة دى فى محل مصطفى النحاس اسمه ابرة وفتله

الدور اللى تحته فى تصليح واوفر وعراوى اخر مرة كنت هناك بصلح حاجة لقيت الولد بيفصل قولتلة عندكوا تفصيل
قالى اى حاجة عندك جاهزة او صورة هاتيها اعملك زيها

ممكن تروحى تسأليه ده لو ينفع يفصلك جلبابين للبنات بكام وقماش قد ايه وكده وفوق عندهم دانتيلات وجالونات ممكن تزينى بيهم الجلباب فى الاخر

يعنى دى الافكار اللى فى دماغى دلوقتى
03-12-1429 هـ, 09:27 مساءً
 
كنت عايزة اقلكم كمان على حاجه

منتجات اصاله حلوة جدا

عاملين رول شبه بالمسك علشان العرق بدل الشبه العادية وروعه

كمان كريم العروسة بتاعهم حلو بيقلل من ظهور الشعر

والليفه المغربي والصابون المغربي بتاعهم برضو حلو
04-12-1429 هـ, 04:56 صباحاً
 
صباح الخير عليكم جميعا انا كمان ابنى عنده حفلة حج يوم الخميس (هى شكلها بقت موضة فى المدارس)يا ريت بس ما تكونش مظاهر وخلاص ويعلموهم حاجة مفيدة
04-12-1429 هـ, 09:25 صباحاً
 


الساعة الآن 06:12 .