ربنا يكرمك يا روشانا انا لسه كنت هسال على عبايات الاطفال لاننا كمان عندنا حفلة حج

شفتي بقى سبحان الله ربنا كريم


على فكرة يا روشا شيكي على الخاص بعتلك امبارح والنهاردة ومردتيش
اللهم اهديلي زوجي واحفظلي ابنتي وابني ويسرلي حالي وارزقني بحلالك واغفر لي ولوالدي وبارك لي في ذريتي امين يا رب العالمين
موضوعكم اكتر من رائع
من الصبح وانا عمالة اقرا واسجل ملاحظات
واسمحولي أتدخل وافيدكم بخبرتي الفظييييييييعة في كل حاجة
انا باحس اني مختلفة عن الناس كلها شوية لسببين:
أولا انا نادرا ما ادور على أحسن حاجة أو أرخص حاجة
يعني أجرب حاجة لو عجبتني يبقى خلاص هي دي أو ممكن أجرب حاجتين تلاتة بالكتير
واللي تعجبني فيهم تبقى هي دي
واسمع من الناس ان فيه حاجات تانية أحلى وأرخص ومعرفش إيه لكن انا مش باعرف ألف كتير ولا ليا في اللف انا وجوزي
وكمان باتعود على الحاجة اللي انا باجيبها
ثانيا باحس اني يا إما عندي حول يا إما الناس كلها عندها حول
لأن معظم الحاجات اللي بتعجبني بالاقي ناس كتير مش عاجباها أو مش عليها إقبال
يعني تقدروا تقولوا انا بابقى الزبونة الوحيدة
والحكاية دي اتكررت في حاجات كتير جدا معرفش ليه
وهاقولكم على شوية أمثلة بسيطة:
بالنسبة للكوافيرات
بعد اللف على كوافيرات كتير جدا جوه وبره اكتشفت كوافيره وميكب ارتيست هايلة اسمها زيزي في شارع الطيران فوق مصر للسودان
هي اللي عملتلي مكياجي في الخطوبة والفرح
لكن ملهاش زباين وباحس ان مش عليها إقبال
وناس كتير معجبتهاش حتى صاحبتي اللي راحت معايا يوم الفرح اتغاظت منها معرفش ليه
مع اني باحس ان إيدها حلوة جدا في المكياج فنانة بجد
بالنسبة للكباب
انا لقيتكم بتتكلموا على كبابجية كتير مشفتش حد جاب سيرة محمد الرفاعي بتاع ميدان السيدة
بالنسبة لي هو ده الكباب وأي حاجة تانية يبقى لعب عيال
لأ بجد الكباب بتاعه تحفة فعلا ولحم صافي ومضمون وكمان هو عارفنا وبيجبلنا طلب وصاية
ومع ذلك فيه ناس اعرفهم برضه معجبهمش وناس كتير متعرفوش مع انه مشهور جدا
وفيه واحدة قالتلي انها بتعمل الكباب في البيت أحلى منه
بالنسبة للهدوم
فيه محل تحفة كان في أول شارع البطراوي بتاع جنينة مول اسمه موديلينا
المحل ده انا مجهزة منه وانا باتجوز واشتريت تلات ارباع حاجتي من هناك
هدوم خروج - ملابس بيت - ملابس داخلية - لانجيريهات وحتى الطقم بتاع كتب الكتاب وأسعاره كانت حلوة جدا
لكن المحل ده برضه مكانش له زباين معرفش ليه لدرجة اني لقيته قفل وفتح مكانه بريوني للمحجبات
ونفس الحكاية بالنسبة للمحل اللي اشتريت منه فستان الفرح (ماي ليدي)
الفرع اللي اشتريت منه في السراج مول قفل وفتح مكانه حاجة تانية مع انه كان عاجبني جدا
فيه حاجة كمان عبيطة بس هاقولكم عليها برضه
بالنسبة للزبادي
فيه ماركة زبادي حلوة عجبتني اوي نزلت السوق السنة اللي فاتت اسمها زبدبد عبارة عن زبادي بالكريمة بنكهة الفواكه
هو بس مشكلته اني باتكسف اقول اسمه للبياع في السوبرماركت (واحدة زيي وهتروح تقول للراجل عايزة زبدبد
ومع ذلك الزبادي ده مش بالاقي محلات بتجيبه أصلا وشكل المنتج ده كده فشل واتشال من السوق
وكل ما اقول لحد عليه يستغربني اوي ويقولي زبدبد إيه الكلام الفاضي ده يع زبادي بالكريمة؟!
استنوني هاقولكم على بقية عصارة خبرتي بس آخد نفسي شوية
اقتباس مشاركة  (lovely angel)
فى حد سمع عن شارع اسمه العزيز بالله فى واحده قالتلى ممكن الاقى هناك عبايات
بس هى مش متأكده وخايفة اروح المشوار وماالاقيش
انا عارفة الشارع ده متفرع من طومان

هو فيه محلات كتب دينية وعبايات وسجاجيد صلاه واسدالات وملاحف كبار وصغار لكن مش متأكده ان فيه جلابيات بيضا اطفال اللى اكيد موجود اسود لكن الابيض انتى وحظك
مع don دايما احلى
اقتباس مشاركة  (lovely angel)
تسلم ايدك يا قمر
بجد فكرة العباية الفراشة دى تحفه
انا هانزل كمان شوية الف تانى بس شكلى كده هجيب قماش واعمله عباية عجبتنى اوى فكرة الفراشة دى
هو محل ابرة فتله فين بالظبط وممكن الاقى عنده قماش وللا اجيب منين
جزاك الله خيرآ
جزانا الله واياكم يا فندم

شوفى يا ستى عارفة مصطفى النحاس طبعا اللى فيه المترو
عارفة محل كل شيئ الناصية اللى قبلة() فى محل اسمة كرنفال قبلية ب 3 او باربع عمارات فيلا تحتها محل ابرة وفتلة ادخلى وانزلى الدور اللى تحت عند التصليح والعراوى

لو مش فاهمة الوصف روحى عند كل شيء واسألى على ابرة وفتلة
مع don دايما احلى
ميرو يا جميل

لسه شايفة المايلز بتاعتك دلوقتى ورديت عليها
مع don دايما احلى


الساعة الآن 04:14 .