اقتباس مشاركة  (miro)
لا تعليق بس انا فهماك يا جميل




بطوطة ............... قماش الستاير روحى الوكالة ديه أحسن حاجة بس فاصلى جامد فى الأسعار يعنى نزلى من السعر 10 و عشرين جنية و حسب سعر الحاجات


الملكة الرومانسية ................ طبعا يا جميل البصل مع ىالشوربة ده اساسى عشان الظفارة اصلا الشوربة اللى مش فيها بصل بتبقى سبحان الله ظفرة جدا
جربى البصل و مش هتستغنى عنه تانى و بالهنا و الشفا
05-12-1429 هـ, 11:15 صباحاً
 
اقتباس مشاركة  (دموع التائبة)
لا تعليق بس انا فهماك يا جميل



فقساني انتي علطوول كده يا منمن
05-12-1429 هـ, 11:29 صباحاً
 
اقتباس مشاركة  (بطـــــــــوطة)
ااذيكم يا بنات

متعرفوش حد بيفصل ستائر كويس واسعاره معقوله ؟
وتنصحونى باايه فى تفصيل الستائر بتاعه الريسبشن وغرف النوم واختار اذاى الاقمشه وانواعها
والبلاك اوت مهم فى الريسبشن ولا بلاش منه؟؟؟؟؟؟؟؟
ياريت حد يرد عليا ضرورى ويبقى جزاه الله خير
بالنسبة لتفصيل الساتر

في محل في مصطفي النحاس اسمه ( الدار ) فوقه معمل المختبر قبل التوحيد و النور و انتي رايحة ناحية الثامن علي ايدك اليمن بتزلي له بسلالم

اسم صاحب المحل ابو جورج ممكن لما تروحي تسائلي عليه اكنك عارفاه

و قوليله في ناس موصياني اجيلك و الحركات دي

انا عملت عنده ستائر بيتي

و جبت من عنده البلتكانه الخشب لاني عملت براقع


و اسعاره معقولة جدا و رخيص نفس اسعار التفصيل في الوكاله بس شغله انظف و ممكن تفصالي

و عنده قماش في المحل

و قلت اعمل ناصحة و انزل الوكاله

برضو في الوكالة في شوية نصب خدي بالك و انتي بتشتري

المهم

انا شفت البلاك اوت في الوكاله معجبنيش في نوع كده شفته عند صديقتي و عجبني جدا

هو بلاك اوت ابيض ( ناصع ) و طري جدا من ناحية اكنه مشمع و النحية الثانة اكنه قماش

الفكرة ان البلاك اوت ما بيكون خفيف شوي بيدي شكل جمالي اكثر من الشيفون و الاورجانزا

انا جربت البلاك اوت التقيل عند ماما هو قوة تحمله اكبر من اللي عندي لكن عامل زي الداهية علي البلتكانة

و طبعا مفيش زيه دلوقتي في السوق خالص

المهم انا اشتريت البلاك اوت من عند محل الدار ب 20 ج المتر الكلام ده من سنة و نصف و كان نوع امريكي تقريبا مستورد

طبعا فاصلته لما وقعت و ادني سعر مميز عشان كنت هفصل عنده ستاير الشقة كلها


نصحيتي ( بلاش تجيبي بلاك اوت رخيص خدي الغالي لانه بعيش معاكي العمر كله )

بالنسبة للبلاك اوت

انا افضل الرسيبشن كله و غرفة النوم طبعا ( في ناس بتحب لما تقوم من النوم الشمس متبقاش ضربه جوه الغرفة منوراها )

بالنسبة للستاير كانواع

انا جبت بلاك اوت و جبت ستاير اورجنزا ساده ذهبي مطفي شوي ( يعني علي بيج ) و فيها قلم رفيع جدا زي السرما

و جبت ستاير علي الجوانب و البرقع اخضر بستاج فيها ورد مضغوط منها فيها

و غرفة النوم اورنجنزا مشغول علي خفيف و كترت من قماش ساترة غرفة النوم و عملت من نفس القماشة مفرش سرير و بطنته ستان و زودت شغل الخرز فيه

كان شكله تحفة مع الستارة

انا شفت بنات كتير جابت ستاير ستان ابو لمعه ده و مدخلين لونين ساده مع بعض برضو عجبوني اوي

و علي فكرة موضة جدا جدا هتلاقيهم في الوكالة

شكلهم شيك برضو مع الاورجنزا

و بالنسبة للاورجنزا انزلي الوكالة اول محلات و انتي داخله

و في 2 محل في مدينة نصر عارفة الشارع اللي علي ناصية التوحيد و النور بتاع مصطفي النحاس اللي في تقاطع مكرم عبيد

لما تدخلي يمين من علي ناصية التوحيد و النور تمشي هتلاقي علي يمنك سوبر ماركت جاليري

خليكي ماشية لحد ما تلاقي البان الامين علي يمينك ( علي فكرة البان الامين حاجاته تحفه )

هتلاقي في العمارة اللي جنبه محل فوق كده اسمه برنت شوب فيه قماش رخيص جدا

صحبتي اشترت من عنده قماش للفنج المتر ب 20 ج و بقاله 4 سنوات القماش 100% و كان لونه كروهات اصفر × ازرق يعني مفيش افتح من كده الوان و اتحمل ما شاء الله و عندها اطفال و القماش صامد

و في محل برضو في نفس العمارة تحته في كل حاجات الوكالة و تقريبا نفس الاسعار

هتلاقي عنده كل حاجات الستاير و الشرايط و كده

( و برضو اسائلي عن الشرايط انا جبت شريط 4 فتله باين كل ما الشريط بقي عريض كله ما كان نتيجته في الستاير اشيك )

****

بصي نصحيتي ليكي روحي الاول محل الدار و خدي فكرة عن الاسعار و عنده كتالوجات و شوفي الموديلات اللي عمالها في المحل

برضو لما الواحد بياخد فكرة بيبقي فاهم

و روحي محلين مدينة نصر و شوفي اللي عجبك و اكتبي الاسعار في ورقه

و بعدين توكلي علي الله وروحي الوكالة

هتعرفي بقي اللي عجبك

و اي استفسار انا موجوده

و علي فكرة الدار بيجي البيت و يركب عندك كله حاجة و مش شرط تجيبي البلتكانه من عنده ممكن يركب اي حاجة انتي عايزها

و اعملي معاه مقايسة كده بالاسعار للمتر خليكي ناصحه

خدي بالك من عرض القماش لحسن هو ده اللي فيه النصب خدي بالك و خليه يقيس القماش قدامك






اقتباس مشاركة  (الملكة الرومانسية)
أتمنى حد يفيدني بطريقة تنضيف البلاك أوت
لأنه مش راضي ينضف أبدا
انا مسحته قبل كده باسفنجة مبلولة مية دافية وصابون لكن مجابتش نتيجة
انا بفكه و اغسله و مش بيتاثر خالص

هو ده الحل الوحيد لنظافته
05-12-1429 هـ, 11:55 صباحاً
 
اقتباس مشاركة  (لوزة_لوزة)


انا بفكه و اغسله و مش بيتاثر خالص

هو ده الحل الوحيد لنظافته
امال انا الراجل قالي انه مبيتغسلش ليه
ضحك عليا؟
على فكرة البلاك اوت اللي عندي أمريكاني ومن النوع الحلو
أتوكل على الله واغسله وخلاص؟
فيه ناس برضه عندها فكرة كده ان البطاطين مبتتغسلش وإلا تبوظ
يمكن يكون الراجل بتاع الستاير عنده نفس الفكرة
والله أعلم
هاقول حاجة كمان صغيرة بالنسبة للستاير
انا معملتش براقع للستاير وكده أريح بكتير
مهندس الديكور اللي عملنا الشقة عملنا حاجة اسمها بيت الستارة علشان الستارة تستخبى من فوق ويبقى منظرها شيك
لا فيه بلتكانات باينة ولا براقع زي الداهية
05-12-1429 هـ, 11:59 صباحاً
 
اقتباس مشاركة  (لوزة_لوزة)

( علي فكرة البان الامين حاجاته تحفه )
أوافق وبشدة
05-12-1429 هـ, 12:05 مساءً
 


الساعة الآن 01:46 .