نسيت اقولك يا بطوطه

كان بيفصل المتر تقريبا ب 6جنيه حاجة كده مش فاكرة معلش

و مواعده مضبوطه في التركيب

انا عرفت منين انه شاطر

اولا واحدة صحبتي رشحته ليا ايام الجواز

انا عندي في شقتي شبالك الموتيال دوران

و كان صعب جدا تعملي في بلتكانه و برقع

انا منزله البرقه كده بس مش عاملة درابيه و لا حاجه و ما شاء الله

جيه مرة رفع المقاسات

و عمل الدوان زي الشاطر

عشان كده انا برشحه
05-12-1429 هـ, 12:09 مساءً
 
نرجع لعنوان الموضوع وهاقولكم على شوية افتكاسات من عندي اقصد إفادات واستفادات
لو بتحبوا الأيسكريم زي حالاتي
ولو من سكان مدينة نصر برضه زي حالاتي
فيه محل ريجوليتو حلو جدا في شارع عمر لطفي اللي فيه مسجد الشربيني لو تعرفوه
ولو متعرفوهوش هو الشارع الموازي لعباس العقاد من عند مصر للطيران اللي قدام الحديقة الدولية
ولسكان الزمالك فيه فرع تاني في الزمالك بس بصراحة معرفش عنوانه إيه بالظبط
إيه كمااااان؟
أكتر نوع زيت زيتون باحبه هو الـevoo (extra virgin olive oil) أو زيت زيتون بكر ممتاز
وباجيب يا إما ماركة سينا يا إما وادي فود والاتنين حلوين اوي
هو صحيح الـevoo غالي شوية لكن طعم الأكل ما يحلاش من غيره
هاقولكم كمان على فرن كويس اوي لسكان مدينة نصر في الحي الثامن
وانتوا ماشيين في مصطفى النحاس من مكرم عبيد للثامن آخر فتحة يمين قبل مدرسة المنهل فيها سوق
والسوق ده فيه فرن مش فاكرة اسمه إيه بصراحة بس العيش بتاعه جميل جدا والمخبوزات بتاعته كمان جميلة
يا رب اكون وصفت صح لأني بليدة جدا في الجغرافيا وممكن أدخل الشوارع في بعضها
انتوا روحوا هناك ولو لقيتوا فرن يبقى هو ده
ملقيتوش فرن يبقى انتوا تهتوا خلاص
وفيه سوبر ماركت حلو برضه انا باحب أتعامل معاه اللي هو سوبرماركت حبش في شارع ذاكر حسين عمارات المشروع السويسري (أ) قبل سوق السيارات
المكان الوحيد اللي باشتري منه برطمانات رنجة لو انا راجعة من الشغل ومعنديش حاجة تتاكل
إيه كماااااااان؟
مش فاكرة حاجة دلوقت هافكر وارجعلكم كمان شوية
05-12-1429 هـ, 12:20 مساءً
 
اقتباس مشاركة  (شهيدة...79)
ميرو

طب انا عايزة اجيب منتجات تبر وير تفتكري اجيبها ازاى ؟ او الاشتراك في العضويه ازاى؟ ياريت تفيدينى
جسب معلوماتى المتواضعة

هما زى افون واوريفليم كده ليهم مراكز واعضاء مشتركين

ده موقع بالمنتجات والاسعار


http://tupperwareegypt.com/

ولو عضوة بيبقى ليكى 29% خصم على الاسعار دى

وعشان تشتركى لازم تشترى حاجات ب 500 جنية قبل الخصم فى اول اربع اسابيع


وحد كان قال ان فى معرض فى نادى هليوبوليس فيه المنتجات ده
05-12-1429 هـ, 01:40 مساءً
 
السلام عليكم ورحمه الله وبركاته انا طبعا متابعكم من زمان ومن اشد المعجبين بمواضعكم انا كنت عايشه فى قطر ونزلت نزول نهائى مصر ومعرفش حاجه خالص وانا من اسكندريه واستفدت كتير من الملف بس ليا كام استفسار انا كنت بجيب الدقيق الكويتى و انتم قولتم بديله دقيق 5 نجوم بس فالقاهره طيب فاسكندريه ايه البديل وممكن اجيبه من فين المدارس ايه احسن المدارس اللى ممكن ادخل ابنى فيها هو عند 4 سنوات بامبرز هنا وحش اوعى ممكن ايه البديل يعنى معلش تقلت عليلكم بس انا عارفه انكم بتحبوا تساعدوا جزاكم الله كل خير ويجعله فميزان حسناتكم
05-12-1429 هـ, 01:59 مساءً
 
اقتباس مشاركة  (ROSHANA)
جسب معلوماتى المتواضعة

هما زى افون واوريفليم كده ليهم مراكز واعضاء مشتركين

ده موقع بالمنتجات والاسعار


http://tupperwareegypt.com/

ولو عضوة بيبقى ليكى 29% خصم على الاسعار دى

وعشان تشتركى لازم تشترى حاجات ب 500 جنية قبل الخصم فى اول اربع اسابيع


وحد كان قال ان فى معرض فى نادى هليوبوليس فيه المنتجات ده
انا اللي قلت انهم في نادي هليوبوليس


و البركة فيكو و الله

انا لو كنت شفت الحاجات دي و لا كنت هعرفها خااااالص
05-12-1429 هـ, 02:38 مساءً
 


الساعة الآن 10:50 .