اقتباس مشاركة  (om mohamed2005)
السلام عليكم ورحمه الله وبركاته انا طبعا متابعكم من زمان ومن اشد المعجبين بمواضعكم انا كنت عايشه فى قطر ونزلت نزول نهائى مصر ومعرفش حاجه خالص وانا من اسكندريه واستفدت كتير من الملف بس ليا كام استفسار انا كنت بجيب الدقيق الكويتى و انتم قولتم بديله دقيق 5 نجوم بس فالقاهره طيب فاسكندريه ايه البديل وممكن اجيبه من فين المدارس ايه احسن المدارس اللى ممكن ادخل ابنى فيها هو عند 4 سنوات بامبرز هنا وحش اوعى ممكن ايه البديل يعنى معلش تقلت عليلكم بس انا عارفه انكم بتحبوا تساعدوا جزاكم الله كل خير ويجعله فميزان حسناتكم
وعليكم السلام ورحمة الله وبركاته

أنا من اسكندريه .. باستخدم دقيق أصاله.. ممتاز
بالنسبه للمدارس سمعت ان مدارس سيدي جابر للغات - الدائري.. مستواها كويس

وبالتوفيق
الله يبارك فيكي يا روشانا

المطبخ خشب كونتر, خشبه حلو و متين و الحمد الله
لقينا أسعار تتراوح من 600 الى 1800 جنيه, و الخشب تقريبا كله كونتر, بس الموديل هو الي يفرق بس
ما شفتش ألوميتال هناك, كله خشب
بس في حاجات جامدة جداااااا, اوض سفرة و نوم و طربيزات و مطابخ و انتريهات حاجات حلوة قوي و أذواق كتيرة و متنوعة

قلقتيني يا روشانا و الله
ربنا يستر
اللهم ارزقني و كل محرومة الذرية الصالحة المعافاة عاجلا غير آجل يا كريم




أستغفر الله الذي لا اله الا هو الحي القيوم و أتوب اليه
اقتباس مشاركة  (hasby_raby_77)
الله اكبر الله أكبر الله أكبر لا اله الا الله الله اكبر الله أكبر ولله الحمد

يا ريت يا جماعه تنصحونا بأماكن لبيع الملايات اطقم وقماش وتكون شيك تنفع لجهاز العروسه

كل عام وانتم بخير
القماش من الوكالة او الازهر بس تشكيلة الوكالة احلى بس لازم تفاصلى كويس

الاطقم معرفش الطقمين اللى كنت جايباهم كانوا من عمر افندى عرابى المهندسين

بس بشوف اطقم كتييييييير اوى فى الازهر الغورية طول ما انتى ماشيىة تحت الكوبرى محلات فرش
بس ماجربتهومش الحقيقة
مع don دايما احلى
اقتباس مشاركة  (om mohamed2005)
السلام عليكم ورحمه الله وبركاته انا طبعا متابعكم من زمان ومن اشد المعجبين بمواضعكم انا كنت عايشه فى قطر ونزلت نزول نهائى مصر ومعرفش حاجه خالص وانا من اسكندريه واستفدت كتير من الملف بس ليا كام استفسار انا كنت بجيب الدقيق الكويتى و انتم قولتم بديله دقيق 5 نجوم بس فالقاهره طيب فاسكندريه ايه البديل وممكن اجيبه من فين المدارس ايه احسن المدارس اللى ممكن ادخل ابنى فيها هو عند 4 سنوات بامبرز هنا وحش اوعى ممكن ايه البديل يعنى معلش تقلت عليلكم بس انا عارفه انكم بتحبوا تساعدوا جزاكم الله كل خير ويجعله فميزان حسناتكم
السلام عليكم
اهلا بيكي يا جميل
بالنسية لدقيق 5 نجوم موجود في فتح الله والسبوبرماركت الكبيرة بس مش طول السنة هو بينزل في رمضان ويفضل عندهم لحد ما يخلص وبعديها بجيب دقيق رامتان انا بحب منتجات رامتان وكمان في الارز

بامبرز مش حلو فعلا فيه بيبي جوي كويس

المدارس طبعا 4 سنين يبئى خاص لو عايزة فرنش يبئى عليكي وعلى سان مارك على طول
لو انجلش لغات في حاجات كتير حسب سكنك والمصروفات عندك هاوس اوف انجلش وسيدي جابر لغات على الدائري والمصرية الانجليزية وفيوتشر واسكندرية للغات في المندرة قبلي و45
بس لو ناوية تدخليه السنة دي انزلي بعد العيد على طول عشان نش هتلاقي اماكن في كل المدارس وحرام يكون 5 سنين ويدخل كي جي 1 السنة الجاية

احسن حاجة تاخدي اسبوع كدة جولة على المدارس وتسألي على المصاريف والباص وعدد الولاد في كل فصل وبعدين تختاري
لا اله إلا أنت سبحانك إني كنت من الظالمين
اقتباس مشاركة  (الملكة الرومانسية)
موضوعكم اكتر من رائع
من الصبح وانا عمالة اقرا واسجل ملاحظات
واسمحولي أتدخل وافيدكم بخبرتي الفظييييييييعة في كل حاجة
انا باحس اني مختلفة عن الناس كلها شوية لسببين:
أولا انا نادرا ما ادور على أحسن حاجة أو أرخص حاجة
يعني أجرب حاجة لو عجبتني يبقى خلاص هي دي أو ممكن أجرب حاجتين تلاتة بالكتير
واللي تعجبني فيهم تبقى هي دي
واسمع من الناس ان فيه حاجات تانية أحلى وأرخص ومعرفش إيه لكن انا مش باعرف ألف كتير ولا ليا في اللف انا وجوزي
وكمان باتعود على الحاجة اللي انا باجيبها
ثانيا باحس اني يا إما عندي حول يا إما الناس كلها عندها حول
لأن معظم الحاجات اللي بتعجبني بالاقي ناس كتير مش عاجباها أو مش عليها إقبال
يعني تقدروا تقولوا انا بابقى الزبونة الوحيدة
والحكاية دي اتكررت في حاجات كتير جدا معرفش ليه
وهاقولكم على شوية أمثلة بسيطة:
بالنسبة للكوافيرات
بعد اللف على كوافيرات كتير جدا جوه وبره اكتشفت كوافيره وميكب ارتيست هايلة اسمها زيزي في شارع الطيران فوق مصر للسودان
هي اللي عملتلي مكياجي في الخطوبة والفرح
لكن ملهاش زباين وباحس ان مش عليها إقبال
وناس كتير معجبتهاش حتى صاحبتي اللي راحت معايا يوم الفرح اتغاظت منها معرفش ليه
مع اني باحس ان إيدها حلوة جدا في المكياج فنانة بجد
بالنسبة للكباب
انا لقيتكم بتتكلموا على كبابجية كتير مشفتش حد جاب سيرة محمد الرفاعي بتاع ميدان السيدة
بالنسبة لي هو ده الكباب وأي حاجة تانية يبقى لعب عيال
لأ بجد الكباب بتاعه تحفة فعلا ولحم صافي ومضمون وكمان هو عارفنا وبيجبلنا طلب وصاية
ومع ذلك فيه ناس اعرفهم برضه معجبهمش وناس كتير متعرفوش مع انه مشهور جدا
وفيه واحدة قالتلي انها بتعمل الكباب في البيت أحلى منه
بالنسبة للهدوم
فيه محل تحفة كان في أول شارع البطراوي بتاع جنينة مول اسمه موديلينا
المحل ده انا مجهزة منه وانا باتجوز واشتريت تلات ارباع حاجتي من هناك
هدوم خروج - ملابس بيت - ملابس داخلية - لانجيريهات وحتى الطقم بتاع كتب الكتاب وأسعاره كانت حلوة جدا
لكن المحل ده برضه مكانش له زباين معرفش ليه لدرجة اني لقيته قفل وفتح مكانه بريوني للمحجبات
ونفس الحكاية بالنسبة للمحل اللي اشتريت منه فستان الفرح (ماي ليدي)
الفرع اللي اشتريت منه في السراج مول قفل وفتح مكانه حاجة تانية مع انه كان عاجبني جدا
فيه حاجة كمان عبيطة بس هاقولكم عليها برضه
بالنسبة للزبادي
فيه ماركة زبادي حلوة عجبتني اوي نزلت السوق السنة اللي فاتت اسمها زبدبد عبارة عن زبادي بالكريمة بنكهة الفواكه
هو بس مشكلته اني باتكسف اقول اسمه للبياع في السوبرماركت (واحدة زيي وهتروح تقول للراجل عايزة زبدبد
ومع ذلك الزبادي ده مش بالاقي محلات بتجيبه أصلا وشكل المنتج ده كده فشل واتشال من السوق
وكل ما اقول لحد عليه يستغربني اوي ويقولي زبدبد إيه الكلام الفاضي ده يع زبادي بالكريمة؟!
استنوني هاقولكم على بقية عصارة خبرتي بس آخد نفسي شوية
هههههههههههههههههههههههههه
ههههههههههههههههههههه
هههههههههههه
ههههههههههه

مع انى داخلة للاظلاع فقط
لكن مش قاره اسمعك ضحكتى
قلت اكتبها
في ايه يارومانسيه
هنا وفى الملف بتاعنا هتجنن منك
انت نمت وصحيتى لاقيتى نفسك متزوجة ومسئولة بلا اى خبرات

مع ان اسلوبك ساخر
بس انا مش مصدقه انك ابيض ياورد

وحلوة زبدبد ده
انا عمرى فعلا وا سمعت عنه

فكرتينى بمرحلة من حياتى
البس شيك جدا وبعدين اللى يبص على رجلى يلاقينى لابسة اسبدريى
هههههههههههههههه
كنت مقتنعة ان راحة الجسم تبدأ من القدمين
بغض النظر عن اى اعتبارات
وبابا طبعا بهدلنى كذا مرة وخلانى ابطل الجنان ده
انا كتبت لك على الخاص
وكل سنة وانت والملف وبناته
ودون وروشانا بالف خير
شكرا لأم عزيزان على التوقيع


الساعة الآن 04:19 .