ميرو ............ معلش حاجات التبر وير ديه بتتتباع فين ؟؟؟ و فى حدود كام

و بالنسبة لمحل الفضة بتاع نادى الشمس ندخل ازاى و احنا مش اعضاء و من انهى باب اللى على جسر السويس اللى قريب من فندق السلام و لا انهى واحد معلش


بنوتاتى بالمناسبة من المحلات اللى بتبيع أدوات منزلية حلوة مركاتو اللى فى العقاد مول بجد عنده حاجات حلوة و بلاستيكات و الذى منه

كنت جايبة من عنده صينية تارت اللى منقرشة من الجوانب اللى بتبقى زى التيفال الخفيف ب 6 جنية و الله حتى قبل ما اطلع من المحل كذا واحدة شافت الصينية فى العربية و قالتلى جايباها من انهى قسم و بكام ديه حلوة اوى

و كمان كنت جايبة صينية كب كيك 6 عيون حلوة بحوالى 9 جنية بس حلوين اوى
20-11-1429 هـ, 01:35 مساءً
 
احسن نوع بامبرز بيببي جوي
بامبرز بيسرب ويبعمل ريحة مع اللبس والحركة
20-11-1429 هـ, 01:47 مساءً
 
بصي يا منمن ده مشكلته انه زي ايفون كده واوريفلام
يعني لازم تكوني تعرفي عضوة فيه او تعملي انتي عضوية
انا عضوة فيه

كمان بيكون في معارض النوادي والمدارس لمنتجات التبر وير

وبيكون ليه كتالوج سنوي وبروموشن كل شهر بتخفيضات على منتجات معينه
ده اللي انا بجيب منه ههههههه



باتلنسبة لنادي الشمس مصر كلها اعضاء فيه يعني اكيد هتلاقي حد تعرفيه عضو فيه ممكن تروحي معاه
والمحل في السوق اللي جنب الباب بتاع فندق السلام
20-11-1429 هـ, 02:09 مساءً
 
مبروك الملف الجديد يا بنات
20-11-1429 هـ, 03:17 مساءً
 
مبروك الملف الجديد ان شاء الله يكون فاتحة خير علينا جميعا

اولا باشكركم على المعلومات الرائعه


لوزه انا جبت مكنسه سيمنز برميل برده بس هايله بصراحه لو عندك التوكيل في مصر روحي

اتفرجي عليها وان شاء الله بتاخدي منهم الموديل بالمواصفات اللي تناسبك انا اخدتها من هنا وانا نازله مصر

بالنسبه للبامبرز السعودي لو متوفي بمصر فهو الافضل ييجي بعده البيبي جوي البامبرز المصري باه زي قلته

سيء جداااااااا مالوش اي علاقه بالسعودي

طبعا انا مش من القاهره فمش هاقدر افيدكم اوي في موضوع الشراء من القاهره

تحياتي للجميع بالتوفيق
20-11-1429 هـ, 03:50 مساءً
 


الساعة الآن 06:14 .