اقتباس مشاركة  (Mama zozo)
هههههههههههههههههههههههههه
ههههههههههههههههههههه
هههههههههههه
ههههههههههه

مع انى داخلة للاظلاع فقط
لكن مش قاره اسمعك ضحكتى
قلت اكتبها
في ايه يارومانسيه
هنا وفى الملف بتاعنا هتجنن منك
انت نمت وصحيتى لاقيتى نفسك متزوجة ومسئولة بلا اى خبرات

مع ان اسلوبك ساخر
بس انا مش مصدقه انك ابيض ياورد

وحلوة زبدبد ده
انا عمرى فعلا وا سمعت عنه

فكرتينى بمرحلة من حياتى
البس شيك جدا وبعدين اللى يبص على رجلى يلاقينى لابسة اسبدريى
هههههههههههههههه
كنت مقتنعة ان راحة الجسم تبدأ من القدمين
بغض النظر عن اى اعتبارات
وبابا طبعا بهدلنى كذا مرة وخلانى ابطل الجنان ده
انا كتبت لك على الخاص
وكل سنة وانت والملف وبناته
ودون وروشانا بالف خير

كل سنة وانتي طيبة يا ماما زوزو
وكل البنات طيبين
مش عارفة ليه حسستيني اني قلت حاجة غلط
مع ان أسلوبي فعلا ساخر
لكن والله هي دي الحقيقة
انا فعلا اتجوزت وانا أبيض يا ورد
ودخلت هنا علشان أتعلم منكم
مش عيب ان الواحد يبقى معندوش خبرات
لكن العيب انه يفضل طول عمره جاهل وميحاولش يتعلم

وعلى فكرة راحة الجسم تبدأ من القدمين فعلا
اقتباس مشاركة  (halla21)
بالمناسبة يا جماعة مين عنده فكرة عن المعرض السورى اللى بيبقى فى قاعة المؤتمرات او ارض المعارض ف مدينة نصر( يعنى مواعيده طول السنة, واسعاره,وياترى هى احسن من الاسعار برة,وايه افضل حاجة ممكن اجيبها منه), ومن فترة كدة كنت سمعت انه اتلغى فيا ترى ده حقيقى ولا لأ.
المعرض السوري انا اشتريت منه مفرش السرير ومفرش السفرة
أسعاره فعلا أحسن من بره وحاجته حلوة جدا
ومعاده بيبقى في شهر 6 كل سنة
لكن بصراحة مقدرش اقولك أسعارهم كانت كام بالظبط لأني مش فاكرة
اقتباس مشاركة  (don)
طب يعنى دلوقتلى لما نحب نروح للمحلات اللى قلتى عليها حنلاقيها قفلت ؟؟؟ طب والمنتجات اللى عجبتك حنلاقيها اتشالت ؟؟ يعنى انا بعد ما قريت مشاركتك واتعلقت بحاجات الاقيكى بتقولى اتشالت او قفلت او اتلغت

معلش يا حبيبتي خيرها في غيرها
عموما هاقولك على حاجات تانية عجبتني ولسه موجودة ما قفلتش وما اتلغتش
كل سنه وانتم طيبين ..والى الله اقرب ... والى طاعته ارغب
اللهم انا نجعلك في نحورهم ونعوذ بك من شرورهم ... اللهم اكفينيهم بما شئت وكيفما شئت
لا إله إلا أنت سبحانك إني كنت من الظالمين
انا معرفش أجيب حاجات بأحلى أسعار انما الحاجة اللي بتعجبني باشتريها سواء كانت غالية أو رخيصة
فيه حد هنا (مش فاكرة مين بصراحة) كان اتكلم على محل ليمون اللي في شارع معز الدولة متفرع من مكرم عبيد
المحل ده انا رحته من يومين واتخضيت من كمية الناس اللي فيه
واضح ان هو فعلا مشهور
فيه حاجات بأسعار لقط انما معظمها مش حلو اوي وفيها ديفوهات
لكن ممكن بعد البحث والتدوير والمرواح هناك في وقت غير موسم العيد فعلا نطلع منه بحاجات حلوة
انا لما باحب اشتري هدوم باروح شهاوي اللي في عباس العقاد (المحل اللي بين قويدر وزلط)
هو غالي شوية لكن مش غالي أوي وباحس ان أسعاره أحسن من حتت تانية كتير
وباحب كمان كل فترة اروح Daniel Hechter لأنه بيبقى عامل تخفيضات حلوة وباجيب من عنده حاجات لقط
وفيه كمان محل حلو اوي في جنينة مول اسمه كنزي مش فاكرة في أنهي دور
لأن جنينة مول ده عمري ما باحفظه أبدا
المحل ده بجد حلو جدا وباشتري من عنده حاجات عمري ما هاتخيل اني ممكن ألبسها انما شكلها في المحل ده بيطلع حلو عليا سبحان الله معرفش ازاي
وفيه كمان ترزي قاعد في المحل يظبط الحاجة على مقاسي وانا واقفة
باشتري من عنده الجينز بالذات واشتريت منه كمان كام حاجة كده تحفة
إيه كمااااااان؟
فيه محل حلو اوي في سيتي ستارز اسمه كيان للـhome accessories
هو طبعا محل مشهور وحلو جدا وغالي جدا مفيش كلام
لكن انا قلت أقولكم عليه علشان لو حد يعرف حاجة في نفس المستوى انما أسعاره أرخص شوية يقولي
لو حد بيجهز ضروري ينزل ميدان الجامع
المنطقة دي فيها كل حاجة وأسعارها حلوة جدا
انا اشتريت من هناك كوفرتات حلوة جدا
وفيه محل هناك مشهور جدا اسمه الرضا لمستلزمات المنزل حاجته حلوة جدا وأسعاره كمان حلوة
وباسمع كمان ان فيه حاجات أطفال حلوة وأسعارها كويسة
لو خرجنا شوية بره منطقة ميدان الجامع ورحنا العباسية
هتلاقوا محل 6 أكتوبر اللي قدام الباب الخلفي لكلية الهندسة
انا عارفة ان المحل ده ليه فروع كتير جدا بس انا معرفش غير الفرع بتاع العباسية
حاجة المطبخ كلها بأسعار أعتقد انها كويسة (أو يمكن الراجل عملنا خصم كويس لأننا اشترينا حاجات بالجملة)
لما افتكر حاجة كمان هاجي أقولكم


الساعة الآن 12:22 .