Analysis Services
اقتباس مشاركة  (om mohamed2005)
جزاكم الله كل خير و ربنا يجعله فى ميزان حسناتكم ميرسى ليكم كلكم روشانا وهايا وراتان وكل اللى رد عليا وفعلا انا نزلت امبارح اشتريت بيبى جوى احسن كتير من بامبرز بس معلش يا جماعه انا عايزه اسال سوال مدوخنى هيا المدراس التجريبى فعلا حلو ولا ادخل احسن لغات لانى طول عمرى اقفشه من مدارس الحكومه وهايا معلش اسال على سان مارك هى حلو زى زمان لانى من فتره كانت سمعتها نزلت الارض معلش بتقل عليكم بس انا بحاول اجتهد انى ادخلهم مدارس كويسه وكل سنه وانتم طيبين
والله اانا معرفش حد فيها شخصيا بس اعرف ناس حاولوا يقدموا ويفضلوا مأخرين الولاد عشان هي بالسن وفي الاخر متقبلوش بس خدي بالك انها في الاخر حكومة برده

بالنسبة لسان مارك اعتقد انها كويسة عندي 2 صحاي مدخلين ولادهم فيها وبيشكروا فيها اوي على كمية الالتزام وفيها قسم نفسي لو الولد عنده مشكلة يتعالج منها بس لازم يبئى عندك خلفية فرنش كويسة او تاخدي كورس عشان تعرفي تذاكري معاه وخصوصا في الاول وعيوبها ان فيها دروس من كي جي وان

كل سنة وانتو طيبين جميعا وعيد سعيد على الكل
10-12-1429 هـ, 07:43 صباحاً
 
اقتباس مشاركة  (halla21)
كل سنة والجميع بخير وسلامة وف افضل حال ,وزى الايام دى السنة الجاية ان شاء الله ربنا يكون محققلنا كلنا اللى ف بالنا,طبعا الاول وقبل كل حاجة لازم اشكر ابلة دون على كل حاجة جميلة اتعلمناها منها , واشكرها على كل مواضعيها فى المطبخ اللى خلتنى اعرف الف باء الاكل, واللى ان شاء الله اطبقها بكرة وبعده ف بيتى (يارب قريب عاجلا غير اجلا),.........وبالمناسبة ليا سؤال ل لوزة لوزة ,(حاولت ابعتهولك لقيت مينفعش) بصى يا جميل ف الصفحة 36 تقريبا اتكلمتى على الستاير وتفصيل مفرش السرير وتطريزه,من فضلك كنت عايزة اعرف كل حاجة عن الموضوع ده بالتفصيل الممل,ولو كان ممكن ياريت اعرف الطريقة اللى بنتكلم بيها عالخاص.وميرسى جدا, وان شاء الله احاول اتواصل معاكم دايما..

كل عام و انتم بخير

بصي يا ستي موضوع المفرش بتاع السرير

انا رحت ايام جوازي للمعرض السور في قاعة المؤتمرات


و طبعا لقيت المفارش غالية نار بالنسبة لوقت التجهيز بتاع الجواز

خلاص بتكون فلوسك خلصت

اشتريت من هنالك بس مفرش للسفرة و لتربيزة اللفنج و الصالون دفعت مبلغ كبير

و شفت في مجلة البيت ان دايما بيكون في تناغم بين ستارة غرف النوم و المفرش بتاع السرير

لما نزلت الوكلة اشتريت قماش الستارة

اورجنزا مشغول صرما بس

شفت مقاس السرير عندي

1.60 × 2.00

طبعا عرض الستارة بيكون2.80 متر و بالتالي عرض الستارة( الثابت ) بيكون طول السرير

عدد الامتار المشتراه حسب ارتفاع من الارض

يعني

بصي انا عرض سريري 1.60 زودت في كل جنب 30 سم او 40 سم

عشان انا سريري بدون ارجل زي البوكس

يعني قولت للراجل بتاع الستاير عايزة مترين و نصف من الستارة

و اشتريت من مدينة نصر ستان لانك عارفة الاورجنزا شفافة

الستان كان ذهبي غامق نظق المفرش جد انا اصلات جبت الستارة ذهبي عشان غرفة نومي خشب بني

عرض الستان بيكون عرض عرضين تقريبا 1.50 سم ( ستان بطانة من عند بتاع الكلف زي محل كل شء في مدينة نصر او ميدان الجامع او النمرسي )

اشتريت منه مترين و ربع و ده بيكون طول السرير و زيادة شوي

و عرض القماش بيكون عرض السرير يعني الستان مش بيغطي الا وش المرتبة بس

و سبت كل الجوانب شفافة


( بصي جبت الستارة حطتها علي السرير و حطيت تحتها الستان و دبست بالدبابيس و سرجت و بعدين علي الماكينة )
بصي بقي من عرض الستارة ( الثابت عند البياع اللي هو 2.80 خليته طول السرير و خليت الفصتون عند نهاية السرير اخدت 2.50 بقي 30 سم قصيتهم من عند بداية السرير ( عند المخدات )

طلعت حته قماش عملت منها فيونكه

انا ليا في الخياطة شوية

يعني اتكلفت ثمن القماش بس

عشان كده الموضوع مكنش مكلف و كان في منتهي الشياكة

وصلنا كده للمقاسات

بصي بقي بعد ما هتشتري الاورجانزا

بيكون عرض القماش 2.80 و انتي اشتريتي مثلا مرتين و نصف

كده ممكن تحركي الستارة باي شكل فاهمة ؟

احنا قلنا ان عرض الستارة بيكون طول السرير ممكن عرض القماش تستعمليه عرض السرير

الفكرة كلها ان القماش ممكن يكون فيه فوصتونات

ممكن يكون في جنب من السرير ( الجنب الظاهر للضيوف )

او في طول السرير ( الفوصتون يكون عند رجليكي )

انا طبعا اشتغلت الستارة قبل تركيب الستان

جبت خرج نجف بني غامق و ذهبي و خرز بني انتي حرة في التطريز

يا رب يكون كلامي واضح

و اي استفسار انا جاهزة


و هحاول اصورك المفرش باذن الله
10-12-1429 هـ, 02:16 مساءً
 
لوزة

تجنن انا شوفت الفكرة دى فعلا فى الجاهز وشكلها فى منتهى الشياكة وناوية انفذها بس لما تسمح الظروف

ويا ريت تنزلي الصورة عشان تبقى الفكرة اوضح
10-12-1429 هـ, 10:41 مساءً
 
الصراحه فكره روعه يا لوزه

الله يجزيكى خير عليها

بس لو ممكن تصوريه عشان كلنا نستفيد
10-12-1429 هـ, 11:18 مساءً
 
السلام عليكم اخواتي الغاليات في عالم حواء كل عام وانتم بخير ربنا يتقبل منكم جميعا الملف اكثر من روعة بالنسبة لمعلوماتي التي احب ان تعرفوها ان المفروشات الخاصة بالعروسة من مفارش سرير وملايات وفوط وبشكير العروسة كل الاشياء اشترتها من الحسين هناك تدخلوا في الشوارع المتفرعة من الشارع الرئيسي ستجدون كل شيئ وباسعار الجملة وكمان توجد ملابس للبيت وترنجات حريمي وبطاطين من المصنع للمشتري مباشرة بصراحة شئ روعة اتمني انكم تستفيدون من مشاركتي وتخبرونا بالنتائج مع تمنياتي لكل عروسة بالسعادة والتوفيق في حياتها يارب ولاتنسوني من الدعاء بالخلف الصالح .
11-12-1429 هـ, 01:00 صباحاً
 


الساعة الآن 06:07 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏