Analysis Services
اقتباس مشاركة  (ROSHANA)
لوزة

تجنن انا شوفت الفكرة دى فعلا فى الجاهز وشكلها فى منتهى الشياكة وناوية انفذها بس لما تسمح الظروف

ويا ريت تنزلي الصورة عشان تبقى الفكرة اوضح
اقتباس مشاركة  (hasby_raby_77)
الصراحه فكره روعه يا لوزه

الله يجزيكى خير عليها

بس لو ممكن تصوريه عشان كلنا نستفيد
مرسيه يا بنات


و ان شاء الله هصور لكم المفرش
14-12-1429 هـ, 11:40 صباحاً
 
اقتباس مشاركة  (om mohamed2005)
السلام عليكم ورحمه الله وبركاته كل عام وانتم طيبين وبصحه وسلام معلش انا دوشه دماغكم شويتين بالنسبه فى اسكندريه احسن منحلات الالبان ولو لبن مبستر بقى ايه احسن نوع ومعلش كمان الزبادىوبرضه فين ممكن الاقى محلات بتبع مستلزمات الحلويات وجزاكم الله كل خير
بالنسبه للبن المبستر.. بخيره(أسهل ولا يخسر بسرعه) .. أو لبنيتا(بس مشكلة حليب لبنيتا انك لما تفتحيها وتسيبيها يوم أو اتنين تخسر.. هو طازه وطعمه حلو ولكن محتاج تستخدميه مباشرة)

في الراس السودا.. يوجد مصنع منتجات لبنيتا(سيكلام) ويوجد مكان للبيع للجمهور بتكون الحاجات فيه انتاج نفس اليوم
والصراحه منتجاتها كلها ماشاء الله جميله .. الجبن المثلثات والرومي... والزبادي.. والرايب

الجبنه المثلثات لبنيتا افضل نوع في السوق واحسن من لافاش كي ري

بالنسبه لمحلات الالبان حسب منطقتك... يوجد محل الرويني (عبد الستار) .. في سيدي بشر بحري... خطييييير منتجاته كاملة الدسم خاصة الزبادي والرومي والجبنه الثلاجه والبسطرمه.... وتحسي ان اللبن بخيره (لما اتركه في التلاجه يوم بعد الغلي بيكون قشده على الوجه كتييير)..ونظيف ماشاء الله
كل فتره اروح عنده اشتري حاجات تكفيني فتره واشيل الحليب المغلي والبسطرمه والرومي في الفريزر

مستلزمات الحلويات باشتري من فتح الله(شيكولاته خام - محسنات الخبز والكيك - فواكه مسكره وكريز)
مش عنده كل حاجه
-----------------------
فين المحل في المنشيه؟؟ ... ,وهل يوجد به ادوات تزيين الحلويات متخصصه؟؟

وجزاكم الله خيرا
15-12-1429 هـ, 12:12 صباحاً
 
يا مساءالفل
دوندن وكل اللى سألوا على كوكى شوب أنا أخيراً إفتكرت ( الزهايمر مش سايب حد ) الهوت لاين 19585 و الفروع للى يحب يروح
مدينة نصر 23 ش سمير عبد الرؤف إمتداد مكرم عبيد
مصر الجديده 8 ش أحمد خشبه النزهه ميدان الحجاز
الهرم 5 ش على جمال الدين متفرع من ش الهرم
فيصل 24ش العشرينى .
المقطم 86 ش 9 أمام المعهد العالى للتكنولوجيا
الدقى 30 ش السودان
و أسعار الطازة بتبقى طبقاً لسعر اليوم .
15-12-1429 هـ, 12:41 صباحاً
 
السلام عليكم و رحمة الله و بركاتة
و يارب بكون كان عيد سعيد على الجميع
عندى كده معلموتين فى السريع

1- فيه محل بواقى تصدير فاتح جديد من حوالى 3 شهور فى عباس العقاد اسمه " جاد الله " هو نص عباس العقاد قدام قويدر الخيمة و قدام جويا الناحية التانية
عنده حاجات حلوة كنت شارية قبل العيد الصغير لبنتى بنطلون جينز بس كان تحفة و عنده حاجات أطفال بس مش حلوة اوى و لول ان قبل العيد كان منزل ترنجات شتوى قطيفة سمن حوالى 5-7 سنين كانت حلوة جدا و سعرها كان 38 جنية
و عنده حريمى و رجالى برده الحريمى عنده باديهات حلوة حمالات تنفع تحت الهدوم او تتلبس فى البيت فى الصيف و الرجالى كمان مش بطال ابقوا بصوا عليه .

2- المعلومة التانية بقى ان انا شفت مكتب توبر وير فى مصر شفت اليافطة بتاعته فوق ماكدونالدز اللى فى مصطفى النحاس تقريبا فى الدور اللى فوقه على طول و يارب اكون أفدكم

15-12-1429 هـ, 11:36 صباحاً
 
منا قلتلكم اللي عايز تبر وير يبعتلي وانا اجيبله وبخصم كمان

كمان اللي عايز يعمل عضوية انا اعملهاله واساعده في الشروط بتاعتهم
15-12-1429 هـ, 12:48 مساءً
 


الساعة الآن 04:46 .