تجربتي خلال سته شهور من شعر قصير جاف معدوم الى شعر طويل ناعم وروووووووعه

مرحبا بنوتات


انا بعرض عليكم تجربه شخصيه لي انا مو احد اعرفه وخلال سته شهور كانت النتيجه

طبعا شعري كان للكتف جاااااااااااااااااف من الصبغات يتساقط خفيف وخشن ومايطول محروق من الحنه السودا للفردوصار خفيييف مع اي رطوبه يطير بالسما ويعانق السحاااب:hahaha:

قررت اهتم فيه لاني ندمت اني قصيته اموت بالشعر الطويل وخفت اصلع

بنات وربي هذي تجربتي وصادقه بكل كلمه

واللي فعلا تبي الطول والكثافه تسويها

وعلى فكره مافيها حناّّّ لاني احب الاشقر وحلو علي مابي اغيره

ومافي سدر لان السدر يابنات يخششششششششن الشعر حتى لو مع زيوت انا استغرب من اللي تبي تنعم شعرها وتستخدم سدر بس ابي اسألها كيف يدخل بشعرها المشط؟؟؟؟

يعني هو فايدته ينظف فروة الراس فقط ...عمتي طول عمرها تستخدمه مع الشامبو ومالاحظت بشعرها الا كشه تعانق السحاب...ويوم بطلت منه ماشاء الله صار شعرها ناعم اما اللي تبيه عشان الكثافه طيب فيه بديل اللي هو الجرجير يكثف ...الثوم...الانبولات وغيره وغيره.......

هذا رأيي واكثر من مختص بالاعشاب يقول هالكلام

المووووهم خلونا ببرنامجي اللي وصل شعري لاخر ظهري:32: وغيره 180 درجه بنات صرت الاحظ كل اسبوعين يزيد اصبعين او ثلاثه


اول شي جيبي زيت دابر املا الاصلي ابوريحه-زيت السمسم ابوجمل-زيت الخردل خذيه من السوبرماركت لانه نقي وروووعه-زيت براشوت الازرق الاصلي من السوبرماركت بعد ومكتوب عليه ورى صالح للاكل هذا نقي100%
زيت الجرجير-زيت الخروع-زيت اللوز الحلو-زيت زيتون

ضعي مقادير متساويه من كل الزيوت ولأني اعشق دابر املا اضاعف كميته هو:09:


في قدر صغير وحركيها عالنار اذا متزجت تمام لاتخلينها تطبخ خخخخخخ بس تسخن وتمتزج

الموووهم ضعيها بعلبه وضعي عليها حدود اربع ملاعق اكل محلب واهرسي ثلاث فصوص ثوم قطعي بصله الى ارباع او اصغر براحتك وخليها تتخمر يومين او اكثر......

وابدأي استخدميها واذا ماجابت نتيجه قابليني


جدولي

السبت زيوت لمدة 4 ساعات مع تغليف الشعر
الاحد فنجان قهوه من الزيوت مع حبتين صفار بيض وعلة زبادي ومايونيز ملعقتين وعسل ملعقه وخميره فوريه ملعقه بعد وبالخلاط واحطها بشعري ساعتين اكتمها بكيس
الاثنين زيت بس
الثلاثاء خلطة الزيوت مع البيض والمايونيز و...و...و...الخ
الاربعاء زيت فقط
يعني ثلاث ايام زيت
ويومين او يوم واحد براحتك ماسك الزبادي والبيض والمايونيز .... مع الزيت
وخميس وجمعه راحه

ولاتنسون المساااااااج عشر دقايق مع الزيت
عاد الاربعاد اغسل شعري واسشوره واستانس فيه وربي يابنات يصير حرير ومايخرب لو مهما يصير

قطعه وحده ماشاء الله

وعلى فكره انا متزوجه يعني فترة دوام زوجي الصباح احطها بشعري
ومايجي الا خلاص بخرت شعري وعطرته وحطيت عليه كريم دابر فاتيكا يضيع الريحه

والريحه قويه بس لاثوم ولابصل ماشاء الله الاستاذ دابر املا سيطر عليها بريحته خخخخخخخخخخخ

وفي البيت اسوي شعري كيرلي بالكريم دابر فاتيكا واسوي شباصات وحركات وخاص مايحتاج استشوار شكله حلو يعني مره وحده بالاسبوع اسشور شعري
والحمدلله يابنات

شعري طااااااااااال بعد ماكان منتف مايطول سنييييين والحين طويل مغطي ظهري وكثافه ونعومه وابي عالاجازه اوصله للفخذ ان شاء الله وترى الاسبوعين الاولى تساقط شوي معاي وبعد كذا تعود الشعر عليه وياربي لك الحمد صرت اعد الشعرات بالمشط

وعلى فكره انا اسوي عصير عالريق رووووعه كوب حليب طازج وسبع تمرات وحبة موز و3 ملاعق دبس قصب السكر
روووعه للحديد حتى البشره تصير ورديه تاخذ العقل وتغذوا جرجير وخيار وخضار عموما وفاكهه

واشرب حبوب كبد السمك ......... وووبس

هذي تجربتي حبيباتي ويارب اكون فدتكم