السلام عليكم

بالنسبه لفرص العمل في العمل قدمي في برج في شارع زايد اسمه الكمده
وهم بيدورون لج على شغل
اما بالنسبة لحضانات الاطفال في الشغل فما اعتقد عندنا
والنسبة ما تهمهم اهم شي اللغةالانجليزية
حتى لو نسبتج 50
انا نسبتي 95 وكل ما اسوي مقابله تكون بالانجليزي والطباعة بعد بالانجليزي
والله يوفقج
ليلى

انا زينه بالانجليزى

بس الاهم عندى عيالى

ووجود حضانه موثوقه

واتمنى تخبرينى اكثر عن برج الكمده

شو يسوون وهل يبحثون لى عن شغل بفلوس

شكرا
اختي كراميل برج الكمده هو عباره عن مكتب التنميه تحطين اوراقج عندهم وتعبين بيانتج بالكمبيوتر وتحددين كم الراتب وفي بعد اوراق تقدرين تطلعينها من النت وتعبينها وتكونين جاهزه وحتي البيانات اللي في الكمبيوتر تقدرين تملينها عندج في البيت اذا ما قدرتي تكملينها عندهم انا طلعت الموقع وسويت برنت للبيانات وعبيتهم بخط ايدي لازم وسرت عندهم وشفت وايد زحمه جان اقول حق الريال يستوي انا اعبي البيانات مال الكمبيوتر عندي في البيت جان يقولي يستوي بس اذا ما عرفتي شي اتصلي فينا وسرت البيت ومليت البيانات ويوم ما اعرف شو المطلوب بالضبط اتصل فيهم والله انهم ما يقصرون تم وياي علي الخط الين ما سويتهم كلهم
ومكتب التنميه ما ياخذ عنج فلوس لانه مدعوم عن طريق الحكومه وفيه شي انا مقدمه اوراقي عندهم من سنتين الين احين لا حس ولا خبر وكل يوم اقرا في الجريده انهم يدربون اللي مقدمين عندهم اوراق لكن ............ المنحوس منحوس واذا بغيتي رقمهم اتصلي البداله وبيعطونج رقمهم واتصلي عليهم وبيدلونج مكانهم هم علي الشارع الثاني من شارع الشيخ زايد جنج سايره ابراج الامارات هو قريب منهم واسمه مكتب تنمية الموارد البشريه في بنايه الكمدة وهم مب حاطين اسمهم علي البرج لكن يوم بتدخلين البرج من الداخل بتشوفين لوحه ومكتوب عليها كل المكاتب وشوفيهم في اي دور لاني نسيت في اى دور وبالتوفيق
جزاك الله الف خير عزيزتى كفيتي ووفيتي
الله يرزقك باللى نفسك فيه غاليتى
سلامي للكل

وهلا للغالين .. حبيت أضيف مشاركة وخبرتي في البزنس

نا شاركت في القرية العالمية 2004 وكنت مشتركة في جناح جنوب أفريقيا لأن الايجارات وايد غالية في القري الثانية

وبعدين بالنسبة للكشك أنا سألت عنهم .. والصراحة دبي ما تمشي فيها الواسطة مثل باقي الامارات .. أنا مجربة

وسعر الكشك كان غالي بعد .. تقريبا 7000 درهم للي مساحة تقريبا 3*4 مش كبير عادي حجمه حجم الغرفة الصغيرة

والسنة الكل يشتكي من الايجارات الغالية وما إقبال كبير من الجمهور على الشراء

واللي أكتشفته أن الناس صاروا في حالة تشبع من القرية .. أقصد اللكل كان بس ياي عشان يتمشى ويلعب العيال وياكل ويروح

والصراحة انا بديت مشاريع البزنس من البيت وبعدين شاركت في المعارض والحين قريب أفتح محل

يعني الواحد لازم يمشي خطوة خطوة لين ما يوصل للقمة

حبايبي أنا أدور حد يساعدني في البزنس

شو رايكم مين يريد أساعده ويساعدني
أنا حاضرة وجاهزة بعد

تحياتي

سيدة اعمال


الساعة الآن 12:19 .