حبيبتي أم جودي وعبودي
الغراء اللي في البامية شي طبيعي وهو اللي يعطي الطبخة طعم وكثافة ولزوجة

أنا إذا كنت ابغي البامية للمرق اقطعها وعلى طول اضيفها مع حمسة المرق تعطيها طعم وكثافة حلوة

بس إذا ماأبغي اللزوجة اللي تطلع فيها اقطعها قبل الطبخ واحطها بمشخال ينزل كل اللي فيها بعدين اغسلها واستعملها
22-11-1429 هـ, 01:22 مساءً
 
هلا ياعسل
ياقلبي هذا شي عادي ولازم عشان تضبط البامية
هذا الغراء إللي تقولي عليه هو سر النكهة..

وبعدين لما تسوي البامية ..ماأدري عنك أنا بقولك طريقتي..

أقلقل اللحم في شوية بصل وزيت ..وبعدين أحط عليها الطماطم المعصورة وأخليها تفور شوي..
بعدين أحط عليها شوبة موية وأخليها تنطبخ لحد ماتستوي اللحمة بعد كذه أحط لها البامية وأطبخها لين تستوي وأغرفها..


أشياء مهمة قبل طبخ البامية:
*لازم البامية ((تتقمع)) بشكل مخروطي في الرأس ..مو تقطعيها قطع..إنتبهي
*البامية لازم تكون كلها متساوية في الحجم عشان تستوي كلها في وقت واحد..ترى بتخترب الأكلة لو كانت الطبخة فيها جميع أحجام البامية..
والأفضل تختاري الصغيرة إللي تجي تقريبا في طول نصف إصبعك..هذي إللي عادة نطبخها مو الكبار..
*فكرة أعطتني هيا أمي الله لايحرمني منها..لما تحطي البامية في القدر عشان تطبخيها..حطي معاها فص صغير ملح ليمون راح يعطيها طعم يجنننننن ويخليها تتسبك..بس مو تكثري إنتبهي...


وأكلة طيبة وهنا وعافية ياعسل وأي سؤال أنا حاضرة لأني أموووووووووووت بالطبخ..

22-11-1429 هـ, 01:29 مساءً
 
اقتباس مشاركة  (شاني علشاني)
لا اختي انا اقلك الباميه اذا كانت من الحلقه يعني اللي تتنظف من فوق لمن تجي تنضفيها من فوق بسكينه لاتقطعيلها راسها حلقه لا بحركه حلزونيه تقوم ماطلع غرا كثير بس اهم حاجه انه ما يكون فيها ثقوب من فوق او اخراق اوكي

ويارب اكون افدتك وعادي لو فيها زي الغرا عادي بس مو بطريقه مو معقوله قطعيها بطريقه دي راح يقل الغرا وتاني شي مايدخل جوتها المرق يعني لمن تتخرق من فوق يدخل جوتها المرق وتتنفخ وتتفقع اكيد

وانا انصحك بطريقه هادي


تحياتي لك
22-11-1429 هـ, 01:32 مساءً
 
السلام عليكم ورحمة الله وبركاته
اختي
اغسليها وجففيها وبعد ذلك قطعيها
اذا قطعتيها وغسلتيها تصبح لزجه
او غسلتيها وماجففتيها كذلك تصبح لزجه
اتمنى فهمتي علي
22-11-1429 هـ, 01:32 مساءً
 
شكلك اول مرة تطبخي بامية
22-11-1429 هـ, 02:02 مساءً
 


الساعة الآن 04:41 .