السلام عليكم


الاخوات كيف حالكم

مع الاجازه .......... تعرفون ازواجنا ما يسكتون


يبون يعزمون الربع والشباب وانت تطقين اللطمه وتدخلين المطبخ



ومناخرك طايره اف ابلشنا هالرجال مع ربعه


الحاصل ان زوجي العزيز يبيني اسويله ذبيحه هههههههههههههه
وانا بعمري ما سويتها

عشتوا يبي يرزني جدام اهله واخوانه


يقول سوي الذبيحه وشوفي اللي ما يعطيك اللي تبينه ههههههههههههههه



وانا طمعت طبعا ابي منه وابي


المهم ابلشتكم بالقرقره


ابي اعرف


اشلون تسوين الذبيحه بالتفصيل الممل


من غسل اللحم ؟

وتركيبه ؟

وكم المده؟ اخليه يطبخ؟

واشلون اعرف مقدار الرز بالنسبه للقدر ؟ ما عمري سويت كميه كبيره؟


كل شى ؟ كل شى؟


ابي فزعتكم معي


انا الوالده ما تقصدر معي بس كمان ابي تجاربكم عشان اتحمس للموضوع


شسوي ما احب ازعل الغالي

ههههههههههههههههههههههههههههههههههههههههه

بانتظاركم
ياطويلة العمر خذي الكلام اللي يجمدعلى الشارب طبعا اللحم يجيك جاهز اهم تأكدي من غسل الكرشه والامعاء ثم لفي الامعاء باالكرشه زي الحمه اللي تجي من الطباخ اسلقيها واملحي وبهري واذا استوت طبعا انتي قدري لها طبعا تكونين منقعه الرزطلعي اللحمه وحطيها باالفرن اذا حبيتي واذا استوى الرز حضري جمره تكون مشتعله زين وحطي زيت في قدر صغير او اي شي عندك وحطيه جوف الرز وحطي عليه الجمره وغطي القدر زين وبعد5دقايق اغرفي عشاك ولاغداك وادعي لي
الصلاة والسلام على رسول الله
شوفي ياطويلة العمر ابغى اضيف على طريقة تؤام البدر .. أطبخي الكرشه والكبد واللذي منه طبعاً لما
تقطعينها بعد ما تقطعين بصل كثير وتقلقلينه في الزيت وإذا حبيتي تحطين طماط طازج وتحطين الصلصة في
مويه قليله وتصبينهم فوق البصل وبعدين تحطين الكرشه و... وتتبلينهم ملح وبهار طبعا واضغطيها
وشوووووفي ... وحطيها على وجه المفطحه على الرز ..
وارجوا ان تتقبلي مشاركتي...

ناسن تمشي معك تخاويك...ومن ورا ظهرك تذمك
تبتسم في وجهك تـداريك...وانـت مغبون وغابنك يمك
الاخوات العزيزات .. شو هي المفطحة ؟؟؟

هل هي الكرشة ؟؟ مثل ما فهمت ؟؟

اذا هي راح اعطيكِ طريقة لذيذة لطبخها ..

أهلين أختي الخنساء ..

شوفي مدة الطبخ والمقادير تعتمد على نوع المفطح وعدد الاشخاص ..

طبعا اذا كانت ذبيحتك صغيره ( يعني سنها صغير ) فتقريبا ماتحتاج أكثر من ساعه .. وكلما كبرت كلما زاد الوقت ..

تغسلين الذبيحه بشوي ماء عشان طعمها مايروح .. وتكونين مجهزة الكرشه والمصارين وغاسلتهم ومنظفتهم زين وملفوفين زي مانشوفهم من الطباخ , وينطبخون لوحدهم مش مع اللحم عشان مايخربون طعم اللحم ..

تحطين الذبيحه بقدر مناسب يعني تكون ماخذه راحتها فيه وبنفس الوقت مايكون وسيع مرة , وتحطين الماء يادوب يغطيها , ولما تفوح تشيلين الريم عنها وتضيفين لهاالبصل و البهارات و( القرفه , مسمار ,هيل , ليمون اسود) والملح يكون بعد مدة يمكن ربع ساعه ..

طبعا لاتنسين الراس ( اهم شيء ) ولا تسوين زي بعض الناس اللي انقرفت منه وما طبخته , وتخيلي شكل المفطح بدون راس ,
طبعا الرز يكون مغسول ومنقع على جنب مدة نص ساعه , ولما يستوي اللحم تشيلينه , وتكشنين بصل مع زيت في قدر للرز وتحطين الرز وبهاراته ومرق اللحم تشخلينه بمقدار يناسبه ,

وطبعا اذا كانت كمية الرز كبيرة لازم يكون القدر وسيع علشان يستوي ولو كان ضيق راح تتبهذلين بحيث الرز اللي تحت يكون مستوي واللي فوق ما استوى ( من تجربه )

بالنسبه للكبد ممكن تقطعينها شرايح او اطوال ( احلى ) وتسوينها مع بصل اطوال مع الكشنه للرز ..

وفي التقديم : يعتمد على الكشنه وتفننك فيها ومعا الزبيب والصنوبر واللوز , وممكن بيض مسلوق , وممكن مكرونه مسلوقه , وممكن تدهنين الذبيحه بشوي كركم وتحمرينها بالفرن , وفيه البعض يغطي المفطح بالقرصان ..

هاذي طريقتنا النجديه بالمفطح , ويارب اكون افدتك ولو اني ماجبت جديد ..


الساعة الآن 02:23 .