Analysis Services
السلام عليكم ورحمة الله وبركاته

عندي مبلغ مالي بسيط وفكرة في مشروع اتوقع انه راح يكون ناجح لأني الاحظ الطلب عليه بكثر وخاصه في المنتدى

والمشرع اني راح استقدم شغاله وسواق طبعا الشغاله راح أأجرها سواء باليوم او بالشهر على حسب اتفاقي مع الزبونه والسواق بسيارته سواء توصيل مدارس وكليات وغيرها يعني اتفاق شهري او مشاوير خاصه سوق ومستشفيات وطلعات


وش رايكم وش افضل جنسيه اقدمها

انا استبعدت الجنسيه الأندنوسيه لخوف اغلب المجتمع من بلاويهم واسحارهم وطبعا اذا جات شغاله وزوجها بصراحه مااضمن انهم مايهربون ونفس الشي الجنسيه الفلبينيه وخاصه انهم مايحبون احد يأمرهم


حبيت اقدم على الجنسيه النيباليه ولكن مااتوقع فيه نيباليات خبرتهم زينه في مجال العمل يعني اغلبهم مستجدات والسواقين اتوقع نفس الشي

قلت اجيب سيرلانكيه وشروطي تكون عملت في دولة الكويت اكثر من 3 سنوات وتكون طباخه ومقبولة الشكل وكلنا نعرف ان اغلب الكويتيات خادماتهم سيرلنكيات ويجون نظافه وطبخ ماشاءالله والسواق يكون زوجها وبيكون ماله لسان وهذره مثل الجنسيات الثانيه

وش رايكم تكفون بلغوني ضرووري ابي اشوف أرائكم

واي وحده عندها إضافه تفيدني ياليت ماتبخل فيها

واذا عندكم خلفيه عن سعر التقديم والرواتب تقولولي

واي افضل مكاتب الاستقدام الي تجيب نفس الشروط وبسرعه من دون مماطله وتأخير


في انتظاركم على احر من الجمر,,,,,,,,,,



22-11-1429 هـ, 04:41 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
طيب لو هربت الشغاله وش تسوين ؟

الله يوفقك ياعسله
22-11-1429 هـ, 04:43 مساءً
 
بالتوفيق يا رب

الله يكتب لك الخير

ما عندي خلفيه والله
22-11-1429 هـ, 04:50 مساءً
 
اسيرة السراب

فكرة حلوة لكن بلاويها اكثر من فايدتها

اولا مشاكل الخدم انتي عارفتها وبتروح وتجي من بيت لبيت و بالنهاية تجلس في بيتك لين تأجرينها هذي مو عدلة بتنقل اسرار بيتك في كل بيت تدخلة كمان رااح تهرب لها اشياء و اصدقاء و خلافه ومحد بيحس فيها

اضيفي على ذلك ان التقديم صااار بعشرة الاف و يمكن النيبال ارخص شوي يعني الاثنين فوق الثمانية عشر الف من غير الفحوصات الطبية والاقامة ونقل الكفالة والاعارة لما تأجرينها كلها عليها رسوم كبيرة

سامحيني ما ابي احطمك بس شوفي لك مشروع بدون وجع راس وهذي نصيحتي لوجه الله الكريم
22-11-1429 هـ, 05:26 مساءً
 
الله يوفقك

ويرزقك

لكن استخيري وترى الموضوع فيه مخاطرة كبيرة فكري بالموضوع من جديد
22-11-1429 هـ, 05:49 مساءً
 


الساعة الآن 05:53 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏