اقتباس مشاركة  (poison)
ون تو ثري
الله يعطيك العافيه ..صدق بردتي قلبي
انا بكمل سنتين ما اشتركت بالبازارات..لي اسبابي الخاصه مع الأسباب التي ذكرت في بعض الردود وانتي أولهم..
ولله الحمد مكتفيه بالشغل الخاص لحد ما يتعدل الوضع

صرنا اثنين ويمكن ينضمون معنا الاخوات وننظم حملة لا للبازارات الفاشلة

وانا ابي اصير الرئيسة هههههههههههههه
الله يجز صاحبة الموضوع خير
أنا أكثر شي يطفشن كمتسوقه الزحام ..المفروض كثافة الاعلانات بحسب حجم البازار
تصوير البزار بغير حقيقته مثلاَ يقول فخم وللاسره كامله وتجي تلقي
اشياء تافه
اقتباس مشاركة  (ون تو ثري)
صرنا اثنين ويمكن ينضمون معنا الاخوات وننظم حملة لا للبازارات الفاشلة

وانا ابي اصير الرئيسة هههههههههههههه
هههه
ولا يهمك انتي الرئيسه
أستغفر الله العظيم وأتوب اليه
بصراحة انا رحت لبازار للاسف بس حق التعب المكان اظلم وكله لانجري كاننا ما نلبس الا لانجري وبس شغلتنا نلعب احنا وازواجنا ما فيه تميز ابد خصوصا بازار غرناطة ... فاااااااااااااا اشل ورحت للهوليدي ان كان حلو اللي قبل الصيف بس غالي بس تحسين تعدد الاشياء
ورحت المرسى تحسين اخو غرناطة وقلت توبه ما عاد اطلب اروح لان الروحة يالله تجي واطلع ما اشتريت شي والتاجرات هم اللي بالمنتدى بس رافعين اسعارهم .. اجل اطلب من النت ارخص لي ...
حبيبتي المشكلة الرئيسية في البازارات من وجهة نظري ... أولا سوء التنظيم وعدم تخصيص أماكن محددة ليها وثاني شي الاستغلال اللي مجنن الناس والأسعار المبالغ فيها لإيجارات الطاولات أو الأركان ... الطمع الجشع الناس اللي تحب تستغل حاجة الآخرين ... تلاقي التاجرات المبتدئات هم الضحايا الأساسيين لهذا الاستغلال ...

نيجي للنقطة الأولي .... ليش البازارات تعمل بأي مكان ... بالمدارس الخاصة ... الأسواق التجارية هي ناقصة بضاعة و زباين وحتى لو عملناها بالأسواق لازم يكون في دراسة واعية لاختيار السوق أو المول المناسب .... الشاليهات ... المنتزهات العامة اللي ما عليها إقبال كثير ... البازارات عشان ما تفقد معناها الجميل لازم تكون مرتبطة بمواسم معينة وأماكن معينة

الأماكن : من وجهة نظري لازم الأماكن اللي تعمل فيها بازارات لازم تكون أماكن لها تميزها وجاذبيتها وممكن نستغل البازارات في أماكن نحب احيائها أو تشجيع الناس لزياراتها ... مثلا ممكن نخصص ساحة معينة أمام المتحف الوطني لعرض الملابس التقليدية والحاجات الخاصة بالتراث أو نخصص ساحة معينة مقابل الأماكن الجديدة مثل الأماكن اللي عملتها البلدية كمنتزهات للرياضة والمشي ... الناس الآن تحب كل شي جديد وبنفس الوقت تحن للماضي أحيانا لازم يكون في دراسة مكثفة لإختيار المكان و مدى اقبال الزبائن عليه ومناسبته لعمل بازار بشكل معين

ثانيا سوء التنظيم بصراحة أنا أشوف المسئولين عن تنظيم البازار تلاقيهم ما عندم أي خبرة بإدارة المشاريع أو التخطيط عدم خصخصة العمل هي مشكلتنا بالسعودية وبالوطن العربي إذا كانت شركات كبيرة تفشل وتعلن افلاسها بسبب سوء الإدارة فما بالك في البازارات ... عدم تنظيم المكان بشكل يلفت الانتباه ... عدم تنظيم البضاعة وطرق عرضها .... المحتوى العشوائي للبضاعة الموجودة في المكان يعني مثلا تلاقي عشر طاولات تبيع اكسسوارت ومعها منتجات تجميل وطاولة وحيدة تبيع ملابس .... لازم كل بازار يكون فيه تخصيص وتنويع بنفس الوقت ... يعني كل تاجرة تبيع شي محدد واحد فقط وأخرى تبيع شي آخر مش وحدة تبيع جريش وكشري وجنبه شنط وميك أب إيفون ... واللي جنبها تبيع مأكولات ... بجد مسخرة ... ولازم يكون في تشجيع للمواهب ويكون ليهم ركن مميز يرفع من معنوياتهم ويحسون إنو ليهم قيمة في هذي البلد ... ومن وجهة نظري لازم ولازم يكون في كل بازار ركن خاص لبيع الكتب الدينية والثقافية مو كله أكل ولبس حنا عايشين في الدنيا عشان كدا بس ... لازم البازارات يكون ليها رسالة نبيلة تأديها قبل ما يكون ليها هدف مادي بحت والا راح تفشل فشل ذريع لأن الناس بدأت تفطن لأنواع الإستغلال الرخيصة وكمان لازم يكون في تدخل ولو بشكل غير مباشر بأسعار البضاعة لأن البضاعة الغالية تنفر الناس من زيارة البازار يعني مو معقولة وحدة جايبة ربطات شعر بريال و ربع من المرقب وتبيعها بالبازار بخمسين أو مية ريال و زي ما حكيتي أختي عن صاحبة القماش المسكينة بصراحة منتهى الاستخفاف بعقلية الزبائن ... ابعدو يا تاجرات يا محترمات عن استغلال الناس لو تقرأو بكتب التسويق راح تعرفو إنكم بأسلوبكم هذا راح تخسرو في المستقبل القريب أضعاف ما ربحتوه بسبب استغلال الناس وخداعهم ... اكتفو بالربح المعقول ومع الأيام راح تزيد المبالغ في حسابكم في البنك ما تخافو ... قاعدة تجارية مهمة للربح التاجر الشاطر يركز على كسب ثقة الزبائن قبل التركيز على الاستيلاء على أموالهم من دون وجه حق ... أنا ما شاركت في بازارات كثير بس تفرجت وسألت بحكم الحاسة الصحفية اللي عندي وبصراحة اشفقت على التاجرات أكثر من نصهم خسرو حتى ما طلعو نص قيمة الإيجار ويقولو ليهم الإدارة هذي ارزاق يحطو بجيوبهم فلوس الناس ويقولو أرزاق ... وحدة صاحبتي خبيرة بالبازارات أكثر مني تحكيلي عملت أنا ومجموعة من صاحباتي بازار في جمعية .... الخيرية وكان لمدة أسبوع بس ومبلغ 1500 ريال مبلغ مبالغ فيه بس ان شاءالله الفلوس راحت لأعمال خيرية تحكيلي والله ما بعت ولا حاجة وصاحباتي في منهم أرامل وكان في أرامل ومطلقات يصرفو على أبنائهم من هالبازارات تقول تخيلي ما باعو أي شي واشتكو للادارة وما أحد عطاهم وجه ولا اهتم فيهم يبغون بس نص اللي دفعوه ايجار لكن خرجو بالخسارة والندم هنا تكون مشكلة إدارة وعدم التخطيط الصحيح بصراحة البازارات الآن صارت ما تفرق عن بسطات النساء اللي بسوق حجاب بالنسيم ومقابل مراكز الهرم مع احترامي الشديد ليهم هذولي نساء جاهلات لكن يعملن بشرف ويتعاملو مع العنصر الرجالي والنسائي على حد سواء لكن بشكل صراحة مش حضاري مرة بسبب نوع الطاولات وترتيب البضاعة ونوعها

لازم البازارات ترتقي عن هذا المستوى

المشكلة بإختصار تكمن في

اختيار الأماكن الغلط لعمل البازار

التوقيت الغلط وتعارض مواعيد البازرات مع بعض

سوء الإدارة والتخطيط للبازار

اختفاء عنصر الإثارة والمفاجئة في البازار

أعني لازم يكون في شي مثير وجديد بكل بازار

ونقطة مهمة جدا

سوء الدعاية للبازار وعدم الترويج الكافي ليه وهذه من أهم أسباب فشل البازارات عندنا


الدعاية والإعلان علم واسع في عالم البزنس ولازم يكون فيه دعاية كافية للبازار وبوقت كافي قبل عمله مو قبلها بيوم بس ونروح نحط اعلان رخيص بالوسيلة بحجم مش ملفت للانتباه ونقول عملنا دعاية ضخمة للبازار


الساعة الآن 05:24 .