ناطرتج يا ورده الشارجه .. بس لا تبطين علي يالغاليه ...

و باجي البنات .. وينكم ..؟ طلعوا و قولولي عن بوكيت و بانكوك بسررررررررعه
يله أنا بعد ناطره مع الزينه معلومات عن بوكيت
الصراحه ما رحت لها بس معاي البنات بالدوام راحوا
ووايد يمدحونها ...

وأتمنى إني أزورها عن قريب

ويقولون أحلى وقت لزيارتها إهي هذي الفتره ( ديسمبر / يناير / فبراير )


يعني عجلوا الله يخليكم


بنات ... معلومات عن بوكيت الله يرضى عليكم ان شاء الله .. يلا للحين ناطرتكم !
وين مشاركاتكم ؟؟

نشف ريجي و انا انطركم

شكلكم بتخلوني اعصب عليكم
اسفه علي التأخير لكن توني ذكرت الموضوع
شوفي اختي بالنسبة للفنادق عندج فندق باتونك مارلين هوتيل بس غالي شوي بس يستاهل هذا الفندق روعه واحلي من الروعه بعد هو في وسط السوق يعني تنزلين وتتمشين والبحر عدالكم بعد بس تعبرين الشارع وعندج بعد فندق باتونك باي شور هذا الفندق عباره عن شاليهات بس مب علي البحر داخل بوكت يعني تقدرين تسيرين مشي او تاخذين تاكسي 5 دقايق والا انتي في السوق مدخله زفت لكن الغرف حلوه يعني تقدرين تطلعين من الغرفه وتيلسين في الحشيش لكن الفندق كله مزروع تحسين نفسج كانج يالسه في حديقه وحمام السباحه بعد يكون في وسط الفندق يعني هذا الفندق مب متعدد الطوابق لا هو كل غرفه ابروحها حلوه تحسين نفسج كانج طالعه رحله
بعد عندج فندق باتونك بيتش هذا الفندق يعني حليو المدخل روعه تقولين بس هذا هو لكن الغرف يعني مش ولا بد
عندج الاسواق
سوق باتونك - سوق بنكالا وهذيلا جنب بعض يعني واحد علي الشارع والثاني من وراه وهو طويل وكلهم علي البحر
واذا بغيتي تعرفين عن الاسواق اذا كنتي مب حافظتنهم تقدرين تسألين الرسبشن وهم بيكتبون لج اسم الاسواق والمراكز
وعندج بعد المراكز : تيسكو ماركت - روبنسون - بيغ سي

واتمني تكون رحلتج حلوه بس اذا بغيتي عن الرحلات بيكون في كل فندق البوم الرحلات يعني البوم السياحه مالت البلد نفسه ولا يفوتج رحله البحر الي الجزر وهذي البلد علي فكره معظهم مسلمين اذا ما كانوا الغالبيه
وبالنسبه للمطاعم اكثر شي المطاعم الهنديه موجوده عندهم علي طول الشارع بتشوفينهم الشارع اللي فيه السوق يعني علي البحر


الساعة الآن 07:59 .