انا مفكره اسوي مثل اعلان ابغى فيه خمس بنات
ثنتين يكونون فنانات في الحلويات
وثنتين يكونون يعرفون لكل الطباخات صيني شرقي مقبلات اطباق رئيسية
وواحده ماهره في الشعبيات
انا زوجي يداوم بعد العصر ما يجي الا عشره بالليل
يكون دوامهم عندي في البيت من4-9 نبداء شغل من يجون الى ان ينتهي الدوام
اذا فيه مثلا طلب على بوفيه يكون اليوم كامل لشغل فيه
واذا ما فيه طلبات يسوون معجنات وحلويات ومحاشي ونبيعها اما على محلات حلويات
ولا على الزباين ارخص لهم مباشر
طبعا اكيد لازم اعلانات موسعه لان كل وحده من البنات لها اقارب ومعارف او جيران ممكن توزع الكروت بهذي الطريقة
والبنات اللي يدورون على حريم يسوون لهم وجباتهم في فترة النفاس نأمن لهم الوجبات الثلاث يوميا لمدة 40 يوم او شهر اذا بالتوصيل ولا بدون
انا مساعده فقط واسوي اعلانات وارد على المكالمات واخذ الطلبات من الزباين وزي كذا واوفر لهم الاغراض


العراقيل اللي احسها بتكون قدامي
انو البنات ما راح يقبلون انهم يجون لبيتي للعمل فيه لانه مكان خاص مو عام
الشي الثاني انو ممكن نسوي الخميس والجمعة اجازه لان زوجي في اجازة بس
احس اكثر الطلبات بتكون على الاربعا والخميس والجمعة
والثالث اني ما راح اعطي رواتب لاني ببساطه ميزانيتي محدوده الا بعد تحسن الاوضاع فهل البنات اللي بيجون بيرضون بالنسبة والنسبة راح تكون بالتساوي للجميع طبعا بعد ما نأخذ منها حق الاغراض
وايضا هل الوقت هذا المخصص كافي لعمل طبخات كثيره او لازم دوامين صباح ومساء


فكرتي دايم تدور في بالي لاني ابي اخدم نفسي والبنات معي مو معقوله بنجلس حاطين ايدينا على خدنا نستنى احد يتصدق علينا بوظيفة ولا وش الواحد يقدر يسوي مع غلاء الايجارات

اتمنى من الكل التفاعل الله يجزاكم خير وهل تأيدون الفكره ولا اشيلها من راسي وشاكره لكم
28-11-1429 هـ, 04:57 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك
بس احسها صعبه شوي

واللي مصعبها هي الاسباب اللي قلتيها

والله ييسر لك
28-11-1429 هـ, 06:23 صباحاً
 
جزاك الله خير
انا ابي حل لمشاكلي اذا فيه بس تلأجير ما اقدر
28-11-1429 هـ, 03:16 مساءً
 
بالعكس ممتازه فكرتك.لكن هل الاهالي يسمحوا لبناتهم يجوك الى البيت هذي صعبه شوي ليش ماتشوفي من اقاربك اواقارب زوجك ممكن يساعدوك في الطبخ ويتعلموا مع الوقت اذا كانوا مايعرفوا اهم شي انهم حابين ومؤيدين فكرتك وصدقيني باذن الله تتيسر امورك ولاتنسين بدايات العمل صعب وشاق وممكن تتعرضي لبعض المنغصات من الزبائن اومن زوجك لكن اصمدي والله معاك .

اذا كنتي في الرياض سوف اتعامل معك كزبونه واساعدك في الاعلانات.

تحياتي لك
28-11-1429 هـ, 03:35 مساءً
 
فكرة حلوة بس حاولي, كلشي في بدايته صعب , فيه بنات ممكن تجيك البيت ممكن ما يكونون سعوديات نظرا لتحفظ الاسر السعودية جربي يكونون من جنسيات عربية و اذا حصلتي زباين و صار الشغر كتير و المدخول حلو استأجريلك مكان و راح تضطرين تزيدين الطباخات و هنا ممكن تدخلين سعوديات ... و ان شاء الله راح تنجحي باذن الله و استخيري رب العالمين و اذا كنتي من الرياض علميني عشان اكون زبونة ..
28-11-1429 هـ, 08:40 مساءً
 


الساعة الآن 11:13 .