السلام عليكم

طبعا مرتاعات للي ماقد دخل موضوعي قبل فترة عن فشلي الذريع بالرز ومنيب عارفه وش السبب
والشغاله تسوية لذيذ ومافيه شي
تعبت وانا احاول واحمس وكل شي وبالاخير استغفر الله يرووع ولما اجي اغرفه الريحة تنقلب وتصير شينه لدرجة ماودي اوديه للسفرة ويذوقه زوجي
ولما يذوقه مرررة يهززززئني ومررة يرحمني اني متحمسة بدون نتيجة

واحيانا انزل اسوي الاكل كله واخلي الرز على الشغاله وزوجي يرفض يبيني انا اسوية


حاولت وحاولت وابدا فاشل رزي بقوووووووة

القهر اني طباخه بالصواني والحلويات والمعجنات وكل شي اضبطه ولو فيه عزايم لاقاربي يطلبون مني شي من لذة طبخي
<<<<<<<<<<<<زودتها مدح خخخخخخخخخخ
لا والله مو قصدي بس اللي ابي اوصله لكم اني مو فاشلة بالمطبخ كان مشكلتي العويصه الرز
وتعرفون الخليجين واكثر شي السعوديين لو تحطين بوفيه كامل لازم الرز يصير تاج السفرة
يعني مافي مفر لازم ازين رزي

وانتوا ماقصرتوا بنصايحكم وكل وحدة عطتني من اقتراحاتها مثل:
اقتباس مشاركة
الرز غيريه
احمسي البصل زين خليه يذبل ونكهيه بالتوابل صح....الخ
المهم عقب الموضوع هذا ولدت ولما رجعت الا الشغاله راحت لديرتها
يعني جاك الموت ياتارك الصلاة
وشئت او ابيت غصب باسوي الرز والله يعين على تعليقات
اول يوم نزلت اطبخ وشايلة هم سميت بالله وسويت كبسة الدجاج <<<<<<فاشلة فيها بقوووووووووة
ولما حطيتها على السفرة الا يقول زوجي شكلها يشهي انا اقول له تسلم صحه وعافيه
وبداخلي اقول ليس كل مايلمع ذهبا


المهم اكل منه وانا للعلم مسوية دايت فمبعد ذقت رزي للحين يعني زوجي الحكم وعيوني بشكل الرز وريحته

اكل منه وقال ماشاء الله لو الخدامه مو مسافرة كان قلت هي اللي طابخته وصار الذ من طبخها بعد
وانا مو مصدقه
من جد؟؟والله؟؟ لاتجاملني قول عشان اصلح غلطي واشوف وش منقصه
<<<<<<<<<<<<<<<<<<<<<يأست من قلب
قال والله لذيذ وقعد ياكل
انا تبوني ماتلقوني ودي اروح افحط بالحوش<<<<<<تسويها
واقعد احمد الله انه ضبط
بس خفت انه ضبط ذاك اليوم وبس
وشلت هم بكرة بعد
قمت سويت من بكرة مندي
وبرضة ماشاء الله ريحته بالغرف شي ويشهي لدرجة بغيت اخرب الدايت
وبعده وبعده
ومر شهر الحين ولله الحمد صار رزي تمام وحسيت اني راعية بيت بجد الحين مو ناقصني شي والكمال لله

الحين باقول لكم وش تغير بطبخي اول والحين:

طبخي سابقا:

اول شي الحمس
بالاول كنت احمس البصل بدون نفس النار عالية والزيت شوي مررة فينشف البصل ويحترق ماذبل وكنت احط الطماطم وبرضة النار عاليه فكل شي تنشف مويتة ولا طعم ولا اتسبك براحته ولا احط بهارات الا بالاخير واحط الدجاج واصب الموية سواء مغليه او باردة مايهم واتركه على نار عاليه واكب الرز بعد الملح وخلاص

طبخي حاليا:


الحين احمس البصل بنار وسط والزيت زدته مع ملعقة سمن واتركة يذبل وخلال مايذبل احط القرفه والليمون الاسود والهيل والمسمار والفلفل الاسود كلهم حب مع مكعب ماجي واحركها معاه عشان تطلع نكهتها
وبعدها احط الطماطم واخفف النار لحد مايتسبك مرررة
بعدها احط الدجاج والنار ارجعها وسط واترك الدجاجة لحد ماتطلع مويتها وتحمر شوي من تحت اقلبها للجهه الثانيه تحمر وخلال هالوقت ارش علهيا ملح خشن شوي يطلع طعم حلو فيها ويساعدها تطلع مويتها
لما تحمر واتسبكت والريحة صارت تهبل احط الموية المغلية واحرص انها مغليه ومااكثر موية ابدا بس يتغطى الدجاج اذا كنت باحمره بالفرن واذا باكبسه مع الرز اكثر شوي من الموية لان كثرة الموية تمصخ الاكل وتضييع الطعم
بعدها اعلي على النار مرررة لحد مايفوح واطلع الزفرة من الوجة بعدها احط النار وسط مرررة
واتركه يستوي براحته لما يستوي مررة اطلع الدجاجة واذوق الملح اذا يبي زيادة ملحتة بماجي ابيض وملح
واكب الرز اللي اكون منظفته مرررة وخامرته وشاخلته
بعد مايفوح القدر ويتشرب مويته اقصر عليه

اهم الفروق

- الحمس الراكد مو يحترق وعلى عجله

- تقليل الموية بمقدار كافي يعني مو يصير الرز ناشف ولا اغرقه ويروح الطعم
والموية ازيدها اذا الرز ماخمرته واذا خامر تصير على القد

- تعديل النار بكل مرحلة حسب ماتحتاجه
انا اول طر به ياثوبة مرررة كاني ملحوقه النار مااقصر عليها الا اذا اتشرب الرز

- نظافة الرز كنت اعتمد على الشغاله والله مااظلمها لما اكب الرز مااشوف شي من غسلها فيه بس لما صرت اغسله بنفسي الحين مرررررررررة متعب خصوصا لما يكون السوس واجد او مترب مرررة لدرجة اقول مو معقولة بتقعد تنظفه كذا يوميا

- المخمخه يابنات والله المخمخه تطلع المواهب والتبديع اول اطبخ قلبه قلبه ابي اخلص وبس
الحين لا مع ان وقتي ضيق بس كل شي اعطيه حقه


ملاحظة:

بنات لاترتاعون وتقولون وش فيها مبالغه انها ماتعرف للرز
انا متزوجى لي 9 سنوات اول مااتزوجت مااعرف اسوي الشكشوكة واتعلمت منكم الله لايخليني ومن امي وصرت فنانه بكل شي الا الرز مارضى يضبط و محاولاتي كلها فاشلة فيه بقوووة وصرت استحي من نفسي وودي الارض تبلعني
وزوجي اهم شي عنده الرز يعني مااقدر اغرية بالصواني واي شي ثاني
وانا ابي لنفسي اعرف له لو فيه عزيمة او شي ماابي اسود وجهه ووجهي

وهذي تجربتي ولله الحمد
بغيت اقولها لكم للي مثلي وتبي تعرف وش العيوب وش النواقص وتعدلها ومثل ماافدتوني بغيت افيدكم
وبنفس الوقت مابغيت اصير ناكرة معروف اسألكم ولما استفدت طنشتكم عشان كذا ابي اشكر كل من نصحتني وساعدتني الله يساعدها ويسعدها دنيا واخره ويفرج عليها ماكرب
اليوزر لاكثر من وحدة


لدي استعداد لمسك طاولات البازارات مع عمل عروض تسويقيه
ولا شي مدري ليش سويت رد
<<<<<<<<لاتعليق
اليوزر لاكثر من وحدة


لدي استعداد لمسك طاولات البازارات مع عمل عروض تسويقيه
ماشاء الله

الله اكبر

تسلم ايدك ياحبيبتى

والحمد لله انه ظبط معاكى

معلش كلنا بنتعلم بالراحه ومفيش حاجه بنتعلمها بين يوم وليله

اممممممممممممممم

بس ريحه الرز وصصصصصصلت عنننننننننندى خخخخخخخخخ
ماشاء الله عليك حبيبتي ...

اهم شي نحاول نتعلم وما نستمر على الغلط ...

ونصايحك كلها روووعة حفظتها عندي ...

انا اول ماتزوجت كنت اعاني من ظبط موية الرز بس الحمدلله مع الوقت وكثر الطبخ تعلمت ...

والبنات في المنتدى ماقصروا ....

والله يخلي لك زوجك واطفالك يااارب ...
سبحان الله وبحمده .. سبحان الله العظيم
الله يسعدكم على الدعاوي والردود
لاخلا ولاعدم
اليوزر لاكثر من وحدة


لدي استعداد لمسك طاولات البازارات مع عمل عروض تسويقيه


الساعة الآن 02:22 .