Analysis Services
السلام وعليكم..

خواتي أنا مسوية من كم يوم كبة التونة بالبطاطس.. هي لذيذة وهي بروحها..

بس أبقي لو حد عنده فكرة ثانية للتقديم يعني مثلا سندويجات مع أي صوص تنفع؟؟!!

أو بالصينية وشو أضيفلها زيادة… يعني أبقي شي غير عن التقديم العادي مزينة بالخضار الملونة؟؟!!

يالله عاد أبقي همتكم وفيدوناااااااااااااااا بخبراتكم.. أنتظرج ياعزيييييييييييييييييييييزة.. وكل الخوات
03-12-1424 هـ, 08:12 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
المسافرة ضعيها
في طبق ابيييييض ورصيها على شكل دائرة كبيرة ثم اصغر فأصغر
بعد ذلك ضعي اطرافها شرائح ليمون رقيقة مرتصة فوق بعضها وبالتناوب مع شرائح الشيبس
واوراق البقدونس ومخلل الشمندر

وبالعافية
04-12-1424 هـ, 06:40 صباحاً
 
المسافرة شالسالفة عندك عزيمة من وراي !!

تدرين فكرة أم بدر حلوة .. وفي همن فكرة ثانية .. إنك ترصين الكبة في صحن وتخلين من النص فاضي وتحطين في النص صحن صغير عميق يادوب بحجم ربع الكف يعني صغير وتحطين فيه أي نوع صوص وغالبا يحطون روب (زبادي) ....

شرايك ؟؟
04-12-1424 هـ, 08:04 صباحاً
 
مشكورة الغالية أم بدر عالرد.. طريقتج حلوة وهي الغالب اللي أسويها وأزينها بالخضار بس أنا قصدي مثلا سندويجات بالكبة يعني كيف أسويها مع صوص؟؟!! أو أني أحطها بصينية وأحطي عليها صوص وبالفرن يعني بقيت أفكار ثانية لتقديمها..

بس طريقتج روعة وجدا راقية بالتقديم وخاصة اذا فرشتي ورق الدانتيل وعليه خس مقطع وعليهم الكبة.. الشكل تحفة وعن تجربة..
عالعموم بارك الله فيج ويزاج الله ألف خير عالرد..
04-12-1424 هـ, 09:39 صباحاً
 
هلا وغلا بأحلى رقيقة.. نورتي والله .. وأنا قلت مابتفوتين الموضوع الا لما تردين.. وهذا من طيبج..

لا والله ماعندي عزومة.. بس لأني من يومين مقرصة الكبة ( بطريقتي اذا بقيتيها لذيذة )!!

وعاد البارحة قليت كم حبة منها.. بس لأني أبقي أقليها وأخذها بيت الوالد ترعفين عاد الأهل كلهم بيكونون هنيه قبل العيد بس قلت أسألكم بطريقة يديدة غير اللي متعودين عليها..

بعد طريقتج حلوة وكنت أسويها للباذنجان أقليه شرايح وأحطيه بالصينية دور ماداير وعليه ثوم شوي ومقلى بعد وأنثره فوقه.. وبالنص أحطي الملة اللي فيها الروب مع الثوم والنعناع والملح .. بس بالكبة ماجربتها.. أشوفني بسويها اذا ماحصلت فكرة ثانية..

يزاج الله ألف خير عالرد والله يعطيج العافية ..

وبانتظار باقي الخوات يردووووووووووووووووووووووووون أكيد عندهم أفكار بس وينهم؟!!؟!؟
04-12-1424 هـ, 09:47 صباحاً
 


الساعة الآن 09:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏