يدا بيد لافكار تغنينا عن سهر ليله العيد بالكوافير

ربي يجزيك خير

انا بصراحه الي ارحمهم واستغرب منهم الي بلليله العيد توها تفكر تصبغ شعرها !! او توها تحف جسمها او وجهها

كل هالاشياء تنفع قبل باسبوع او قبل بثلاث ايام ع الاقل

والله يغنينا عنهم

..

.

تسلمين

موضوعك مره حلو في الصميم الله يجزاك الف خير فعلا ماادري ليه بعض الناس تحب الزحمه ودايم تأجل اشغالها الى اخر لحظه فعلا استغرب على اللي تقص شعرها اوتصبغه ليلة العيد لانو عندها متسع من الوقت ولانو دايم ليلة العيد الدنيا زحمه والكوافيرات يبون يخلصون بسرعه وغالبا القصه والصبغه تخرب

بالنسبه للافكار اللي المتواضعه اللي عندي الشعر اذا تحبينه ويفي في طريقه روعه شفت الكوافيره تضبطها لي لما كان عندي زواج
وهي طريقه سهله وسريعه نوعا ما اول شي استشورت لي شعري عادي بعدين قسمته الى خصل وكل خصله تاخذها ترش عليها شوية سبراي وبعدين تاخذ المكواه السيراميك وهي مفتوحه وتلف الخصله عليها ثم تكبس على المكواه وتخليها شوي بعدين تفتح المكواه مااقولك الكل انهبل على شعري وفعلا كان واو اللي تحب يكون شعرها كيرلي متقن تقدر تستخدم الفير الكهربائي بعد ماتستشور شعرها اما اللي تحبه ناعم تقسم شعرها الى خصل وتحط على كل خصله شوية سيروم ثم تستشور وكل ما كانت الخصله صغيره كل ما كان الاستشوار متقن اكثر اذا كانت تحب شعرها يكون ستريت تمرر المكواه السيراميك على شعرها بعد الاستشوار اما اذا كانت تحبه مرول بعد ماتستشور كل خصله اما انها تلفها وهي حاره بيدها ثم تثبتها ببنس او انها تلفها بالرولات العاديه وانا افضل الرولات الكبيره على الصغيره احس منظرها احلى او انها ترول الشعر بالرولات الكهربائيه تعطي نتيجه سريعه واذا كنتي من النوع اللي ماتثبت في شعره الرولات حطي قبل لاترولين شعرك شوية جل على الاطراف وخلي الرولات فتره طويله واحرصي انك وانتي تلفين الخصله انها تكون حاره

بالنسبه لازالة الشعر انا من فتحت على الدنيا وان اشيل بالاله لاني مااعرف للحلاوه اما مميزات الاله سهله وسريعه وتشيل حتى الشعرات الصغيره
من عيوبها (ولا اعرف اذا كان هالشي تسببه ايضا الحلاوه او لا لاني مااستخدمها ) تطلع شعر تحت الجلد اخر مره استخدمت حلاوه ميم رول مره اعجبتني سهله وعمليه لكن بعد ماشلت فيها رجعت على الجسم بالاله علشان تكون النتيجه احلى وحتى الشعرات الصغيره تنشال

اتمنى اني اكون افدتكم بشي بسيط

دعواتكم لي بالزوج الصالح

الف شكر

نسيت اضيف نقطه علشان تحصلين على افضل النتائج بالنسبه للشعر حاولي انك تعتنين فيه بهلفتره مثلا اذا كان شعرك من عادي الى ناعم انصك اذا انتي موصابغه شعرك بالحنا تعطيه لمعان وحيويه والافضل بعد ماتحنينه تعملين له حمام كريم او تزيتينه اما اذا كان خشن فانتي اعرف بشعرك اذا كان الحنه يجففه او لا وانصحك بوصفة الدكتور جابر القحطاني الزيت الثلاثي ابحثي عنه في النت وراح تشوفينه صراحه الزيت هذا مره خطير واحسه يطري الشعر

بالنسبه للميك اب الموضه الان الميك اب الناعم مره اللي يركز على جمال البشره وصفاءها ونقاوتها

شكرا مره ثانيه لصاحبة الموضوع

الله يجزااااااااااااااااااااك الف خيرررررررررررررررررررررر