الـــسلام عليكم ورحمة الله ..






.........

مــقدمه كعـادتي
اللي مايبغى كثر الهذر ينزل تحت للزبــده ..
حتى يحافظ على شويه الحبتين اللي باقياات فيه عشان الدواماات


.......



غلووو في بيتها ..

قاعدتن تسكت عيالها

ترن ترن ..ترن ترن ..>>> التفـون يرن
من اللي يدق هالحــزه ..الوقت عصــر ..
تحس بالناس مثل اهلها شخري


ألــو ..
السلام عليكم ..
وعليكم السلام هلا والله ..
هلا بأم ..=> ماادري وش اسم ولدي اصبري لين يجي اقولكمـ
هلا بكـ اكثر والله يالغالــيه ..
وش اخبارك؟؟واخبار عيالكـ وخالتي => ام رجــلي

الله يسلمك كلنا بخير ونعمه
غلووو في قلبها وش عندها داقتن عمتنا هالحزه غريبه
عمتنا : اقول غلاتنــا انتي => الله يابناات احس توني بنت مااعرست يوم قالت غلاتنا ونااسه :S_4
غلا : سمي امري ..
عمتنا: والله ابونا عنده شغل حولكم وقلت اجي عندك اتقهوى مبطيتن عنكـ .
مشتاقتن لكـ مااره >> ياربي مشكله اذا اهل زوجك صاروا يحبونكـ
باقي المحادثه

غلا : هو ..الله يحييك .اذا ماشلتك الارض تشيلكـ عيونا ..
حيااك ربي ..
عمتنا : يالله اجل جايتن اللحين لاني جاهزه من زمااان للجيه

طوط طوط طوطو ..

وانا اقمز ..
ياعيال ..كل واحد يمسك له زوايه ينظفها ..
وروحوا تروشوا ..والعبوا بالسوني => وشوله اجل يتروشون

وانا اروح لابونا .الا ناايم ياعمري الدوام هاد حيله ..
قلت مايحتاج اصحيه يجيب لنا حلا من برا .
انا اسويه بس .
لازم نتسنع عند الاهل شوي


واطير للمطبخ .
وأطــلع الباف بستري اللي عليه الدقه
ونسوي الحلا ..اللي بتشوفون صورته تحت مع طريقته ..

واشب على القهوه .واولم التمـر ..وابخر البيت .وطيران انا اتروش واتكشخ ونتعطر وكلش ..
وواروح اقعد وانتظر انتظر ..
واطفش .لين وصلوا ..
وسولفنا وتقهوينا واستانسنا ..
ويوم صحى رجلي ..قال: وهـ بس يانااس انا بدون غلاتي أضيع
بناات تتوقعن انه ينصب علي
>>>حركات بناات حواء


هاه ..وش رأيكم .
ماودكن اللحين تخطبن لأخوانكــن

نــشوف الحلا اصــرف

1-الآت المستخــدمه ..بــدون فرد أبد أبد أبد وممكن يكون الباف بارد عاادي مو مشكله اهم شئ مايتكسر معكـ





2- طريقه التقطيع ..انتبهي تحفرين فيها ..
مايصلح ماراح تنجح معكـ..مجرد حفره بسيطه بحيث لو انتفشت راح تبين الحدود بس ..




4- بعد ماشلنا اللي بالوسط اللي كان محدد على خفيف بواسطه سكين ..وبشويش ..



- حشينها بالمكســرات ( الكاجو _ اللوز ) المطحون طحن خشن ..
ماكان عندي فستق من الممكن تضيفينه ..لكـ الحريه بالمكسرات حسب رغبتكـ

ومره سويتها وحشيتها ب ( شعيريه باكستانيه حمستها مع شوي زبده بعد كسرتها صغاار ماااره مااره )

وممكن برضه تحشينها قشطه وتزيننها بالفراوله ..او مربي فرواله ..
او ممكن تسوين بها شين ثاني بس اذا زارتنا عمتنا مرتن اخرى ابحطه لكـن
- زينها بالنستله والهيرشي ..وشوي من جوز الهند ..




وتمـــتعي بالطــعم مع القــهوه ..


على قولت عمــتنا : اشوى انك مرت اخوي والا كان ضعنا

..

نسيت اقولكن ان رجلي راج وجاب لنا دوناات من كريسبي كريم
=> طايحين بووه هالاياام طيحه الله يكفينا شرها

وش اسمه نسيت اقولكن..
اني اخذته من منتدى ثاني من عضوة اسمها السفيره ..
الله يسعدها ..وشفت هنا ديم الغيم كاني مانيب غلطانه مسويه حشوه الشعيريه ..
وصرقته منها


والله ماادري وراوه المنتدى اليوم ماش ماجازت له سوالفي
المهم شكلي مكروشتن اليوم منه ..فوصيتي ..صيحوا علي لاتنسوني

تمتـ بحمد الله السذبه على خير مايرام
هههههههههه

عجبتني محجوز >>

بجد اسلوبك يدنن غلا ماشاء الله عليتس تف تف تف

هالحين اقدر اختارتس عضوه بالمطبخ >>بتوهقها

يالتسذوبه تقولين عصلتن مصلا وماعندتس سالفه بالطبخ

عاد انا قلتلتس انامابغيتي اختارتس غسلي مواعيني وانا بطبخ بس لحد مايخلصون من إستضافتي>بعدين برشحتس هههههه

يوء يوء يوء لاتخافين يعني بكب عليتس سطل ماء بس اخاف تكسرين يالعصلا

عدنا بعد الحجز
ماعندك خوات
ماشاء الله حفريات ودنيا وانتي مختبة اجل لاروقتي وش تصلحين ماشاء الله لاارجفك

وكريسبي كريم حتى انتم طايحين فية
لايكون بنات حواء يتوحمن وطاحن على هالكرسبي
اتخيل عيالنا متافيخ
توني جاية مع دبي المملوح وشرالي كريسبي بمناسبة شفاء ضرس العقل
ندور مناسباتوقلت له بعد يومين ابقلع الثاني استعد

ولايفووتكم يابناااات هالكريسبي شي يهبل ياخذك لعالم آخر لين اخر قطمة همن تلحسين الكرتون والباغات ولايفوتكم تيز كريسبي خرررافي
وصورتة لكم


اما زوجي الحبيب أبيت ان يأكل منه
ان كيدهن عظيم
قلت انه حااالي ومليان زبدة ويتفخك بلحظة وهو جنية ولاالتفخ
وسويتلة شابورة وحليب
اللهم أيما امرئ شتمني أو آذاني، اللهم إني عفوت عنه ، اللهم فاعفو. اللهم أنا عفوت عن عبادك فاجعل لي مخرجا أن يعفو عبادك عني.


الساعة الآن 12:46 .